等o左咁耐,終於都有消息幾時開始揀樓喇!
係4月8日開始,照進度就應該5月頭就到我喇!
其實宜家樓價開始回落,我係咪應該等下期再抽過呢?
因為今期居屋偏貴,講緊兩房5百幾呎中層都要成170萬!
但下幾期地點媽咪又唔係咁鐘意,咁點算好呢?
有人話有間公屋梗係霸住先啦,到第時樓價低先去買二手居屋!
但由於要顧及媽媽,佢唔鐘意住二手,又要近地鐵站,其實選擇唔多!
我知媽媽好鐘意首選o個度,但我怕到我o地時揀唔到佢想要o既東南,怕令佢老人家失望咋!西北又唔好,向北又凍喎!
媽媽係咁問住幾時開始揀樓,睇黎佢都真係好心急!
因為,話晒咁多年,若買到咁媽媽就終於都有自己一間房o麻!呢個係佢五十幾年黎o既心願!
宜家住緊間公屋,媽媽因為錫我,所以讓間房俾我,自已就o係廳度間間無門o既房,只係擺張床嫁咋!
呢次真係買又煩,唔買又煩喇!
不過,有得去揀當然請假去揀啦,唔好sign o左呢次機會o麻!
希望5月初能夠得到好消息啦!
揀到就揀啦...但唔好既話都唔好格硬買...
回覆刪除[版主回覆04/03/2008 13:29:00]呢個我一定會!
我唔會迫自已去揀自己唔想要o既o野!
希望你揀到心水樓啦,不過如果真係唔岩既就唔好勉強買呀!
回覆刪除[版主回覆04/03/2008 13:29:00]知道!我係怕我媽媽唔開心o姐!
我都覺得唔好為左買而買
回覆刪除一定要係心頭好先好買呀~~
[版主回覆04/03/2008 13:30:00]呢點我知,學之前話齋,係唔想媽媽失望!