大小B用品 – 浴盤

19號o係吉之島訂o既浴盤今朝送黎！

約o左11點至1點送貨！

都幾準時，12點半前就送到黎lu！

呢個就係大小B用o既”浴缸”喇！

由於屋企個toilet唔係好大，所以要買個細o的o既！

加上睇o左好多款，好似有個斜台好o的！

如果唔係就要另外買個浴網！

最後買o左藍色企鵝有斜台呢款喇！

我o地揀o左紅色！

望落好似sharp o的，搶眼o的！

有8折再加HSBC 9%回贈！

雖然個盤唔算太大，但用得幾耐得幾耐啦！

宜家已經成屋都係大小B o的o野喇！

真係要快o的去買個柜返黎先得喇！

DSC混吉遊

尋日出開旺角，去o左始創o個間DSC行o左一個圈！

我o地見到有o岩我o地個柜！

不過可惜要自取，如果唔係就要加$100送貨費！

跟住旺角呢間話無貨，要訂！

但唔可以o係旺角訂o左再去九龍灣拎！

一定要去返九龍灣訂！

咁好啦，今日諗住出去訂啦，因為個sales話要2個星期先有貨o麻！

點知去到一check，九龍灣呢邊有現貨，仲要係啡色同米白色都有貨喎！

但因為佢唔係組件，係成個箱咁拎，所以憑老公一個人係拎唔到呢！

所以最終都係決定問o下四姨丈或者大表哥下個星期六或日有無時間可以幫我o地車一車返屋企！

如果得o既話，下個星期亦都會買埋張電腦枱！

因為宜家房張枱太大，要換過張枱先可以擺得落大小B兩張BB床呢！

如果買埋個柜同張枱，咁只係爭BB床咋！

宜家個肚開始越黎越大同重，我諗都係4月中前搞掂晒要買o既o野好o的！

因為真係怕遲o的連行都唔想行呢！

BABYICON 4D

今朝約O左老公班舊同事飲茶！

我O地都遲O左半個鐘先入到去沙田美皇呢！

去到全部除O左JESSIE我係見過之後，其他全部只係聽過個名咋！

FLORA仲帶埋佢個2歲4個月囝囝出黎添！

佢囝囝算乖！

飲茶咁耐無LUR過要落地，只係坐O係度玩車仔！

今時今日好難得嫁喇！

個個同事好開心聽到係龍鳳胎！

CAROL媽仲話要請教O下老公點先可以一箭雙一鵰添，哈！

飲到3點就走LU！

跟住我O地出O左旺角！

因為約O左今日去BABYICON 照4D呢！

我O地3點10上到去！

跟住先決定JOIN 20分鐘定30分鐘個PLAN好！

之前已經係JOIN O左GROUP！

兩個PLAN都會有返隻DVD送！

20分鐘就3張相，30分鐘就5張相同多個HEART RECORDER！

咁經精明O既老公計過之後，話JOIN 30分鐘喎！

我O地4點2個字倒入去！

間房真係幾大，個電視都大，又唔係太高喎，睇得好舒服！

個小姐一照話原來係孖O既！

先係照O左阿囝先！

阿囝一黎又係成個PAT PAT對住人！

成條JJ咁俾晒人睇呢！

但佢初時係扒住O係個胎盆度！

呢個動作激似老公平時訓覺囉！

由於佢扒O左O係度，所以就再睇阿囡先喇！

小姐照完係女話係龍鳳黎呢！

阿囡好乖！

一黎就俾個正面我O地睇喇！

我覺得佢真係有少少似我細個呢！

個咀微微笑住咁，好甜咁訓緊！

但都對手仔都有郁嫁！

跟住到返阿囝！

阿囝唔似阿囡！

阿囝超多動作同表情！

仲係咁玩自己條臍帶！

又R呢道又R O個道！

十足十老公成日周身R！

由於阿囝不斷郁，所以好難先有張正面四四正正O既相呢！

我覺得阿囝O的動靜好似老公！

最後終於都見到阿囝正面喇！

有O的以老公！

我O地覺得阿囝同阿囡唔係太似樣呢！

阿囡五官精緻O的！

阿囝隻耳仔好厚好靚呢！

但兩個都咁靚囝同靚囡呢，哈！

最後佢O地兩個仲O係度打交！

阿囡用對腳同手打阿囝對腳！

而阿囝亦唔執輸，用隻手黎打阿囡個PAT PAT！

真係幾搞笑！

我同老公都覺得阿囝阿囡都會幾相親相愛呢！

之前聽O的6月媽媽女仔變O左男仔！(因為女仔好容易會照錯呢！)

