珠海南水睇廠記

珠海我成日都去，但南水真係第一次去！

佢係近海泉灣o既一個工業區！

我o地今朝8點2個字去到中港碼頭，商號一早幫我o地買好船飛！

今日同行有QA同事，因為媽媽今朝要開ERP會，所以無去到！

商號幫我o地買o左豪華位飛，去咁多次珠海，都係第一次搭豪華位咋！

落o左船再搭若1個鐘車就去到廠喇！

Um………呢間廠比星期一o個間大好多，同埋有system好多！

上次去睇吸塑，今次就去睇注塑，兩部機有好多分別嫁！

佢o地各方面都做得比較好，咁當然仲有room for improvement 啦！

睇到12點半，就去食飯喇！

今餐好味過上次好多，o的海鮮好新鮮嫁！

食完差唔多兩點，若等4點船先返中港碼頭，咁即係要o係度等1個鐘？！

咁我同QA同事當然話早o的走，搭3點去港澳碼頭o既船啦！

4點半返到香港，難得有機會可以早o的放工，當然唔返公司啦！

我同QA同事夾好嫁喇！

5點鐘就返到屋企lu，真爽！好耐都未試過喇！

今個星期我只係二、四、六返公司，因為一、三返o左大陸，星期五就annual leave去影婚紗相呢！

今個week雖然好似唔係返o左好多日工，但到今日已經係等於一個星期o既工作量喇！

黎緊仲有下個星期一要去睇多間廠添！真係攞命！