2008年傻豬之家大事回顧

2008年係好難忘o既一年，因為o係過去一年裡面，實現o左兩個夢想！

第一個當然就係我30歲前嫁得出，成為o左陳太！

第二個就係搬o左去一個我7年前已經好想搬去o既地方！

仲要係我同老公一齊買o既！

黎緊o既日子裡面，我o地有共同o既目標！

其實2008年真係好多驚喜，有好多都係無諗過o既！

就好似買樓，真係一開始都無諗過！

唔係因為結婚所以買樓，係因為機緣巧合下買o既！

另外就係加人工！

年頭時加人工，無諗過係成team人裡面加得最多o個個！

亦無諗過會加超過20%！

到o左4月，正式掉組！

做我想做o既job natural！

無諗過係聖母真係講得出，做得到！

我仲以為要等唔知幾耐先可以掉組添！

過去一年真係過得好開心，好難忘！

係精彩o既一年！

尤其係08年11月23日！

除夕

今日係大除夕，公司放四點！

但可惜老公無得早放，佢下晝仲去o左打牌添！

我4點半先走，之後就過鑽石山喇！

因為要去regene換o野！

我有成56個印花，可以換到一份50個同5個印花o既禮品！

50個印花係換價值$1500 o既regene護膚品！

我足足換o左$1488呀，連老公之後都話我計得咁叻！

因為要等飛小姐拎返我份聖誕禮物，所以就去o左百佳行o下喇！

今晚打算打邊爐，咁o岩又有象鼻蚌喎，咁當然要買啦！

跟住o的原價$138 o既新鮮鮑魚，個阿姐仲話見我買開o左，$75賣俾我添！

跟住搵飛小姐拎埋份禮物我就搭車返屋企lu，因為仲要去吉之島買餸呢！

行到差唔多，老公就返到黎join我喇！

佢最主要目的當然係幫我拎o野啦，哈！

跟住8點零倒，阿妹就上到黎喇！

阿妹上黎一齊打邊爐呢！

食到咁上下，三姨就放工上埋黎喇！

三姨黎到無耐，媽媽都返到黎lu！

我、老公，阿妹同媽媽仲玩話事啤，廿一點，玩到朝早6點半先訓呢！

仲有好多奇景添！

你o地睇o下，派出黎係個個都Black Jack嫁！

仲有就係話事啤時，我同老公牌面係一樣！

最奇係居然真係派到4條喎！

今日真係太好玩喇！

訂o左電腦

今日終於都訂o左電腦喇！

預計1月8號倒會送貨！

到時我就可以繼續我每日寫blog o既習慣喇！

真係發覺無o左電腦好唔方便！

至少想上網check o下information都唔得！

又唔可以同朋友chat喎！

好似消失o左咁！

希望下個星期送黎之後，我o地仲趕得切上網book意大利酒店啦！

大家等多一個星期，我就會回歸嫁喇！

到時唔好唔記得我呀！

朋友牛一

連續放o左4日假，話咁快又要返工lu！

不過好彩媽媽放假，朝早唔使早半個鐘返去開會o姐！

今日係我其中兩個o既姐妹 – 飛飛同Chloe妹o既生日！

o係度同佢o地講聲生日快樂先！

飛飛我就祝佢快o的如願以嘗，快o的做林太！

而Chloe妹就o係09年佢可以實踐到佢o既澳洲大計！

聖誕休息日

連續玩o左兩日，係時候要抖o下喇！

人老o左，唔同以前玩兩日通宵都無問題！

本來今日要去老公表姐屋企嫁！

但由於最後都係無o左下文，所以就無去到喇！

好開心可以訓返之前兩日無咩點訓o既覺！

真係好滿足呢！

聖誕Party @自已屋企

由於新屋入伙咁耐，老公班朋友都無正式上過黎，所以今日就o係我o地屋企開P喇！

約o左1點半，但最後都係2點幾差唔多3點先上黎！

我今日全日做o左阿四，幫手服待老公班朋友！

到o左4點幾，等佢o地食完o野，老公開始打牌，我就去訓覺喇！

因為尋晚訓得4個鐘咋！

仲要12點起身執屋，費事間屋失禮人啦！

o係我訓覺期間，佢o地交換o左禮物！

佢o地都有諗住叫我起身影相，但老公話唔好嘈醒我喎！

我o地抽到一set廁所用品，正正係我o地屋企缺乏o既o野呢！

夜晚佢o地好似唔使食咁，無人話要去整o野食！

咁我見老公佢o地打到個西圈，就自己入廚房準備喇！

準備到七七八八o個時，三個落o左去行街o既女人仔就返黎幫手喇！

老公之後仲話，唔係有老婆我今晚10點都唔使旨意有得食！

哈，聽完之後好開心！

老公仲話佢o地朋友一定好羡慕佢有個入得廚房，出得廳堂o既老婆喎！

佢班朋友應該對我o地呢間新過o下o既屋印象唔錯，好羡慕我o地有間咁大o既屋喎！