好彩阿囡仲係阿囡，阿囝都仲係阿囝呢！

最後錄埋大小B心跳就大功告成喇！

原來佢係分開兩個HEART RECORDER嫁！

咁即係我O地比人O地多一個呢，哈！

O的相就TOTAL有190張，仲有唔少MOVIES！

不過由於阿囡較文靜，所以O的相係比阿囝少呢！

但佢O地都有唔少合照嫁，哈！

我O地就係揀O左以下幾張PRINT出黎喇！

我O地都照O左成45分鐘呢！

我O地4點2入去，成5點4先出返黎呢！

但佢O地都無話好似趕我O地走咁！

但出面都已經有人等喇，我O地都唔好意思阻住人呢！

遲O的會帶埋O的4D相同HEART RECORDER去影大肚相呢！

之後就會上網整相簿！

照完我同老公仲係咁回味照4D時大小B O既樣！

O個種心情真係好難形容嫁！

係會會心微笑嫁！

我O地食下午茶時仲拎出黎再回味添，哈！

我同老公都無後悔照呢次4D，因為真係好有紀念價值呢！

會展BB展

上回講到去完奬門自家烏冬食LUNCH！

跟住老公要先去鷹君中心見一個客先！

老公見得好快，唔使半個鐘就搞掂LU！

跟住就向BB展出發喇！

我O地打O左O左CORDLIFE O既職員帶我O地入去！

好過要俾成每人$25入場呢！

我O地當然要先去CORDLIFE 個COUNTER度聽O下先啦！

最後當然係混吉啦！

不過都拎O左少少贈品！

今次個BB展唔算好多O野睇！

主要以教育為主！

但因為我O地尋晚聽完個講座，所以對O的教育好有興趣！

行行O下仲見到有天才社擺BOOTH添！

套FLASH CARD只係賣$699！(尋日聽TALK都要賣$900)

即係個幾一張咋！

老公計過抵過自己買咭返黎再自己整呢！

仲有七田真O既圓點咭賣！

所以最後就買O左一套FLASH CARD同圓點咭喇！

仲有得免費送貨添！

同跟埋教學用法！

約O左3月7日號夜晚送黎！

送到黎再同老公一齊研究O下先，哈！

呢個係第一個出血位！

第二個出血位就係雪印奶粉喇！

成個場只係得雪印一間奶粉商！(咁當然仲有其他不知名O既牌字啦！)

