今日係annual leave最後一日喇，聽日長週，返埋星期一半day，咁就開始放我o既6日假期喇！
諗起都開心！
今日唔想出街，所以o係屋企搵歌仔！
大大話話我都搵o左成百首歌嫁，不過係英文歌多！
點解，因為我始終都係覺得用廣東歌好娘o既，國語歌又唔同講法喎！
所以最好都係用英文歌，起碼o的歌詞無咁明顯o麻！
仲搵o左好多純音樂！
o係誤打誤撞之中，居然俾我搵到細個時o的兒歌喎，有我最鐘意o既藍精靈、機靈小和尚、我係小忌廉、千年女王、足球小將、忍者小靈精、小飛俠同埋IQ博士等等........！(唔覺意透露o左我年齡添！)
我一路聽一路係咁笑！
今晚等豬豬放工返黎俾佢聽o下先！我諗我o地一定會有好多回憶o姐！
今日係公司好悶....唔知係唔係d公司放晒假呢?
回覆刪除星期一唔知有冇得收早...
[版主回覆12/21/2007 17:01:00]有無得收早都係holiday mood嫁啦！個個都唔想做o野！
ｅ，禁第時要問你借禁多令歌啦
回覆刪除[版主回覆12/23/2007 12:03:00]wellcome啦！
「小忌廉、千年女王、足球小將、忍者小靈精、小飛俠同埋IQ博士」, 我都係嗰期喎.... 我原本都有諗過用iq博士架!.
回覆刪除