展望08篇
1. 改o左o的壞習慣
2. 勤做facial
3. 保養身體
4. 媽媽身體健康
5. 正正式式轉做buyer
6. 升職加人工
7. 婚禮順利進行
8. 裝修屋企天花牆紙，更換梳化、大床及書枱
9. 豬豬轉工成功
唔知點解，一踏入08年，有種好特別o既感覺，比起之前o既1月1號好唔同！
或者…………..將會成為人o地老婆，身份唔同o左！
有時會諗，係咪真係要結婚？！我ready好未？！
訓覺前仲同豬豬講，我突然之間好驚結婚，唔通咁快就有婚前恐懼症？
但過o左幾秒知道就黎會結婚，又覺得好開心嫁喎！
心情好矛盾！唔通思覺失調？！
希望08年様様都事事順境，同豬豬開開心心、幸幸福福，媽媽身體健康！
回顧07篇
一月：由副主任升做主任，仲加o左10%人工添
第一次做姐妹
二月：開始籌備結婚事宜，行第一個婚紗展
去o左成10年無去過o既海洋公園
三月：第二個婚紗展，join o左去廣東省影相
籌備去布吉之旅
四月：布吉5日4夜之旅
德福美心皇宮試菜
買o左150張美心員工價餅咭
五月：媽媽入o左醫院，好彩無事
六月：上山頂Pearl on the Peak慶祝豬豬生日
澳門漁人碼頭婚紗展，join o左珠海澳門婚紗相
德福美心皇宮落訂
廣州結婚用品視察行
七月：倒數500日
落實小禮物方案
同媽媽上o左東門影佢個人專輯，媽媽好滿意
落實俾咩驚喜婚宴當日俾豬豬
八月：第1個8號風球
阿妹放榜
去o左r66、marco polo 太子同南丫島慶祝我生日
落實o左婚禮攝錄
知道Jenniphine有喜
買埋剩返o既150張美心員工價餅咭
九月：中秋節
廣州結婚用品購物行，訂造o左件婚紗
Lydia入醫院做手術
十月：倒數400日
中山珠海小禮物廠參觀行
小禮物落訂起模、收到樣版
Brenda畢業
去珠海澳門影第一輯婚紗相
公司將食品及非食品部合併
豬豬大表姐生o左細珠女
我可以轉做buyer
十一月：倒數366日
落實小禮物起貨
廣州結婚用品購物行之二，買包裝小禮物用材料及拎o左件訂造婚紗
落實 o左註冊地點
落實o左租衫公司
落實o左MUA
落實紅酒公司
買埋32張奇華餅咭
Draft o左初步rundown
十二月：落實租裙褂馬褂公司
收到第一輯婚紗相
去深圳番禺影第二輯婚紗相
收到小禮物成品，開始包裝女工工作
搵婚宴歌曲
去o左成2年無去過o既工展會
一年兩度o既AOP
07年好難忘，因為籌備結婚令到我發現原來自己有好多o野都唔識，令我學習到接納別人意見，發現到豬豬真、真、真係好錫我！
全年都係圍繞o係結婚當中，由一開始咩都無，到宜家搞得7788，o個種喜悅我唔識形容，只係知道好開心同幸福！
希望07年唔好o既o野會随住07年o既過去而帶走埋，我只係要開心、幸福、健康、財富跟住我走我前面o既路！
今日係影婚紗相之行o既最後一日！
11點9 check out，之後去o左恆香飲茶茶！
跟住去羅湖站道寄存o的行李，就開始出發今日o既行程喇！
我o地首先去o左新開o既皇室貴族道做按摩，都hea o左成4個鐘呀！
仲發現到有個地下賭場，我o地o係皇室貴族道win o左rmb100呀！
真係無諗過咁都可以win錢，賺返o的使費！
按完玩完都成7點lu，就去四川豆花道食dinner喇！
今日食o左好多o野，有：
1. 醉玉兔
2. 燒椒魚頭
3. 棒棒雞
4. 燒生蠔
5. 醉豆花
今餐好好味，食得好飽飽呀！
飲飽食醉之後就返香港lu！
返到屋企都成12點喇！好彩聽日都仲係放假o姐！
今日係倒數330日，呢10日唔算做o左好多o野，但做到o既o野令成個籌備過程進展o左好大步！
首先係收到第一輯婚紗相，真係好靚，好開心呀！兩張油畫都好靚，不枉我用7個鐘揀相！
