終於都到o左今日，去影我婚前o既最後一輯婚紗相！
其實對呢輯無咩期望，只係抱住影得唔好sign o既心態！
我o地10點2個字去到影樓！
去到已經有3pair人化好妝，換好衫，等出海影相喇！
等o左一陣，就有人黎幫我換衫同化妝喇！
今日同我化妝o個個叫Rico，佢好似一個名星嫁！
由於我對眼比較難化，所以化o左成兩鐘先搞掂！
豬豬仲話佢都差唔多睇晒成套影咁濟喎！哈！
因為佢o地拎錯o左我之前揀o個件外景婚紗，所以先影室內！
佢影o左好鬼多張我o既單人，但我同豬豬都比較prefer雙人多o的囉！
由12點半影到2點，總共好似影o左10個室內景！
之後就去換衫影外景喇！
唔知係咪之前兩輯都係外景，所以覺得佢o地o既外景都好似室內咁，無咩外景o既氣氛！
可能係無咩花花草草咁掛，同埋無我最鐘意o既日落同海灘景呢！
影埋室外就大功告成，時間大約係下晝5點倒啦！
哈！豬豬話佢應該影o左都有150張以上喎！後尾出外景時佢仲叫個攝影師唔使影咁多添！
因為我o地決定一張都唔加，費事個攝影師sign晒o的心機啦！
本來下個星期一可以有相睇，但因為22號之前我會好忙，所以揀o左25號星期五六點半去揀相！
我同豬豬好有共識，只係揀雙人，每個景揀1張相，咁應該夠15張！
哈！我o地要貫徹始終，呢輯幾大都唔加任何錢嫁喇！
我上年年尾喺monaliza度影全家福都一毫子都冇加到.......
回覆刪除[版主回覆04/12/2008 07:13:00]咁勁，好叻呀！
我都要好似你咁，一毫子都唔加！
影左咁多呀!我ml張單寫拍攝60張揀15張,不過佢地點會拍咁少吖!你又講得岩喎!每個景揀1張,咁咪夠15張囉!等我記住,到時都係咁揀相至得。
回覆刪除[版主回覆04/12/2008 07:14:00]呢個係我男友sugget o既！橫掂都係得兩套衫，髮型都係兩個之o麻！無謂揀咁多一樣o麻！
咁又係喎!
回覆刪除[版主回覆04/12/2008 20:23:00]希望你到時都可以一張都唔加啦！
哈哈~~好似我遲的去新天地影相既忠指呀,都係一張都唔加
回覆刪除[版主回覆04/12/2008 20:22:00]yeah！希望你都堅持到啦！哈！
希望你到時忍到手啦...haha
回覆刪除[版主回覆04/12/2008 20:23:00]應該都得o既，一諗起o的錢，就算幾靚都無用呢！哈！
不過個人認為呢輯會麻麻囉，因為個樣太攰喇！
咁就好啦~ 好有計劃！ 我都覺得揀全部雙人相好過！每個景揀一張就岩啦~ 一定會成功！！
回覆刪除