聽朝就去揀樓喇！
心情既緊張，又擔心！
不過，多謝blog友們的支持，你o地o既祝福同鼓勵我完全收到！
尤其係你呀，要你替我擔心埋一份！
希望我到時能夠好似你咁開心，同你一齊分享揀到樓o既喜悅啦！
尋晚唱完K返屋企，就睇賽果喇！
最後一個揀樓日俾人揀o左4個心水，不過都仲剩返6個超心水！
豬豬見到個表，就講o左一句"唔通個天真係整定要我o地揀xxxx單位？！"
我諗個天都真係想我揀囉，唔係點會咁o岩6個超心水其中兩個係剩返o個層？！
宜家唔怕無心水揀，只係xxxx係咪當我揀o個一刻仲o係度o姐！
呢次真係要God Bless Me喇！
由於揀完樓後約o左美女雀友會其中兩個成員出去慶祝我揀到樓，我要遲o的先可以佈告俾大家個揀樓戰況喇！
今朝又入大埔開HACCP會！
點知開完之後撞到阿米，佢帶個商號入大埔廠睇清潔！
咁我同QA同事就當然係坐埋商號架順風車出大埔火車站啦！
跟住阿米仲請我食lunch添！
差唔多點半返到公司！
之後就不斷做、做、做！
7點收工之後會合豬豬去樂富睇賽果！
今日賽果好good呀！只要捱埋聽日，就一天都光晒喇！
跟住去阿倫做o個間日本店食dinner！
本來佢話請我o地，但我o地唔想，所以佢打o左個8折俾我o地！
仲俾埋張VIP咭我o地添！
下次去食若佢唔o係度可以用！
今日o係我o地問之下，阿倫終於都講o左婚期大約係幾時！
係下年年尾！
咁即係話美女雀友會成員，有3個就會o係呢兩年內拉埋天窗！
仲爭飛飛，但因為佢唔想擺酒但老豆一定要，所以佢延遲個婚禮，同老豆玩耐力戰！
原來剩返一日心情先仲緊張，既開心，又擔心！
今日知道有個blog友揀到樓，真係好替佢開心嫁！
因為可以近佢個小公主o麻！
小朋友仲好鐘意間新居添！真係恭喜晒呢位blog友！
所以朋友女係講得無錯，個天一定會俾o岩你o既o野你o既！
話說今日同兩個日本先生去大埔廠，一齊睇生產過程！
我一上到二樓，就冼親喇！
仲要係成個坐o左o係地，但左腳膝頭就撞o左落地下！
就係咁，我隻膝頭哥就瘀o左喇！
真係好痛、好痛！
下次入去都係換返對水鞋先喇，今次佢o地無叫我換o麻！
仲要俾好多人見到添，好瘀呀！
跟住因為阿哥要我幫佢對o下o的數，所以3點幾叫我由大埔返尖沙咀！
我4點3返到去，就即刻話俾阿哥知我冼親！
佢跟住就話叫大師姐幫我按摩o下喎！佢話無理由我幫你嫁o麻！俾老婆扭耳仔就唔好啦！哈！
今日7點放工，之後同大馬師姐一齊行去地鐵站！
跟住就同豬豬今晚去睇賽果呢！
um..........不過不失！
仲有兩個揀樓日咋，你要等我呀！
不過豬豬話經佢算過，xxxx單位一定係我o地嫁喎！哈！
今日長週，仲要成2點半先走得呀！
鬼咩，下個星期二AOP，今日rehersal，所以咪要趕起個power point囉！
之後就出o左太子喇，因為有重要o既o野要做！
就係去拎婚紗相喇！
等o左4個月，終於都有成品喇！
不過獨久一張水晶畫未返呢，要遲o的先有！
媽媽話呢輯相影得我個樣無上輯咁細個喎，佢話呢輯個妝唔太得！
我初時去揀相都係咁話，呢輯影得我唔係太靚！
我始終都係鐘意上輯多o的o姐！
因為隻cd係dvd黎，我部電腦開唔到，要搵日去飛飛屋企燒落隻vcd呢！
整好我會upload去我個婚網嫁喇！
so far今次收到相，但無上輯咁興奮呢，可能唔係太滿意掛！
不過，只要係同豬豬影o既就得啦，哈！
呢排每朝o既指定動作，就係打去熱線睇o下出o左揀樓時間未！
今朝打去，終於都有資料喇！
豬豬知道都好開心呀！
真係下個星期五呀！
但明明計過我會係2點最後o個場，唔知點解我宜家係12:00場嫁！
