新玩具

今晚又做到7點幾先走！

咁我就叫老公返屋企先啦！

8點零返到屋企！

我都未襟鐘老公已經自動出黎開門俾我！(因為佢聽到聲呢！)

老公原來打緊機！

咁都無咩出奇，因為老公有時都會食飯前打機！

但最驚喜o既係原來老公買o左新game！

係我話要買o左2個幾月o既WII Fit Plus中文版呢！

老公話當係獎勵我呢！(原因係………哈！)

佢隻衰佬丫，靜雞雞買完都唔話我知！

老公話之前未買係因為間店未有貨！

但放假前o個間店已經打俾老公話返o左貨！

仲幫老公留o左一部添！

今日返工雖然好辛苦，但返黎見到有禮物收就開心返晒lu！

食飽抖o左一陣就同老公開始玩！

第一次玩，我O既平衡年齡係50歲， 老公係43歲呢，哈！(要努力O的去返接近實際年齡先得！)

玩o下玩o下，玩到成1點先訓！

聽日返工實好攰呢！

但真係好好玩呢！