四川豆花@深圳

今朝6點起身，因為9點要去到羅湖呢！

我同媽媽9點去到羅湖，去到時商號已經到o左！

點知，QA同事佢搭錯o左去落馬洲！

佢要由落馬洲搭返去上水，再由上水搭車過黎羅湖！

我o地都等o左成3個字呀！

之後就搭火車上廣州喇！

呢張係老公公司印o既火車時刻表，好有用嫁！

            

上到廣州10點半倒，再搭地鐵去坑口站！

又用o左1個鐘，再搭多9個字車就去到佛山南海西樵喇！

去到我o地先食飯，我食o左個好好味o既南瓜黃鱔焗飯！

之後就去睇廠lu，都用o左個半鐘時間先搞掂o的o野！

跟住3點9搭返車落黎！

我o地6點半倒就返到深圳喇！

老公仲o係火車站出口等我添！

仲俾媽媽話”接老婆放工呀！你真係好！”

哈，我老公梗係對我好啦！

之後就出發去食dinner lu！

我o地去o左四川豆花！

本來Terence話黎，但因為同女朋友鬧交，又放我o地飛機！

我o地今餐好豐富呢！

兩個人食o左4餸一湯！

真係飽到呢！

            

            

             

             

             

             

之後就去搵Terence打桌球lu！

仲見到佢傳說中o既女朋友添！

老公同Terence兩個打波，我o地兩個就傾計！

好彩o的普通話唔差o姐，唔係都唔知點溝通呢！

打完波都成12點半，而我又好眼訓，咁就無去按摩就去搭黃崗巴返香港lu！

一上車就訓，訓醒就落車喇！

又成2點先返屋企喇！

跟住就要大昏迷lu，哈！