可能下個星期每日揀樓人數又增加啦！
唔理lu，總之出o左時間，個心定o左一半！
其實我真係好驚我係9點最早o個場，因為豬豬陪唔到我去！
宜家12點，豬豬可以話早o的出去見客，黎join埋我一齊！
有豬豬o係身邊，個心會定好多！
我唔叫媽媽一齊去喇，費事佢o的緊張情緖影响到我！
夜晚返去報告好消息都一様o姐！
仲有4個揀樓日咋，希望每日都只係去4個心水單位啦！
宜家要做o既，就係努力o的做功課！哈！今朝約o左伍生，大馬師姐、阿ming同二公子一齊去行Houseware Expo！
我o地約o左9點o係灣仔等，一齊去德興飲茶！
原來德興飲早茶係好抵嫁！但o的o野食當然無咁好味啦！
飲到10點幾，就出發去expo lu！
我o地因為唔同team，所以分開行事！
我同阿ming去o左hall 7！
都叫ok o岩睇，仲拎o左唔少資料返黎添！
但因為行完hall 7都成12點9，所以打俾媽媽話我o地唔行hall 5，想返公司做o野！
大馬師姐佢o地都join埋我o地一齊走！
伍生仲請我o地去維德潮食lunch添！
咁伍生當然叫埋佢darling，即係我媽媽黎啦！
食到2點幾，就搭船返公司lu！
返到公司3點，就要同jason開會講月餅送貨o的o野！
跟住趕埋o的report，再整埋HACCP o的文件！
咁就過o左1 day喇！紅色字為今次倒數update！
日期： 2008年11月23日
酒席地點： 德福美心皇宮 5時恭候 8時入席
註冊地點： 2in1 佳偶天成 3:30 p.m.註冊儀式開始
(9-10月到律師樓簽同意書)
婚紗相： 1. 珠海現代經典
2. 以馬內利 (相簿已ready，爭油畫)
3. 法國 (已完成，4月25日揀相)
婚禮攝錄： Picasso Wedding (2p+1v) (7-8月整成長片段+夾Rundown)
化妝： Decor Square – Ashlee (全日) (7-8月再試妝)
會場佈置： Decor Square – Loretta (5-6月傾細節)
餅咭： 美心 (310張) + 奇華 (32張)
紅酒： Decor Square – 智利 + 澳洲紅酒 (60支)
烈酒： Whiskey (10支)
甜洒： 南非非洲豹甜酒 (9支)
小禮物： 總之就係好o野啦！
婚紗晚裝： 盈集坊 (1拖尾wg + 3 eg) (8月尾final confirm衫款)
新郎禮服： 君悅禮服軒 – 1黑1白 (10月頭試身)
裙褂馬褂： 錦發 (1千禧中五福頭褂 + 1馬褂) (10月頭試身)
晚裝鞋： 金色3吋高踭鞋
花車： 棗紅色賓利 + 28座Van (9-10月再confirm用車時間)
結婚戒指： PN + 點睛品?! (5-6月可以收到)
請帖： 心印 (7-8月去confirm內容)
觀禮咭： 埋首中 (7-8月會有最後定案)
婚禮雜項： 廣州購買 (已決定5月10-12號去廣州)
花球： 2個絲花球 (伴娘幫我諗)
姐妹衫： 傾城婚禮 (伴娘長裙+其他短裙，已有兩個姐妹去o左揀衫)
車頭公仔： 中式牛奶妹+牛奶仔
Girdle： 私人胸間 (8月底前confirm使唔使修改)
婚前檢查： 婚後才做
過大禮： 2008年9月18日 (8月底-9月初預備)
上頭時間： 2008年11月22日 女：11:00-12:00 男：11:00-12:00
Rundown： 已draft好，有待豬豬最後審核 (最遲10月尾final)
Table Menu： 未開始諗點設計 (7-8月final款式)