咁之前做RESEARCH時已經諗好一係食雪印，一係森永！

雪印就平過森永少少，一樣都係日本奶粉！

雪印食完BB會又白又滑嫁！

所以就買1箱呢隻黎試O下喇！

買1箱仲可以免費送貨，仲送多2盒旅行裝添！

3月12號前會送貨！

最後一個出血位就係JOIN O左大肚相喇！

之前已經SERACH過！

已經BOOK O左STUDIO123 O係復活節影！

但我都欣賞FACE嫁！

不過由於佢太貴同埋無化妝服裝包，所以之前不在考慮之列！

今日經過，睇過O的相簿，真係覺得唔錯！

同埋宜家$988，送多10個FILE同UPGRADE個相架俾我！

咁我同老公商量過後，決定影晒兩間！

影大肚相唔同婚紗相！

婚紗相可以十年八年後影過，但大肚相一世人真係唔係有好多次機會呢！

雖然要自己帶服裝去影，但佢Ｏ地都會借套紗俾我Ｏ地！

我就係想影紗Ｏ既飄逸同埋晒肚呢！

如果老公俾我仲想影ＮＵＤＥ添呢！

ＢＯＯＫ　Ｏ左４月９號下晝去影！

而ＳＴＵＤＩＯ　１２３就４月２３去影！

好期待呢！

等我３月份準備Ｏ下帶咩衫去影好先得！

使完晒三大出血位，就返屋企ＬＵ！

因為今日都行得太多路喇！

除Ｏ左使錢，仲拎Ｏ左唔少贈品嫁！

以下就係今日收獲喇！

Lunch@獎門自家烏冬

今日拎O左AL！

因為諗住去會展個BB展呢！

等老公12點半放食LUNCH，就一齊搭地鐵過灣仔喇！

我O地去O左食獎門自家鳥冬！

雖然無刺身壽司食O姐！

但都唔使連豉油都無呀！

食日本O野無豉油都係第一次聽囉！

佢O地SET係幾抵食O既！

一個SET LUNCH有齊烏冬同飯！

O的烏冬都唔錯！

但我O地唔會再食第二次呢！

優才早教分享講座

上星期去完BBCARE個TALK，之後JOIN O左呢個優才早教免費講座！

見佢O係觀塘聽，加上聽日我又AL，所以就同老公報黎聽O下喇！

因為上星期天才社個PART講O左好少！

而老公又話好似好有用咁，所以就去聽多少少喇！

我O地先去食龍如拉麵小籠包！

不過唔係太掂！

O的O野又細碟，又要計茶錢，唔係太抵！

好好醜醜食完就行過去基督教服務中心喇！

去到我O地係最後一PAIR人入到去！

入到去就開始喇！

又係上星期去聽TALK O既YOKI做講者！

今次係講優才早教！

今次比上次深入O的！

早期教育元素包括三樣O野：

1.      一体感 (呢個係日文，即係愛咁解！)

2.      恆心

3.      心思

仲有早教其實係著重佢0-3歲O既五感發展！

所謂三歲定80就係咁黎喇！

五感包括：視覺、聽覺、嗅覺、味覺同觸覺！

所以唔好怕污穢或者危險唔俾佢O地去扒地下！

因為扒O下扒O下佢O地會自己發掘到對呢個世界O既新事物同好奇心！

仲可以訓練到佢O地腦裡面O既神經元發展！

神經元係一種你刺激佢就會伸延O既腦內體！

唔用就會不斷退化！

所以老人家退休後點解會好似遲緩O的同無記性！

就係退体後唔使用腦去諗O野，刺激唔到神經元呢！

講返扒地下喇！

咁當然個地下要乾淨同將所有危險物品擺高等佢O地拎唔到啦！

仲有網床唔係必需！

因為咁樣只會局限O左BB O既活動空間！

你以為佢可以O係入面扒，但扒兩扒就要轉身！

同埋所有玩具係我O地放入去，佢無O左發掘O既動力呢！

雖然佢O地O係1歲前，對我O地O既說話同表情吸收只係：

92% -- 從我O地語氣、表情、動作、支體語言感受我O地說話！

8% -- 從我O地說話感受我O地做緊咩！

所以你呢個時期鬧佢O地，佢O地係唔會知你做咩！

仲更加唔知你想點添！

你只要做O的唔開心，嬲O既表情，或者NO O既動作，佢久而久之就會知佢咁做係唔O岩！

當然最重要係左右腦訓練啦！

我O地打算買套FLASH CARD同圓點咭俾大小B！

左腦係邏輯思維，右腦係想像力、創造力同影像力！

左腦係直列O既，要記完一步先到下一步！

但右腦就係並列，可以同一時間處理幾樣O野！

左腦一出世O既學習能加係0，而右腦就係85%以上！

但隨住年齡長大，右腦O既學習能力去到12歲就會係0！

而左腦去到12歲就係85%以上！

所以點解我O地O的成年人係用邏輯思維去做事，而小朋友O既世界係天馬行空喇！

而FLASH CARD同圓點咭正正就係訓練右腦O既並列處理！

但呢度SELL O個套FLASH CARD要成$900！

我同老公都認為自己去買咭紙整都唔使咁貴呢！

而玩FLASH CARD，轉牌O既時間要O係0.8-1秒內！(呢樣老公話我要練O下喎，哈！)

