今朝又入大埔開HACCP會！
點知開完之後撞到阿米，佢帶個商號入大埔廠睇清潔！
咁我同QA同事就當然係坐埋商號架順風車出大埔火車站啦！
跟住阿米仲請我食lunch添！
差唔多點半返到公司！
之後就不斷做、做、做！
7點收工之後會合豬豬去樂富睇賽果！
今日賽果好good呀！只要捱埋聽日，就一天都光晒喇！
跟住去阿倫做o個間日本店食dinner！
本來佢話請我o地，但我o地唔想，所以佢打o左個8折俾我o地！
仲俾埋張VIP咭我o地添！
下次去食若佢唔o係度可以用！
今日o係我o地問之下，阿倫終於都講o左婚期大約係幾時！
係下年年尾！
咁即係話美女雀友會成員，有3個就會o係呢兩年內拉埋天窗！
仲爭飛飛，但因為佢唔想擺酒但老豆一定要，所以佢延遲個婚禮，同老豆玩耐力戰！
原來剩返一日心情先仲緊張，既開心，又擔心！
今日知道有個blog友揀到樓，真係好替佢開心嫁！
因為可以近佢個小公主o麻！
小朋友仲好鐘意間新居添！真係恭喜晒呢位blog友！
所以朋友女係講得無錯，個天一定會俾o岩你o既o野你o既！
等我對號入座先..............多謝晒！
回覆刪除希望大家都有個好開始，安居樂業吖...........香港地最煩就係住，解決到就接近冇煩惱喇！
[版主回覆04/30/2008 13:14:00]我係講緊你呢！
無錯，最緊要安居樂業！
好緊張呀,聽日就揀樓喇!
回覆刪除[版主回覆04/30/2008 13:15:00]正確黎講係後日，因為聽日公眾假期，房署唔辦工呢！
妳揾好晒D按揭資料未呀！佢哋好多都有唔同推廣，仲要係免本票手續費..............記得做定準備呀.................................同埋記得影定身分證副本呀.......................事事順利！
回覆刪除[版主回覆05/01/2008 02:41:00]知道！
希望到時有好消息話俾你知啦！
我都鄧你緊張,希望有good result
回覆刪除[版主回覆05/02/2008 17:25:00]thx你呀！