宴客名單： 女家已齊，欠男家 (9-10月confirm最後名單)
成長片段： 歌已揀好，未執好o的相 (7-8月去Picasso搞埋佢)
婚宴歌曲： 已有一大堆，但未confirm (9-10月final decision)
結婚蛋糕： 酒樓送8磅蛋糕 (10-11月初confirm 款式)
菜單： 未定 (7-9月同伍生去寫)
換新銀紙： 多少未定 (7-8月去銀行唱錢)
居住事宜： 等信通知幾時揀樓 (應該會係5月2號揀樓，不過點都係5-7月裝修舊居/新居)
美容纖體： 要開始keep fit，最想減係手臂
兄弟姐妹開會：未定 (由6月開始，每月一次)
宜家我只係望可以快o的到揀樓日咋！
其他o野等公司忙埋呢兩個月先算lu！
唉…………今日8點半返到公司(其實我係返9點半嫁！)，就開始我o既忙碌一天！
首先梗係做聖母o個27份report啦！
我宜家完成o左18份，仲爭9份！
Data已經有晒，宜家只係爭整最後o既consolidation！
不過今日太累喇，所以都係留返聽日先做！
跟住就忙HACCP o的文件！
仲爭好多份呢！點算好呀，星期五就內審喇！
聽日仲要交添嫁！so bad！
今日個新同事唔知係咁好得閒，我做咁耐o野，佢講足咁耐電話！
夾夾埋埋我諗佢只係得2個鐘係睇o下o的文件！
佢講電話又大聲喎，我坐佢隔離聽到晒！
佢不斷o係度講前公司o的人o既事非！
若係女仔就話o姐，但佢係男仔黎嫁喎！
我終於都解開點解我覺得佢熟口面喇，原來佢個樣有o的似我個fd 個男友！
我一講俾豬豬知，佢就話咁即係個樣好賤格啦！
無錯，exactly係呢個感覺！
聽朝又要去會展行expo，呢個係houseware展，媽媽要我同阿ming去睇o下喎！
不過都已經好好彩，唔使入機場o個個show，因為師兄同師姐去完話無o野o岩睇喎！
聽日又要作戰喇！不過好彩，媽媽屈o左伍生聽朝請我同阿ming食早餐o姐，因為佢都會一齊去o麻！哈！今晚o係仙跡岩飲緊o野時，其中一個姐妹打俾我！
但佢知我出o左街，所以好快就收線！
我搭車返屋企時，就打返俾佢！
原來佢今晚返屋企食飯，同佢爸爸傾開結婚o既問題！
最後係談判破裂！
佢爸爸堅持要佢擺酒！
其實我都一早同佢講過，佢老豆係一定要佢擺酒，只係佢之前認為佢老豆話旅行結婚無咩問題之o麻！
識o左佢成十年，知佢老豆份人係點啦，做大仔，又嚴喎！
佢邊會俾佢個女旅行結婚丫！
我個朋友跟住就係咁諗，係咁俾o的問題自己去煩！
因為佢真係好唔想擺酒，佢覺得好似做show咁喎！
其實擺唔擺酒真係好個人，o係我心態上我係唔想到時老o左有遺憾！好似我媽咪咁！
同埋o係籌備過程當中o既心路轉變，係一個好好o既經驗！同時亦令雙方了解更深！
我個好朋友係一個好怕煩o既人，叫佢要年幾前plan定，對佢黎講係辛苦！
佢仲話咁即係無2010都嫁唔出！
其實若果唔係急住結婚，可以同老豆同時間鬥，過多1、2年佢老豆就會俾佢旅行結婚算！
我個fd又要搞到好大喎！咁既然係唔想搞，咁細細o地，當順o下老人家意囉！
佢好多o野都自己已經標籤o左係煩，係唔好，咁當然o係搞o既過程係唔會開心啦！
希望佢過一排就會諗通啦！
其實搞結婚係開心嫁o麻！
今朝o既星期一例會去o左Super Sandwich 度開！
媽媽請我食早餐呢！
開會時，媽媽叫我今日同阿ming下晝去餅房同o的師傅試個餅盒喎！
因為媽媽話我未去過，要去睇o下喎！
係就一早講o麻，我著平底鞋返工o麻！著住高踭鞋去廠房想死咩！
開到10點幾，就返公司lu！因為10點半又要開每兩個星期o既non-food例會！