因為太慢或者太快都對腦O既吸收有唔同影響！

每次4-20張！

咁當然BB大O的張數可以再多O的啦！

玩FLASH CARD最主要唔係想佢識O個個字點解！

而係想佢知有呢個詞語同個字型！

咁佢O地入學見到呢個字就唔會對呢個字陌生！

返到學校只要老師教呢個詞語點解佢就會快O的吸收！

比其他同學仔要同一時間記字型、寫法同解釋就會吸收快O的！

我同老公都覺得呢堂好有用呢！

上完呢堂仲有隻胎教CD送添！

我O地唔期望大小B係天才！

只期望大小B係醒醒目目O既精靈小B呢！

大小B，BaBaBe同MaMaMe Love You both！

大小B用品 – Nuk 奶煲

上星期o係冒險樂園訂o左o既奶煲，今日有得拎喇！

呢set係唔連奶樽o既！

因為上網search過，話PP無PPSU咁好！

所以之前o係各大百貨公司睇到o既奶煲set都無買到呢！

咁早前見冒險樂園有得換就當然去換啦！

橫掂o的飛如果到期都要換晒佢嫁啦！

上網睇過奶煲係Nuk同Avent最多媽咪用！

Avent o既消毒時間短o的，Nuk就耐o的！

兩個都可以放到Chu Chu瘦樽！

咁既然有得換Nuk就揀Nuk 啦！

我o地仲問埋我o地想買o既揹帶換要幾多張飛呢！

如果係就可以換一條，只係買一條就夠喇！

媽咪仲話我o地買完佢俾返錢我o地喎！

因為傳統係外婆買揹帶俾BB呢！

睇黎大小B用品都七七八八喇！

宜家只係仲爭2張BB床，BB車，放BB用品o既柜同我o既走佬袋用品未買呢！

下午茶@Pizza Hut

行o左永安、Apita同吉之島後，已經頂唔順喇！

加上老公今日又無飲咖啡喎！

本來諗住去Starbucks買嫁！(因為有員工折o麻！)

但老公見Starbucks隔離有間Pizza Hut喎！

去Starbucks剩買一杯都成三十幾蚊！

咁不如去Pizza Hut食個下午茶啦！

所以就入o左去喇！

我o地叫o左2個下午茶餐！

跟住睇o下枱面o的leaflet！

見佢有Pizza 咭申請喎！

買滿$500現金券就可以成為會員！

咁老公就問可唔可以呢餐即時用啦！

個waiter話無問題喎！

咁計過之後都有著數，所以就買o左$500現金券喇！

佢仲送o左一叠coupon 添！

其中有一個係買2個下午茶餐送1個！

當時係5點5個字！

咁即刻用埋呢張coupon先啦！

雖然用o左呢張coupon就無得用9折！

但如果9折o左之後又唔夠$100，又唔可以用張現金券！

所以經精明老公計過都係用呢張coupon好o的！

就係咁就食o左3個下午茶餐lu！

食飽飽之後再向永安同Apita出發，買埋頭先睇中o既o野呢！

 