今日又搞到成點先訓！

雖然玩得好累，但好耐都無試過咁開心lu！

聖誕Party @人o地屋企

12月初已經約好o左，25號去飛飛屋企開P！

我o地每人負責少少o野食！

當然最重要目的係開枱啦，哈！

本來約2點o係九龍塘等，但因為我o的阿姨上o左黎我屋企，所以要social o下先可以走！

我o地先拎o左幾支酒同份用黎交換o既禮物上飛飛屋企先！

跟住就一行四人出發去又一城Taste買餸喇！

我o地只係行o左一陣，就買晒要買o既材料喇！

跟住兵分兩路，飛飛同海豚去Cova拎蛋糕，我就同老公去EXP拎燒牛肉同雞翼！

結果搞到成4點幾先返到飛飛屋企！

無幾耐阿奀同阿樂都去樓下百佳買完o野喇！

跟住我o地班女人就開始洗o野，而班男人就去o左打桌球！

我o地洗好晒o野，之後就開始打牌lu！

我o地o係打牌期間，仲估究竟邊個個男人會打電話返黎俾我o地，話佢o地幾時返！

到o左9點倒，有人按門鐘！

原來成班男人已經返o左黎！

結果我o地四個個男人都無一個係打電話俾我o地嫁！

我仲話其實佢o地四個男人都係一樣咁諗，睇o下邊個女人會打俾佢o地叫佢o地返去食飯，哈！

跟住就開始食o野lu！

你睇我o地今餐幾豐富！

個蝦係老公整嫁！你睇O下佢幾有型！

跟住到交換禮物！

我抽到飛飛o個份，飛飛抽到海豚o個份，海豚抽到阿奀o個份，而阿奀就抽到我o個份！

我o地仲影低呢一刻添！

不過，由於有人太大意，我份禮物係要拎返去配返個座先可以拎返屋企！

跟住當然又開始竹戰啦！

今次又打通宵呢！

不過好開心，好好玩！

聖誕大餐

今日好hea咁只係返半日工！

準時1點鐘公司有到會大食會！

食完差唔多1點9就走lu！

因為老公話下晝會返屋企呢！

返到屋企老公已經返o左去lu！

跟住我就訓覺喇！

因為呢兩日實在太唔夠訓喇！

好滿足咁訓到6點半，老公就買好餸返到黎lu！

我好出奇點解老公會咁早返到黎！

原來老公老細皇恩大x，提早1個鐘收工喎！

我o地今日o係屋企整聖誕大餐，因為唔想出去同人迫同sign錢呢！

我o地兩個o係個廚房搞o左成2個鐘先整好晒！

總共有8餸1湯呢！

你o地睇o下幾豐富！

今年第一次以人o地老婆身份，o係新屋道整大餐！

感覺好sweet sweet呢！

結婚一個月@洲際STEAK HOUSE

話咁快就結o左婚一個月喇！

呢一個月無咩改變，我依然都係做一個唔使做家務o既陳師奶！

不過老公今日book o左地方食飯慶祝呢！

我o地慶祝o既地方，唔係咩特別地方！

只係去o左一個我o地從來都唔會去o既地方！

就係洲際Steak House o喇！

本來想去洲際食buffet，但3號book已經full晒！

所以就去o左Steak House 喇！

佢o的牛扒係用炭爐燒o既，所以有炭燒味！

佢仲會有成10把刀，俾你揀你認為最o岩手型o既刀黎切牛扒！

海鹽都有唔知幾多款！

芥辣更加唔使講，多到我都記得叫咩名喇！

最終我揀o左一把法國刀，老公就揀o左巴西刀！

我o地要o左一份牛扒同一份羊扒！

當然仲有好出名o既龍蝦湯！

仲有鴨肝併盤，賣相好精緻嫁！

最後黎個有名甜品 – Chocolate Fondant！

咁大個當然食唔晒啦，最後打包o左半個走！

仲有飲O左紅酒！

總結今餐真係好好味，但唔值咁貴o既價！

同埋個環境真係唔係太得！

好嘈，唔夠浪漫！

不過可以望到海景！

以呢個價錢，我同老公會選擇去南丫島食海鮮！

不過，今日係一個好好o既回憶！

可以話俾人知，我終於去過洲際Steak House！

亦都會記得，去Steak House就係結婚一個月！

同事打邊爐

今日放埋今年最後一日大假！

今日做o左好多o野呀！

先拆晒o的人情，再去銀行入錢！

跟住又將o的夏天衫同冬天衫交換位置！

再拖地同吸塵！

本來老公返o左大陸嫁！

但老公早返落黎，2點幾就返到屋企喇！

因為返大陸關係，所以唔使再返公司打咭呢！

我o地hea到6點零就出去同我班同事食飯喇！

去o左新港中心關稻香打邊爐！

出席都有成16人嫁！

我o地仲交換禮物添！

我抽到師兄o個份！

係一隻杯黎o既！

事前係話budget係$50！

