驚喜

尋日我終於都打敗仗，病倒了，去唔到阿Keith個婚宴，真係唔好意思！

尋日5點鐘收工，去到診所5點10，但等到成6點半先有得睇，拎埋藥成7點先返到屋企！

食完dinner食埋藥，同個fd msn o左一陣！

原來佢都plan緊結婚，但未決定09年頭定尾好！

求婚介指都一齊買埋，只欠求o個o下！

佢話佢一日唔求婚，佢一日都唔會開始籌備嫁喎！

唉........若我係咁就死啦，豬豬到宜家都未求婚！但我講過：佢一日唔求婚，我到結婚o個日我都可能唔嫁佢..............

原來鑽石係好有學問嫁，我對求婚介指o既要求好簡單：唔需要好大粒，但最緊要個效果要夠閃！

我自己就預1年10個月去籌備，今年2月開始搞，出年11月bd！

佢o係我第二個fd話見咁多個fd搞結婚，最有心思o既一個！

點解？！因為我會俾surprise老公，係咩唔講得，因為豬豬可能有機會見到呢個blog！總共兩個surprise，唔知到時佢會唔會感動呢！

俾surprise老公，當然唔少得班姐妹啦，希望到時佢o地鐘意代替手物樣物品啦！

其實最主要係因為份小禮物o姐，我真係花o左好多心機去design同埋間廠肯接400份而個價錢又抵！大大話話我都用o左成半年時間！當然豬豬有俾意見，但落手落腳做o個個係我！

當初提出呢樣小禮物idea時，好驚佢會band我！後尾佢都話我點解會諗到呢樣o野，因為佢都無諗過，仲話夠特別同紀念性！

有時我都好有用o既！

march in後都諗好用咩代替切假蛋糕儀式，道具已經source好！

其實樣道具貴嫁，但一世人一次，我想特別o的！

抽獎用o既禮物都七七八八，只爭點樣運用之前預好o既道具去令到個氣氛好o的！呢o的都係俾班兄弟姐妹諗喇！

到現時為止，籌備令我知道自己係性急子同脾氣差，好彩我老公唔係，佢做分析，我做research，一凹一凸，互補不足！

其實豬豬都擺o左好多心機，但佢做o左o的o野只會擺o係個心道，唔係我似我咁，咩都講晒出黎！

我好慶幸我搵到個咁好o既老公！