遲來的情人節禮物

老公1月尾就送O左情人節禮物俾我！

但我O個份今日先正式送俾老公呢！

今朝特登去拎埋，晏少少先返工！

行完一大輪永安、Apita同吉之島，我O地去O左Pizza Hut食下午茶！

O係食下午茶時就送俾老公喇！

係WWF O既My Valentines’s babytree！

呢個真係一棵植物黎嫁！

仲係心型黎O既添！

係會不斷生長嫁！

代表住我同老公O既愛不斷O係度成長中！

每日都會長大O的！

遲O的長大到咁上下就要移去個大盆繼續種植！

除O左實物之外，我O地每買一棵babytree，WWF就會用我O地名義種植一棵樹！

呢棵樹仲可以以我O地個名黎命名！

仲可以上網睇返個LOCATION係邊呢！

我O地諗住加埋大小B入去呢！

呢棵樹苗除O左係見證我同老公O既愛，仲會見證大小B O既成長呢！

希望老公同大小B鐘意我呢份情人節禮物啦！

大小B用品行@太古城

今朝同媽咪去O左麥當當食早餐！

之後就一齊行去郵局LU！

因為要去拎份遲來的情人節禮物呢！

拎完之後就搭車返工！

今日放工任務就重大LU！

老公先同我去O左大食代度食台式鐵板燒！

我同老公都覺得都係上次去荃灣串正O的！

O的O野食好咸！

因為個師傅落得太多鹽同黑椒喇！

食飽之後就開始今日行程喇！

我O地先去永安行！

諗住行晒永安、Apita同吉之島先決定邊樣O係邊度買！

不過一行永安就已經失手喇！

見到O的衫仔咁平，真係要買呢！

阿囡阿囝每人兩件！

係短袖短身和尚袍！

跟住記低O的價錢就向Apita 出發喇！

Apita做緊BB展！

但個AREA唔算好大，只係將某O的O野集中O左一齊擺O姐！

因為尋日聽完個TALK話安撫奶咀係要有O既，所以都諗住買！

去完永安再去Apita，O的安撫奶咀牌子好多，都唔知邊隻好！

暫時係睇中O左Avent O既0%BPA款！

但同老公傾完一輪，都係上網SEARCH O下邊隻奶咀好O的先決定買邊隻！

O係Apita睇中O左尿布同尿布褲！

Mide 有兩條尿布褲同埋尿布SET！

睇完Apita就再去吉之島喇！

原來吉之島個BB展已經開始O左！

2月17至好似3月7號！

所以超多人去入貨呢！

吉之島O的衫仔無永安咁抵，同一隻牌子貴成$20-30件呢！

跟住我O地再去睇浴盤！

O係永安同Apita都睇唔O岩，一唔係太大就係無斜位！

O係吉之島終於睇O岩個浴盤喇！

仲有買O左即棄乳墊！

呢邊比Apita O個邊抵少少！

但呢度有孖裝SET呢！

仲有買O左兩個洗奶樽棉刷！

呢隻係連埋個細細洗奶咀O既套裝！

最後O係度買埋棉花棒，用黎幫大小B清潔肚臍同耳仔！

O岩O岩好夠$400以送貨！

約O左下個星期日送黎呢！

跟住就去食個下午茶先再努力過！

食完個下午茶都成6點半LU！

跟住就返過去永安買思詩樂乾棉巾同濕棉巾！

再買埋思詩樂紗巾同埋Hander Gauze紗巾！

最後去埋Apita喇！

原來之前我O地睇O個套Mide 尿布SET係無DISCOUNT！

所以就無買到LU！

不過O係度有個意外收獲就係買O左側睡枕喇！

每個DISCOUNT O左唔使$100呢！

行完Apita ，我同老公都覺得對腳已經酸軟喇！

跟住就去搭606返屋企喇！

搭搭O下老公話不如去埋MEGA BOX吉之島啦！

因為今日下晝O係吉之島老公係用匯豐個回贈！

所以我用唔到聽日到期O既$50 COUPON！

老公聽晚又要去飲，所以話不如今日一次過再去埋MEGA BOX啦，橫掂架606 O係MEGA BOX有站！

去到呢度個BB COUNTER，比起康怡O個間差好遠！

呢度少人好多，行得舒服好多！

最後呢站我O地買O左1包P牌初生尿片！

1包10條O既尿布同埋一盒Pigeon O既尿布墊！

仲有Chicco O既二合一洗髮沐浴露！

呢隻買黎試O下，不過用晒都應該會用Johnson！

其他O野再等下個星期會展BB展睇O下有無DISCOUNT先再決定買唔買LU！

買O左咁多濕聲O野，但最主要O既BB床係未買囉，哈！

下個月都真係的起心肝去買LU！(一買要買兩張呢，肉都赤埋！)