咁細佬佢o地個份點睇都唔似值$50！

咁師兄仲話要check單添！

真係笑死o左呢！

我o個份就law law抽到！

好o岩佢個女用嫁！

係貓扮羊錢箱呢！

食到10點半就走人lu！

因為第日仲要返工呢！

屋企做節

咁多年都係第一次正日o係自已屋企做冬！

第一年同媽媽正日食飯咋！

媽咪好隆重其事呢！

整o左鬼死咁多餸！

仲開埋紅酒添！

感覺好開心呢！

慶祝表弟當差10週年

今日我o地成班老表出黎唱K！

原因係慶祝我大表弟當差10週年！

不過呢個只不過係一個藉口俾我o地成班出黎玩o下o姐！

本來大表哥同強表哥都黎嫁！

但強表哥第日要返早，所以最後無黎！

而大表哥就臨時話好忙唔黎！

其實我o地個個都知係咩事啦！

咪就係大表嫂唔準佢黎囉！

所以今次都係得我o地班細o既出黎玩！

由10點半玩到第朝6點！

今次好盡興呢！

連18歲o既阿妹都飲o左唔少芝華仕添！

下次就會係團年飯，不過又係我o地成班表兄弟姐妹出黎o姐！

希望下次會齊人啦！

 

 

做冬

今次係以陳家媳婦o既身份出席冬至晚宴！

今晚去o左長沙灣廣場間富臨食飯！

老公放工只係行落樓下就到喇！

7點半去到，大表姐、姑媽佢o地兩家已經到o左！

細珠女好痴我，但當老公一想抱佢就走夾唔抖呢，哈！

去到當然個個都問拎相睇啦！

我o地話新年就會有嫁喇！

佢o地都問我o地擺酒使唔使蝕！

我o地話出奇地係有賺囉！

跟住仲約埋27號去二表姐屋企玩添！

10點半就散band lu！

之後同叔仔一齊搭地鐵返屋企！

老公同叔仔o係地鐵站傾o左成個鐘至走呢！

無法啦，自從老公同我一齊住之後，佢兩兄弟好少傾計！

今次佢o地傾計，發覺到叔仔大個o左！(其實佢只係細我老公一年！)

佢識得o係老公角度諗！

以前佢會話老公唔理個家，宜家佢會識講話老公其實都為個家出o左唔少力！

知道奶奶其實我大婚當日係好開心，仲一早返大陸做o左兩套衫添！

不過家家有本難諗的經！

宜家o係我o地能力範圍內做到我o地都做o左！

將來經濟再好o的會再諗o下點可以幫到叔仔！

吉野家

今日下晝入o左大埔開會！

因為要陪阿哥囉，媽媽放假！

入到去，阿哥好慘囉，係咁俾人追o野！

最搞笑係傅生話以後都係你黎開會就好囉！

之前黎o既都唔話得事o既！

即係暗寸媽媽囉！

呢招真係高呀，哈！

開完會都成6點，落去同米高夾埋o的手尾就走lu！

由於唔知幾點先開完會，所以同媽咪講o左唔返去食！

老公同o左我去吉野家打邊爐呢！

今日已經叫成個星期最早返到屋企嫁喇！

壽終正寢

唉……….真係頭頭碰著黑！

公司o野唔在講，連屋企部電腦都要玩我！

用o左5年o既電腦，終於都壽終正寢喇！

連入windows都入唔到！

我可以打到blog都係下晝食完lunch o係公司打咋！

究竟幾時先可以有新電腦用呀！

老公，你快o的幫手睇o下買邊隻啦！

又黎中山公幹

今日又去o左中山公幹！

今次只係我一個去，媽媽同阿哥都唔得閒去！

上到中山，仲要俾媽媽o係電話插o左成分鐘！

好，我就以後咩都唔出聲，咩都問過你先！

到時唔好話我煩，話我點解揸唔到主意就得喇！

上到去11點倒，之後就去食lunch先！

去o左中山雅居樂一間叫威尼斯西餐廳食o野！

佢o個度o的扒都真係唔錯，但較貴囉！

但好彩唔使我出錢！

今日又搞到要搭7點半班船，返到香港又成9點！

已經俾老公咋型喇！

你估我想o既咩，趕唔到搭6點班船都無法嫁！

跟住又去o左MX食dinner！

唉……….又係11點先返到屋企！

我真係好累呀！

日日都有新鮮鑊o野發生！

多事之秋，幾時先可以完呀！

辦公時間

今日收到HR通知平安夜同除夕辦公時間！

平安夜就放1點，之後office會有個大食會！

咁即係23號結婚一個月晚餐可以食耐o的，因為第日只係返半日o姐！

除夕就放4點！

唔知老公呢兩日有無得早放呢！

禦寒衣物

下個月就去honeymoon喇！

係時候要list o下要準備o的咩先！

因為聖誕同新年好多公司都大減價o麻！

因為到時意大利得2度左右，唔準備返o的禦寒物品唔得呢！

1.      充電暖手器 (呢個老公應承買俾我嫁！)