嘩，今次開o左成3個鐘，開到點半呀！
呢個會不嬲都係星期二開o既，但因為今日有新人返工，所以急開！
新non-food內部組織圖出o左lu，但…………..我o地當然會有人不滿啦！
一早唔知會聲，無端端俾人拆o左過檔，俾著我係大馬師姐，我都不滿啦！
唉…………..呢個遊戲，宜家先正式開始咋！
4點半同阿ming出發去餅房，搞到6點半先走！
當地鐵去到荔枝角，我打俾豬豬，點知我係同佢一架地鐵嫁！
阿ming仲話咁有緣，無約定都同一部車，真係唔結婚sign晒喎！哈！
今日我係成日都無做過o野嫁！只係不斷咁o係度開會！
搞完晒就約Chloe妹同袋仔出旺角食dinner！我o地今晚飛起爸爸，鬼叫係佢自己唔得閒呀！
我o地去o左食笑笑居酒屋！
好耐無見過Chloe妹喇，佢靚o左好多呢！
食完去o左仙跡岩飲o野，再傾o左一陣！
傾到10點半就返屋企！
今日雖然累，但見我個Chloe妹，開心番晒lu！
我仲叫Chloe妹記得去試姐妹衫添！今日輪到二表哥擺酒！
其實佢同二表嫂o係07年10月已經o係澳洲註o左冊，今日係補擺喜酒！
由於今次唔使去幫手，所以我同媽咪、4姨、4姨丈同細表弟成7點幾先去到！
今日個場係尖東富豪酒店o既金彩酒樓！延開13席，我o地男家佔5席！
入席時好亂，因為男家得5席，我o地o的表兄弟姐妹係唔夠位座！
仲要排坐位係一家家人坐，唔係我o地o的表兄弟姐妹一齊坐！
二表哥無做decro，成個場都係白色，我入到場都突o左一突！
今日無伴娘同伴郎，無成長片段，無婚紗相或油畫，係一個好簡單o既婚宴！
不過今日都叫做有遊戲玩o既，就係bingo喇！
但只係得兩份禮物，好似少o左o的咁喎！
超悶，我o個檯得3個我係識，其他都唔識o既！
我細表弟都係咁講 – 一個字 – 悶！
我成班表兄弟姐妹話到我時唔會分開佢o地坐喎！
哈！我又點會拆散我班咁好o既表兄弟姐妹呢！實安排佢o地坐一圍o既！
經過上次大表哥婚宴，佢o地知我同豬豬好飲得！白蘭地加紅酒，成十杯一o的事都無事！
今日又想同我飲呢！
但今日豬豬無去，所以我都唔同佢o地癲喇，容咩易真係醉o左嫁！
佢o地話喎，到我o個日一定隊我o地喎！哈！
媽媽聽到之後就話，叫我吩咐班兄弟姐妹未開席前好隊我表兄弟喎，唔使等佢開席後隊我o地喎！哈！
今日未來表姐夫都有去，咁當然係俾人迫婚啦！
見佢兩個真係慘！但我話我都俾佢o地玩o左好多次喇，今次點都輪到表姐喇！
最衰聽日要返工，唔係今晚會盡興o的囉！
總結今晚個婚宴，我o係婚禮籌備上面係無得益嫁，因為無地方可以俾我參考到呢！
不過，最大得益係我o地表兄弟姐妹又可以聚埋一齊，一齊玩返晚！話說同豬豬去完冒險樂園，而今晚媽媽又要去姨媽度食飯，因為二表哥聽日結婚，今晚要上頭！
咁我同豬豬就當然二人世界啦，買o野返屋企打邊爐！
我o地去樓下間百佳超級廣場買餸！
o係我好專注咁睇o下買咩好o既時候，有個傻佬o係我耳邊不斷咁話"新唔新鮮呀！""食咩好呀！"
我初時都無理佢，因為我唔覺佢係同緊我講！
直至我拎住包o野，想問豬豬食呢個好唔好o既時候，我同呢個傻佬正面而視！
佢仲同我講"係咪買呢包呀！呢包好咩！"
我都靜o左一陣，諗o左成3秒先有反應！
原來個傻佬係我中六七o既同學 -- 名威！
我之所以唔認得佢，係因為佢肥o左好多，起碼肥o左成20磅！
我係咁話唔認得佢，佢話我今日見到佢已經係瘦o左喇喎！
好彩我無大叫老公，肥仔咁叫豬豬咋，唔係一定俾名威唱通街呀！
好開心呀，我同佢差唔多6年無見喇！但我生日佢有send sms俾我嫁！
我依然都好似以前咁，成日打佢嫁！哈！
雖然咁耐無見，但感覺依舊咁親切呢！
