拜山日

今日又係一年一度O既拜山大日子！

但由於四姨丈屋企有O的事，所以四姨丈，大表哥同細表弟都唔可以去拜山！

今日我O地呢輩只有我同老公，仲有由澳洲返黎O既三表哥咋！

約12點半，老公已經好醒咁話1點先去到都未遲啦！

一如老公所講，大姨媽佢O地真係成點3先到！

次次都係咁，真係奉旨要等佢囉….！

我O地先去鑽石山拜阿公！

O係山頭食斬O左O的祭品黎食！

之後就再過長沙灣拜阿婆！

但佢O地O的老人家有6個人，搭的士又多人得濟！

跟住四姨話同我O地呢兩個後生一齊搭車去長沙灣！

四姨話佢行得快過佢O地喎，所以唔使搭的士，哈！

我O地先由鑽石山搭落黃大仙，再由黃大仙搭小巴出長沙灣！

都係用O左半個鐘頭倒O姐！

但由於佢O地搭的士係會快過我O地好多，所以我諗佢O地都等O左幾耐O下！

拜完阿婆都成5點LU，跟住各自返歸喇！

我同老公陪媽媽去O左官塘買電話！

因為媽媽部手機壞O左呢！

媽媽好鐘意佢自己揀O既手機！

就當係我O地預早送母親節禮物俾媽媽啦！

之後去O左食豬潤麵同蛇羹！

本來老公諗住同我去官塘廣場買新玩具！

但可惜原來人O地今日休息呢！

咁即係我又無得玩啦！

都唔知係咪老公特登O既，吊我癮！