其實除O左BB床、揹帶同奶粉未買外，其他O野都已經準備好晒！

係爭我個走佬袋O的O野呢！

準父母湊B全攻略講座

之前上網報o左唔少免費講座！

呢個係我同老公第一次去聽o既講座 --準父母湊B全攻略講座！

地點係佐敦突破中心！

開始時間係7點半！

我今日5點半就早放工，6點半未夠就出到佐敦喇！

而老公都o係6點又大陸見完客返o左落黎！

仲o係巴士站等我添！

跟住我o地去o左附近食少少o野！

我o地去o左茶餐廳食！

因為諗住聽完之後再去吳松街我o地想試好耐o既大排檔食o野！

食完o野行過去o岩o岩好夠鐘開始！

今次個講座分o左兩部份！

第一部份係講湊B謬誤同百日哭！

之前睇姑媽湊大細珠女時幫佢o地掃風，係咁好大力咁掃！

我o地個個都話得唔得嫁！

原來真係要大大力掃嫁！

唔係o的風係掃唔到出黎嫁！

所以都要請教o下姑媽先得！

仲有原來男BB細細個都會自己玩自己小象嫁！

因為佢o地覺得玩佢o地會興奮喎！

但只要分散佢o地注意力，俾第二o的玩具佢o地玩就自然唔會自己再玩自己小象嫁喇！

至於百日哭呢！

我同老公都希望就算有都只係下晝好喇！

如果夜媽媽都唔知點算！

點tum點搞佢o地都唔會收聲o既！

我同老公傾過，我o地係會俾佢o地喊而唔會成日抱佢o地！

但夜媽媽喊又真係好難搞！

嘈親樓上樓下隔離屋就唔好啦！

所以就算有都係下晝喊1-4個鐘好喇！

咁可以由佢喊幾大聲都唔怕o麻！

第二部份係講早教！

講o左唔同時間，BB係會發展個腦o既邊度！

仲有講o左左右腦發展o既分別！

唔怪之得o的人話左手寫字係轉數快o的啦，係有根據嫁！

老公話要訓練大小B左右腦都咁發達喎，哈！

仲話自滿月就可以開始俾黑點卡佢o地睇！

等我遲o的放產假時或者坐月時整先！

等大小B可以聰明o的！

去聽講座仲有禮品！

係補益坊產後進補湯一包同一隻訓練BB語言o既CD！

老公話隻CD好似幾有用，有英文、普通話、日文、法文同西班牙文！

佢話要自己學o左一次先喎，哈！

聽完講座9點，就行去大排檔lu！

老公同我去打邊爐呢！

我都係第一次去大排檔打邊爐咋！

之前講就講o左好耐，今日終於有得食喇！

都真係OK抵嫁！

呢個宵夜食得好滿足呢！

遲o的3月如果抽得中o既話仲有個4-5講座去聽呢！

窩心北角雞蛋仔

今日下晝o係公司唔知點解好想食雞蛋仔！

咁老公下晝又過開炮台山見客喎！

咁咪打俾老公叫佢去買雞蛋仔俾我食囉！

老公一聽到就話”咁你即係想食o個間o既雞蛋仔啦！”

哈，老公真聰明！

老公見完客約o左Mathew仔仔！

因為Mathew仔仔要派帖俾老公呢！

老公同佢講o左我有BB！

但係一路都唔答佢係囝定囡！

跟住Mathew 仔仔就同老公過埋黎接我放工喇！

我約o左老公o係地鐵站等！

Mathew仔仔一見到我就話係囡黎o既！

跟住老公答話”算你o岩啦，o岩o左一半！”

跟住Mathew仔仔就估中o左lu，哈！

我覺得一路以黎Mathew仔仔當o左老公係偶像！

臨落地鐵o個時仲同老公講o左句”你係我最好o既阿頭丫o麻！”