遲o的九記聚會，會仲開心呢！
今日去完冒險樂園，收到阿娜姐電話！
佢話我o地輯相o的相簿有得拎喇喎！
又話5月尾先有o既，佢保障自己都保障得幾安全喎！哈！
不過仲爭2張油畫未得！
佢問我o地想先拎相簿定一次過拎！
咁重，當然係分開拎啦！
可惜尋日落大雨，驚整濕晒，所以無過到去拎！
下個week搵日去拎先！
由12月尾影完，到宜家成4個月喇，終於都有喇！
雖然呢輯無上輯咁靚(個人認為)，但當知道有得睇，都係期待o既！
豬豬就話上次去睇完修相，比上次去揀相靚好多喇喎！
希望個end product 比睇修相仲靚啦！
宜家係頭痛黎緊呢兩張大油畫擺邊！
收埋呢兩張，屋企已經擺o左4張喇！
諗起第時要搬就慘喇！驚整花佢o地嫁o麻！
媽媽仲話遲o的新屋唔使買裝飾，剩係將你兩個o的油畫同相簿、相架擺出黎就夠喇喎！哈！
我已經諗好呢5張油畫o係新屋o既擺位嫁喇！
若然揀唔到，呢5張油畫都唔知可以o係宜家屋企點擺好！
今日豬豬同我去o左冒險樂園玩！
當然係去我o地o既新target -- 大富翁啦！
我o地今日中o左兩次呀！
呢個game真係幾好玩，初初我同豬豬都唔識玩嫁，不過有o的常客o係隔離教路，玩o左2次就識喇！
呢個game易拎飛過小丑好多嫁！
我o地今日有成4千5張飛呢！成本效益非常之高！總數已經去到59,000張飛喇！
原本諗住用黎換張57,600 o既床褥，但呢個pd已經唔再出lu！
我o地o既新target係一張62,600飛，4呎半o既某牌子床褥！
豬豬話只要玩多1次就可以換到喎！
哈！咁就o岩數喇！等揀完樓，裝修完，就可以換到喇！
若揀唔到，等宜家屋企裝修完，都有新床褥lu！
真係易滿足，剩係諗都已經好開心！
豬豬有我呢個咁易滿足o既老婆，佢心思都可以花少o的啦！哈！(真唔知醜，自己讚自己！)
真係人都癲，連續兩日入大埔開會！
不過好彩今日開10點，可以遲o的先出門口！
今朝豬豬返大陸，仲特登為o左我而推遲上去，同我食埋個大家樂早餐先出發！
我9點半去到大埔墟喇！等埋媽媽，期間撞到QA同事，咁就一齊搭的士去大埔廠喇！
呢個會開o左個半鐘呀！
最後結論係25號做內審！
咁即係話下個week又要死得喇！
返到公司12點半，仲有成堆e-mail未睇！
跟住阿爸爸打黎，話聖母急call要o的數！
咁即係又要即做啦！
跟住4點又要開會，好彩之前爸爸要o既資料準備好o姐，開開o下會聖母入親自黎問我拎喎！
開完個IT同倉meeting，跟住聖母急call又要開CAPEX meeting！
就係咁，成日就不斷係度開會、開會再開會！
搞到我無時間做自己o野！所以今日好夜先收工呀！
見到阿哥同Alvin幫我爭取好多，但聖母話CAPEX呢單o野，要等請到個BA底o既人返黎，我先可以pass到出黎！
唉.............咁即係無了期啦！
好彩阿哥同媽媽都知我好多o野做，所以搵埋細佬幫我手！
下個星期三前要交27個report呀！問你死未！
仲有HACCP o的文件都未prepare好，點算好？！
睇黎星期日去飲二表哥o個餐前都要返一返公司做o下先趕得切喇！
學肥老闆話齋，"so bad"！
不過，我相信係能者多勞o姐！
今朝先同豬豬講，好彩今日下晝唔使入大埔開會咋，唔係聽朝又要去開！
點知到12點零鐘，阿哥話另一個月餅project由契女麻交俾媽媽接手！
但今日媽媽要去接佢媽咪出院，所以叫我幫佢去聽！
我聽完真係突o左一突！
唔係真係開口中呀！
今日改o左4點開會，同埋大眼妹同Auntie一共4個人，3點半一齊o係尖沙咀搭的士入大埔！
