試姐妹裙

下個星期五就係關生關太大婚之日，我同飛小姐今日約好去試姐妹裙！

其實3月時已經去o左度身訂造租嫁喇！

當時睇住佢度，睇住去寫，諗住今次試都唔使點大改啦！

點知去到一試真係火都黎埋！

飛小姐o個件個胸位大o左3吋，我件都大o左2吋！

仲要我條裙係話做膝對上一吋，佢同我造o左膝對落一吋！

仲話你o地係租咋喎，我只係會同你摺入去改，唔會剪短黎改！

有無搞錯呀，當初錯唔係我，係你o地造衫師傅造錯喎！

不過都算啦，反正唔係自己做主角，唔改就唔改囉！

最睇唔過眼係佢o的service囉！

租就好似好cheap咁，宜家無錢俾你o既咩，使唔使咁講o野喎！

即係星期二或三又要黎多次試！

到時真係希望無o野仲要改！

飛小姐話我租姐妹裙O個間好好多，起碼度完一次之後去試係FIT先！

之後就一行四人去o左食tea！

食完tea，老公同林生就去o左打波，我同飛小姐就去o左大成街市買餸喇！

因為我o地今晚打邊爐呢！

好可惜我o地5點半去到時，老公最鐘意食o既蠔檔已經沽清！

跟住我o地兩個女人就先返屋企洗餸！

大約7點幾8點，兩個男人就返黎lu！

因為4點先食tea，所以我o地先打返四圈先再食o野！

點知呢四圈一打就打o左成兩個半鐘呢！

成10點半先開始打邊爐！

最後我同老公係1點走，搭尾班地鐵返屋企呢！