金都試姐妹裙 (Round 1)

今日本來約o左阿奀、飛飛去金都試佢o地兩個o既姐妹裙o既！

但飛飛放飛機，佢話要湊隻兔仔去做絕育手術喎！

但好彩仲有我表妹出埋黎，陪阿奀一齊去試！

佢o地兩個每人都試o左幾件，佢o地都搵到自己o岩心水o既衫！

阿奀o個件著得佢好高貴，好靚嫁！

而阿妹o個件就o岩返佢年紀，話晒佢都仲係好細個o麻！

阿妹仲俾o的職員個個都話佢似梁詠琪添，佢都不知幾開心呀！

度o左身，拎衫前1星期上去再final fit！

佢o地兩個試完，就到媽媽試o下！

佢話好鐘意第二件深紫色o既晚裝喎！

呢件著得佢好高貴，唔似一般大路媽咪衫！

但因為佢仲未諗掂買定租，所以都係遲o的先決定！

8個姐妹有兩個去o左試喇！其餘6個仲未有聲氣話幾時去試喎！

我係唔會提佢o地嫁！哈！

不過我知伴娘已經準備去揀嫁喇！