呢個會開o左成3個鐘呀！真係死得！
仲要試食添！不過o的新口味硬係覺得怪怪咁！
阿乾收銀仲俾o左個新名我，叫我做"新"小姐添！因為我係新人，第一次入大埔開會喎！哈！
唉.......聽朝又要入大埔開HACCP會喇！
不過，好彩係10點o姐，可以晏o的先出門口直接入大埔，唔返公司先lu！
但下晝返去又要忙個AOP喇！睇黎呢個星期六短週都要變長週喇！
今日下晝做做o下o野，Iris 打俾我！
原來佢放緊sick leave！
話說佢月頭去o左日本玩，返到香港出機場時，o係一級好低o既樓梯跌一跌！
就係呢一跌，佢右腳腳眼骨裂o左，左腳筋傷o左！
住o左6日醫院，宜家仲打緊石膏！
聽到真係替佢痛呀！
我諗住今個星期去佢屋企探o下佢，順便簽o下名，哈！
希望佢早日好返，最緊要係無手尾跟！
唔係第時變風濕就麻煩喇！
另外今日其中一個姐妹 – Chloe 妹send e-mail俾我，同我傾計！
佢話宜家新公司無咩知心朋友，唔好似以前同我o地一齊咁開心！
因為無人教佢o野，個個都好保護自己喎！
宜家間間公司都係咁嫁喇，所以我覺得呢度o的同事好有人情味呢！
仲要係玩得丫o麻！不過只限non-food咋喎！
希望下個星期o既聚會成行啦！
我o地個聚會由月頭講到宜家嫁喇！每逢星期一，我宜家呢team都會踏正9點開會！
今日因為要落shop試o野，所以改o左去金巴利間快餐開會！
媽媽今朝仲請我o地食早餐添！
不過大師姐遲到，媽媽話若下次再遲就邊個請食早餐喎！哈！
開到10點半，就起程返公司喇！
返到去鬼死咁多o野做，又要同IT開個會！
開開o下又有商號黎喎，由10點半，忙到1點呀！
之後就再埋首個AOP！
今日終於都俾我做好個analysis喇！
宜家仲要執就係o的achievement ！
連枝哥都問我你又有份AOP呀！
我都唔想嫁，鬼叫無人接手我之前o的o野咩！
咪唯有頂埋佢囉！
夜晚返屋企o既節目，當然係要update o下個最新戰況啦！
今日只係tick走多一個單位咋！有一個就俾人hold住，唔知買唔買！
照睇宜家一日都係tick走2個單位，希望呢個同黎緊o個個星期每日都係keep住咁o既進度啦！
咁我就一定會揀到心水單位喇！哈！
不過，超心水你唔好俾人揀o左呀，你快o的出力o的叫前面o的人唔好揀你啦！哈！
今日雖然好累，但心情好愉快呢！呢兩日係咁玩facebook！
我搵返我中學時代(F1 - F5)好多o既同學仔呢！
Facebook呢個發明幾好，可以俾人搵返成十幾年無聯絡o既朋友！
見到個個都靚女o左，真係好開心！
有o的仲生埋bb添！
回想好似唔係好耐之前o既事，睇返以前o的相，都仲記得以前o係學校發生過o既點滴！
不過，以前o的相真係唔係好見得人，肥到阿媽都唔認得！
自己都爭o的俾自己嚇親呀！
個個睇我宜家個身型，點都估唔到我以前讀書時期，最重係140磅嫁！試想o下一個5呎2高，但140磅o既女仔，會係點？！
哈！都唔明點解o個時可以俾自己咁o既！
由我F5開始減肥o個一刻，我同自己講唔可以俾自己再去到呢個高峰嫁喇！
Facebook真係令人回憶好多童年往事呢！
今日長週呀！
好慘，星期一、三、五咁辛苦，星期六仲要長週！
今朝好唔想起身呢！
媽媽今日返10點半，佢同我去o左大家樂食早餐呢！
好耐都無去大家樂食早餐喇，今餐食得好飽飽呢！
同媽媽傾o左好多o野，包括我o既終身幸福，佢係咪讚豬豬係一個好女婿喎！
唔可以俾豬豬知嫁，唔係佢一定好得戚o姐！
下晝放工，豬豬話其中一個姐妹打俾佢，約一齊食飯喎！
因為佢要返城大溫書，所以我o地就去o左九龍塘EXP食lunch喇！
