工廠女工

今晚豬豬去o左飲阿Ben o個餐，所以我只好同媽媽夜晚o係屋企！

媽媽又食o左藥，一早去訓o左，而我又無o野好做喎！咁就去o左做工廠女工喇！

所謂工廠女工，就係將之前訂o既小禮物入盒喇！

嘩！我以為可以好快入晒啦！點知.............

我由8點開始整，整到9點半先整得o個112份！

原來只係將o的小禮物入盒都要用好多時間嫁！

仲有288份，咁即係要用多4個鐘先可以包得晒！

我又點可以便宜豬豬o既呢，梗係要留返o的俾佢包o下嫁啦！

所以呢288份都係留返豬豬同我都得閒先一齊入lu！

原來...........工廠女工真係唔易做嫁！

同一個動作，重覆咁做，都真係幾悶o下！

不過，今晚完成o左呢112份小禮物，個心好開心呀！

因為距離完成又跨進一大步喇！