老公生日第一擊 – 馬灣挪亞方舟@20090530(Part 4)

行完珍愛地球館，就去行方舟生命教育館喇！

O係裡面，我同老公仲親手整O左份禮物俾對方！

就係毛巾蛋糕喇！

老公O個件，我仲加O左3粒車厘子添嫁，哈！

裡面仲有哈哈鏡！

睇O下老公隻手變O左幾長！

裡面仲有其他遊戲！

有死前30秒 – O係張紙度寫低你死前最想做O的咩！

水圍財(唔記得個名) – 即係好似歡樂今宵個水圍財，揀一條繩，睇O下有無水！

救生繩 -- O係一間好黑O既房，除晒鞋同襪，O係裡面搵出路返出黎！

以上呢三個GAME係FOR你反思生命！

我同老公對呢三個GAME都無咩興趣，所以無玩到呢！

跟住去醫肚LU -- 咖O厘牛腩飯！

食飽飽就再去行馬灣公園喇！

行完晒公園，就去搭巴士返出青衣城LU！

沿路個景真係無得頂呢！

好靚，老公話好似HONEYMOON時去意大利搭火車時，望出窗口咁，好SWEET，好開心！

跟住去O左老公舊同學做經理O既MOS Burger度探O下佢！

點知佢話請我O地食O野！

我O地就拎O左外賣返屋企喇！

呢餐如果要食都要百幾蚊嫁，搞到我同老公幾咁唔好意思呀！

行完青衣城，就搭42C返屋企LU！

老公話今日佢好開心，可以開開心心咁行O左一日！

我知未必老公真係鐘意行呢度，但馬灣對我同老公黎講好新鮮，因為我O地今日都係第一次黎呢！

下個星期仲會同埋另一位壽星仔，一行6人一齊慶祝呢！