老公生日第一擊 – 馬灣挪亞方舟@20090530(Part 2)

好浪漫咁行完個沙灘後，就開始行去挪亞方舟喇！

沿路個風景都唔錯，又唔算太熱，真係好正！

途中經過馬灣公園，原來佢O地每日都用草換成當日O既日子！

由於公園要1點先開，所以我O地就先入方舟喇！

O係公園出面，有好多工作人員，有個姐姐仲主動幫我O地影相添！

跟住就去票務處換返之前已經上網BOOK好O既入場券喇！

入晒所有場館，盛惠每位$100大洋！

呢張就係作場券同地圖喇！

入場券背門仲印埋你張飛係包邊幾個展館添！

一入去到，就有好多一對一對O既動物！

點解要一對一對？！

因為當年耶穌命挪亞造方舟，之後叫晒每種動物，一公一母咁入方舟，避過洪水O既洗禮！

要一公一母係因為要繁衍下代！

因為個太陽仲未好曬，所以先行晒方舟出面O既地方先！

呢隻就係實物原大，1:1 O既挪亞方舟喇！

跟住就走方舟花園喇！

呢個花園，總共有154對動物，有O的我同老公都唔知係咩動物黎O既！

好彩有介紹O姐，唔係邊識晒喎！

待續......