老公聽到都不知幾開心呢！

講返雞蛋仔先！

呢底雞蛋仔，老公等o左成2個字先有！

仲要老公特登走去o個頭買！

有時只要老公做少少o野，我已經好滿足同窩心喇！

網上登記產前講座

之前上網check定晒QE o既產前講座幾時開始報名！

因為聽o的其他媽咪話一出就已經會無晒！

佢又話15號開始！

咁尋晚食完情人節餐返到屋企10點半！

等到12點登入個site啦！

點知有一個已經即時話已滿喇喎！

原來聽fb 6月媽媽forum講，14號夜晚11點就可以開始登記喇！

唔怪之得咁快就已滿啦！

好彩full o個個只係關於運動o個個o姐！

其他分娩、母乳同育嬰講座都可以報到！

咁又可以慳返o的唔使特登出去俾錢join 講座！

我仲登記o左好幾個其他公司搞o既免費講座呢！

不過就未知抽唔抽得中有無得去！

其實最主要我同老公係想聽點同bb沖涼，餵奶等等o既基本育嬰知識呢！

4月開始連續3個星期六就要去QE上堂lu！

到時要同同事掉長短週先得lu！

二人世界情人節

因為今年情人節比較特別，所以扭老公要出街食飯！

老公知我唔想去o的咁多人o既地方！

一來唔想同人爭，二來驚被人迫親！

所以老公book o左o係觀塘一間意大利餐廳食！

老公係早一個星期去book嫁咋喇！

仲特登去mark埋坐邊個位添！

我o地就係去Baccanale喇！

樓底超高，所以唔覺得好嘈！

仲有個projector 播英文歌！

個環境真係唔錯！

一入座就有情人節禮物喇！

情人節當然間間餐廳都係食set嫁啦！

呢度都唔例外！

除o左主菜有得揀之外，其他5道菜都無得揀！

但老公黎book位時見個餐單有o的唔對路，所以當時同個大廚研究o左一輪！

餐單第一道菜係牛油果三文魚他他！

即係三文魚刺身！

咁我唔食得生o野，所以老公同個大廚傾！

咁個大廚就話改為熟o既三文魚卷喇！

只係我o地呢枱有得食呢個咋，哈！

我試o左一舊好細、好細舊老公o既三文魚！

好香o既黑松露味呢，好好味！

而我o既三文魚卷都一樣好味！

第二道係湯！

餐牌上係蟹肉粟米忌廉湯！

咁蟹肉我又唔食得！

所以老公叫佢ｏ地改o左做雜菜湯！

個忌廉湯好creamy，好味！

個雜菜湯唔似出面o既湯，好香o既香草味，一樣咁出色！

第三道係意大利雲吞！

第四道係紅桑子雪芭！

老公book位時同大廚傾計，大廚話呢味係俾我o地清一清個味蕾，再食主菜！

個雪芭唔太甜，又唔太酸，唔錯！

第五道就係main course喇！

老公要o左美國頂級肉眼扒(8oz)！

好香o既肉味，一食就知真係美國出品！

我就要o左黑松露菌盲曹魚！

個賣相真係好ok嫁！

但嫌佢煮得太過熟喇！

變得鞋o左少少！

但個味道都ok嫁！

最後一道係甜品！

係士多啤梨綠茶奶凍！

仲有個心型朱古力牌呢！

老公仲將個心型朱古力牌放落杯茶度，變為一個另類飲品，哈！

好滿意老公今日o既安排！

因為間餐廳又唔多人，座得又唔迫！

又唔使俾人限住時間食！

食完仲可以慢慢散步返屋企呢！

今年份情人節禮物老公過年前已經送o左俾我！

係托人o係意大利佛羅倫斯買返黎o既SMN香水！

一共有4支呢！

係09年我o地去意大利honeymoon時我買過o個兩支o既味！

之前買o個兩支已經用晒喇！

所以老公一知有朋友去意大利就點都一定要叫人買到返黎！

呢份情人節禮物真係好窩心嫁！

而我送俾老公o個份呢……….！

寄就寄o左黎！

但未去郵局拎！

等今個星期六去拎就送俾老公！

雖然唔係咩名貴o野！

今年比較特別，而呢份又可以有埋大小B在內o既禮物就最o岩喇！

係咩就留待星期六揭曉喇！

今年係最後一年二人世界情人節！

出年開始就四人行喇！

BaBaBe同MaMaMe期待有大小B o既情人節呢！