專業咖喱皇

今日係兒童節，亦都係清明節！

今日o既節目係一個字 -- hea！

我o地今日訓到成點先起身(其實豬豬咋，我十點幾起o左身喇！)！

等豬豬起身，佢就煮o野俾我食喇！

食完o係屋企再hea一陣就出街lu！

首站係冒險樂園！

我o地今日好叻叻呀，玩o左大富翁，只係玩o左一陣，就中o左bingo喇！

我o地剩係玩大富翁已經有好多張飛喇，有成3千張飛呀！

再玩埋小丑同拋彩虹，今日成績有成5千4張飛呀！

離我張床褥只係爭少少咋，繼續努力！哈！

之後就出o左佐敦，去o左食今期飲食男女介紹o既"專業咖喱皇"喇！

我o地好彩早十秒入到去咋，唔使同人搭檯！

我o地今日食o左兩樣o野 -- 係地捫乾咖喱大蝦同意大利香草乾咖喱羊扒！

我o地要o左中辣，老闆娘話即係等於出面o既大辣喎！

兩個都好好味，仲每個餸跟印度薄餅或白飯！

今餐好好味呀！好多謝豬豬帶我去食餐咁好味o既o野！

本來約o左表姐9點做facail，點知佢9點都仲未o係楊明山莊放工，咁唯有改期啦！

改o左星期日晚先去做facial lu！

食飽之後就同豬豬去o左行一陣街，之後就返屋企lu！

今日好開心，我做o左兒童節o既主角呀！哈！