點解揀呢間，咪因為員工有折囉！都平o左成$40嫁！
食飽之後阿姐妹就返去溫書，而我同豬豬就返屋企！
返到屋企簡直係大昏迷呀，由4點半訓到成8點先起身！
成個week都無試過咁滿足喇！
媽媽今晚仲買o左sushi同海膽俾我o地食添！
今日係今個week最舒服o既一日！
今日同豬豬o係九龍塘影完相之後，去o左城大搵阿妹！
睇o下佢做成點！
佢話佢今日第一次俾人掉去另一個counter做收銀！
我去買o野時，佢仲問返我轉頭係幾多錢！
真係有o的擔心佢添！
但so far我食個下午茶，見佢都肯做，同o的同事都幾好傾，咁我都放心o的！
之後過o左樂富居屋中心！
今日係揀樓第4日，我o地list out o個280個單位，俾人揀o左6個lu！
好彩，超心水o個幾個仲o係度！
唔知，過埋下個星期，唔知又會有幾多個唔見o左呢？！
真係好緊張添！
快o的到就好喇，唔使成日心掛掛，仲要成日走去樂富睇個每日戰況呢！
真係好想快o的到4月尾呀！不過最緊要係超心水o個幾個到4月尾時仲有啦！
終於都到o左今日，去影我婚前o既最後一輯婚紗相！
其實對呢輯無咩期望，只係抱住影得唔好sign o既心態！
我o地10點2個字去到影樓！
去到已經有3pair人化好妝，換好衫，等出海影相喇！
等o左一陣，就有人黎幫我換衫同化妝喇！
今日同我化妝o個個叫Rico，佢好似一個名星嫁！
由於我對眼比較難化，所以化o左成兩鐘先搞掂！
豬豬仲話佢都差唔多睇晒成套影咁濟喎！哈！
因為佢o地拎錯o左我之前揀o個件外景婚紗，所以先影室內！
佢影o左好鬼多張我o既單人，但我同豬豬都比較prefer雙人多o的囉！
由12點半影到2點，總共好似影o左10個室內景！
之後就去換衫影外景喇！
唔知係咪之前兩輯都係外景，所以覺得佢o地o既外景都好似室內咁，無咩外景o既氣氛！
可能係無咩花花草草咁掛，同埋無我最鐘意o既日落同海灘景呢！
影埋室外就大功告成，時間大約係下晝5點倒啦！
哈！豬豬話佢應該影o左都有150張以上喎！後尾出外景時佢仲叫個攝影師唔使影咁多添！
因為我o地決定一張都唔加，費事個攝影師sign晒o的心機啦！
本來下個星期一可以有相睇，但因為22號之前我會好忙，所以揀o左25號星期五六點半去揀相！
我同豬豬好有共識，只係揀雙人，每個景揀1張相，咁應該夠15張！
哈！我o地要貫徹始終，呢輯幾大都唔加任何錢嫁喇！
今日返公司，鬼死咁多e-mail！
仲收到3個消息添！
第一個消息係 -- 又黎每季一次o既AOP！
咁即係話，由今日開始直至22號，我都有排忙！
之前都係半年一次，今年開始要每季一次！鬼咩，鬼叫o的food cost先得咁勁咩！
都唔明點解又關我事o既，我只係一個small potato咋！
仲要聖母出o左個e-mail，寫明邊個負責邊part！
我都榜上有名，真係死得！明明都轉o左team 嫁啦，都仲有我份！
真係唔知開心定唔開心好喇！
不過，學伍生同媽媽話齋，能者多勞！哈！都真係幾阿Q！
第二個消息 -- 大大GM走o左！
好似係因為之前有單鑊o野，要搵人祭旗！
第三個消息 -- 坐我隔離food個組副resign！
阿伍生話可能佢棵龍骨邪親佢喎！
伍生話我一定頂得住嫁喎，因為佢俾o左入伙利是我喎！哈！
連媽媽都叫伍生封利是俾佢添！梗係啦，因為自從伍生將清潔team轉去俾媽媽，媽媽就係多事之秋開始o麻！
估唔到無返公司一日o姐，就發生o左咁多o野！
唉............我o既非人生活，宜家先正式開始！
珠海我成日都去，但南水真係第一次去！
佢係近海泉灣o既一個工業區！