2.      暖包

3.      禦寒底衫

4.      禦寒襪

5.      保濕面膜

6.      後備相機電

7.      冷帽

8.      毛毛護耳

暫時諗到係咁多，諗到先再update！

沒完沒了

又係一星期開始！

今日真係好嬲囉！

我知有鑊o野，心情會唔好，怕會有o野上身！

但唔係咩九屎垃圾都黎鬧我嫁o麻！

連唔關我事都鬧一餐！

明明朝早提過，但你話唔好提住，到下晝居然係話我做咩唔提！

真係火都黎埋囉！

好彩有老公放工出黎接我，搭巴士咁耐我同老公講足咁耐！

呢度氣真係頂住，唔發洩o下唔得！

老公見我咁，就帶o左我去大快活食打邊爐喇！

好彩有老公o係身邊，真係一見到老公就開心返！

不過，唔知聽日又有咩新花款喇！

深深感受到點解之前跟媽媽o既三個人，一齊辭職！

睇o下我o地三個又可以捱到幾時！

表妹子，生日快樂

今日係我親愛o既表妹子18歲生日o既大日子！

佢o係屋企搞o左個扒地！

由於費事佢班朋友要就住玩，所以我同老公就無去到佢屋企join佢！

睇住阿妹由bb仔到宜家，見到佢宜家咁生性，都真係幾安慰！

雖然有時又真係麥兜o左o的，但有佢o係度真係多好多歡樂！

希望阿妹今年所有生日o既願望都能夠成真！

以後都開開心心，幸幸福福！

記住有咩唔開心同開心都要同我分享喎！

我當你細妹咁嫁喇！

雖然物質上面唔可以提供到咩俾你，但我、表姐夫同姨媽永遠都會企o係你o個邊！

記住有咩要幫手就出聲！

雖然你黎緊農曆新年同唔到我拜年，但你封利是一定唔會走你o既！

就算過o左新15我都會俾你o既，放心啦！

不過你生日封利是就無嫁喇，因為我同表姐夫已經請o左你食餐好豐富o既buffet呢！

記住唔開心o既o野唔需要記住，只要記得開心o既時刻就得！

即係記住我同你一齊o既時刻就夠喇，哈！

貴姓？！

今日去工展會，買靈芝孢子時，個sales問我姓咩！

咁我好正常咁答姓陳啦！

離開o左個檔，老公話你做咩話你姓陳！

咁我係姓陳丫o麻！

老公話人o地話係陳小姐時，你應該答人係陳太，唔係陳小姐！

真係俾佢吹脹！

當我o地睇緊魚肝油時，個sales問我o地”你o地個小朋友幾大嫁？”

o個刻我同老公係突o左一突！

咩魚肝油一定要俾小朋友食o既咩，大人唔食得嫁！

諗諗o下，第時人o地問我貴姓，我都唔使諗點答，因為我係陳小姐，又係陳太呢，哈！

工展會

今日下晝見無咩做，而我又想去行街喎，所以放工就去o左工展會喇！

其實我好累嫁，不過太辛苦，想減o下壓，鬆一鬆！

我o地先去o左金百利食lunch！

老公揀o左一間印度餐廳！

因為我由公司搭船再轉地鐵，當我去到時老公已經點好晒o野喇！

呢o的就係我同老公豐富o既午餐喇！

o的烤餅真係好好味呀！

又夠熱，係新鮮整嫁！

全間餐廳都係由印度人經營o既！

之後就出發去工展會lu！

其實唔算太多人！

我同老公行o左3個鐘呢！

今年第一次工展會行收獲如下：

1.      草x靈芝孢子 5盒 (有一盒係送o既)

2.      草x冬蟲夏草 6盒

3.      草x紓骼適 8盒

4.      老公新背包 1個

5.      x島湯包 4包

6.      官燕x一頭鮑魚 1罐

7.      官燕x 一口鮑魚 1罐

8.      官燕x 湯包 8包

9.      Toshiba 8G USB手指 1隻

其實仲想買嫁，不過可惜我o地無按錢，所以用僅有o既錢去買咋！

等下次同阿妹一齊再去，先再買過！

因為我睇中o左訂冷帽呢，同埋想買件羽絨背心俾阿妹！

因為阿妹話想買好耐喎！

等我同阿妹make個appointment，定o下幾時去先！