觀禮+深水埗晚餐

今日短週，可以訓到成點先起身，真爽！

之後就換衫出門口LU！

因為要去始創中心奇妙恩典觀禮呢！

老公今晚唔去飲，所以下晝去觀禮，順道俾埋人情呢！

新娘子係老公中學舊同學！

原來同老公一樣用左手寫字嫁！(傻O既，好似發現新大陸咁！)

我O地O岩O岩3點去到，好彩都仲未開始！

新娘子講完誓詞就開始喊喇！

我最估唔到係新娘子仲記得我個名囉！(雖然我結婚佢有黎飲，但我真係無EXPECT過佢會記得我個名！)

觀完禮就去AEON拎COUPON，因為再唔拎就到期喇！

拎完COUPON就再去尖沙咀做BODY CHECK！

尋日去拎完報告後，就去BOOK埋！

本來如果BOOK星期六唔知要等到幾耐之後嫁！

不過好彩臨時有人CANCEL，所以我O地可以插入去呢！

今日係做婦科檢查+準新娘新郎檢查！

我個婦科檢查包括柏氏抺片，超聲波盤腔，乳腺癌因子，乳房觸診！

尋晚個護士細細聲問我O地呢三日有無性行為！

我同老公都話無！

跟住我再補多句：”佢自己有無我就唔知喇，哈！”

老公即時話我傻O既，連個護士話我真係傻傻地喎，哈！

佢又話留完S後要1個小時拎返去！

不過護士係話：” 但都可以黎到先留，但我O地只係提供個廁所O既O姐！”

哈，老公話佢咁講即係想點呢！

今日我做晒所有檢查後，老公先去辦事！

但今次有O的快囉，唔使半個鐘就完事喇，哈！

跟住放落個箱箱度，我就叫老公走！

老公一路望住佢樽S，係咁話佢點解唔拎走O既，新鮮嫁！

真係俾佢當時個表情笑死！

到入LIFT前一刻佢好安心咁見到有人拎佢樽O野入去！

約O左下個月尾去拎報告！

之後就過深水埗食晚餐喇！

6點9先去維記食O左豬潤麵同牛肉麵！(即係特首幫襯過O個間呢！)

7點3再去劉森記食蝦子撈麵同雲吞！(不過都唔好食O既，咸到死！)

跟住7點9再去蛇王善食蛇羹！(我同老公都覺得佐敦好味好多！)

一個鐘頭內食3餐，勁呀！

今個下晝非常忙碌呢！

在此祝孫生孫太新婚快樂！白頭到老，永結同心！