我o地今朝8點2個字去到中港碼頭，商號一早幫我o地買好船飛！
今日同行有QA同事，因為媽媽今朝要開ERP會，所以無去到！
商號幫我o地買o左豪華位飛，去咁多次珠海，都係第一次搭豪華位咋！
落o左船再搭若1個鐘車就去到廠喇！
Um………呢間廠比星期一o個間大好多，同埋有system好多！
上次去睇吸塑，今次就去睇注塑，兩部機有好多分別嫁！
佢o地各方面都做得比較好，咁當然仲有room for improvement 啦！
睇到12點半，就去食飯喇！
今餐好味過上次好多，o的海鮮好新鮮嫁！
食完差唔多兩點，若等4點船先返中港碼頭，咁即係要o係度等1個鐘？！
咁我同QA同事當然話早o的走，搭3點去港澳碼頭o既船啦！
4點半返到香港，難得有機會可以早o的放工，當然唔返公司啦！
我同QA同事夾好嫁喇！
5點鐘就返到屋企lu，真爽！好耐都未試過喇！
今個星期我只係二、四、六返公司，因為一、三返o左大陸，星期五就annual leave去影婚紗相呢！
今個week雖然好似唔係返o左好多日工，但到今日已經係等於一個星期o既工作量喇！
黎緊仲有下個星期一要去睇多間廠添！真係攞命！
今日終於都開始揀樓喇！
放工同豬豬過o左樂富一轉，去睇o下第一日賣o左幾多單位！
其實最主要係睇o下第一日有無人揀o左自己心水單位o姐！
好彩之前做好功課咋！
去到就拎我o地張list出黎，tick o左俾人揀o左o個o的！
好好彩，第1日都係tick走o左4個單位o姐！不過，其中兩個係1st pirority 55個裡面呢！
我見其他人係咁拎住網上print出黎o既價目表出黎，好似無從入手點 mark好！
我o地好快就tick好晒可以走人喇！
原來睇住人o地揀o左自己心水，個心真係會好痛嫁！
希望到我時，我唔會有呢個感覺啦！
豬豬都讚我整個表好叻喎！
不過佢話個表仲要modify o下，唔夠user friendly喎！
呢個咁重要o既任務，當然留俾佢做啦！哈！
照宜家進度，好可能係月尾就到我揀喇！
好心急，亦都好緊張！
希望真係God Bless Me啦！
由於工場要考ISO同HACCP，而我又負責中央產品，所以我要返大陸睇廠！
今次係我轉team後第一次o既睇廠！
今日約o左9點o係九龍塘理想酒店門口等，個商號開車車我o地上去！
同行有大師姐同埋QA同事，不過全部都係女仔！
我o地經深圳灣過關！
呢度好好嫁，唔使上落車，o係車上面就可以輕鬆過晒兩個關！
我o地11點半就上到番禺沙灣，仲有半個鐘先到o的工人lunch time，咁當然去睇o左車間先啦！
Um…………比想像之中好，但都有幾多不足之處！
睇完再返會議室傾o左一陣，o係大師姐身上學到好多要留意o既地方，今次真係獲益不少呀！
我o地1點倒就走喇！
商號帶o左我o地去酒樓食飯，o的o野一般啦，無咩特別！
之後因為個商號要拎sample去我o地廣州黃埔餅廠，咁我o地三個都未去過，當然跟埋一齊去啦！
我o地仲參觀o左自己間餅廠添！
不過，原來俾我想像中個廠係細好多嫁！
我o地仲食o左由自己廠出品o既西餅添！大件過香港o的好多嫁，不過唔知個價錢係咪貴過香港喇！
睇完都4點3，就開始返香港喇！
返到香港，商號仲要去埋我o地大埔廠交sample！
今日真係公司廠房一日遊喇！
之後由於驚塞車，所以商號車我o地去荔枝角！
咁我當然唔放過去接豬豬放工o既機會啦，因為豬豬咁o岩又係o係荔枝角返工o麻！哈！
今日搭車搭到傻，好鬼tired呀！
唉………..星期三仲要去另一間廠添！
今個星期真係會累到爆嫁！
睇黎我星期五輯婚紗相出黎個效果都凶多吉少喇！