第二樣就係影埋第二輯婚紗相，呢輯全部都係外景，仲要係我expect o既景，不過未揀相，要1月12號先可以去揀！
第三樣就係prepare o左出年o既美容大計，買o左冬蟲夏草同靈芝孢子保身艱顏！
原來收到成品比影完梗加開心10倍嫁！
成個婚禮籌備完成o左5份4喇！剩返5份1係當日o既細節，濕濕碎碎o既o野！
回顧呢10個月，婚禮籌備令我成長o左好多，同豬豬感情亦都加深o左好多！
當中有好多好難忘o既o野，例如一齊design份小禮物，整驚喜結婚當日俾豬豬，影婚紗相，上廣州買包裝盒，試裙褂馬褂，呢o的一切一切，都係呢年最美好o既回憶！
雖然當中都爭吵過好多，但大家都係為件事好，最後出黎個結果我同豬豬都覺得好滿意！
下個10日已經係2008年喇！由開始決定結婚到倒數今日，我真係覺得好似過o左好耐咁！但又覺得時間好似唔多夠用咁！
耐就係因為仲要有成330日先到bd，唔夠用係好似仲有好多o野未做咁！
籌備結婚真係可以令人成長，希望大家都好似我咁，有個好難忘o既過程！
今日係影海灘同仙湖！
今朝又係7點9起身，9點落樓下食早餐！
今日9點9去到影樓lu！
由於今日車程無咁遠，所以唔使食外賣！
首先去溪涌影海灘！
未影前就去食lunch，去o左一間叫五谷花乳鴿王度食！
之後就開始影相lu！
去到個海灘，都係好似尋日咁，只係得幾pair人影緊相！
今次影o左好多呀，有大家手牽手跑沙灘，有豬豬畫心心，有貝殼！
今次我o地精o左喇，吸收過尋日o既經驗，今日影出黎會靚o的！
玩o左1個鐘倒啦，就上車去仙湖lu！
原來仙湖係一個公園！
仙湖呢度我覺得好有意境，好有feel！
今日個咸蛋王應該影得仲靚o的添！
我好耐都未試過睇咸蛋王喇，對上係去布吉日落崖度睇！不過上次布吉多霧，所以無今次呢個咁靚！
仙湖道我影o左2套衫，1套我自己件拖尾婚紗，1套係我咁多件最鐘意o既1件粉紅色晚裝！
影完就返影樓lu，著套粉紅色晚裝影多個室內，7點倒就大功告成！Joan佢o地留o係度執o野，我o地當然就走先啦！
之後我o地仲去o左東門，諗住食小肥羊，但太多人等位喇，所以最後都係決定返酒店樓下間茶餐廳道打邊爐！
打完邊爐就過隔離食糖水同飲湯，個雪蛤紅蓮炖鮮奶好好未呀！
跟住就再去買多兩罐啤酒返酒店再飲過！
2日o既婚紗相終於都影完喇！我同豬豬都覺得今日o的相應該會好過尋日好多，因為好多都有望鏡頭，同埋今日o的好有意境feel 嫁！
希望到時我會揀到相啦，最緊要就係唔好大出血啦！
今輯完全係我想要o既o野，因為全部都係外景，我同豬豬都係鐘意外景多過室內！外景自然好多，同變化多好多！
聽日留多1日，因為要去按摩呢！
今日終於都影相喇！我o地7點9起身梳洗，之後就落o左樓下間雲吞王道食早餐，呢個早餐只係7咋，仲要係食得好飽嫁喎！
原來約好9點o係大堂等，但可惜Joan佢o地遲到，搞到成9點半先出發！
差唔多10點去到影樓，就開始化妝喇！
原來係Joan幫我化妝，初時都驚佢化得唔好嫁，不過化完出黎又ok得喎！
之後就係食外賣lunch先，因為去番禺葵園要成2個鐘車程嫁，宜家唔食唔掂嫁！
食飽飽就上車lu，我o地用o左1個鐘9個字去到番禺葵園！
今日唔算好多人，只係有o的景多人o的！
呢度真係好多花嫁！我起碼影o左過10種花呀！
不過呢個攝影師好憑感覺影相，有時無望到就影o左，有o的擔心影得唔靚！
今日有無奇景，就係原來大陸人影婚紗相鐘意著花恤衫同see though衫嫁！好得人驚呀！我同豬豬講，全場最影o個個都係豬豬喇！
今日總共換o左3套衫，仲影o左個咸蛋王添！哈哈！
呢o的就正正係我今輯相要o既o野，不過至於影得靚唔靚就..............
有o的擔心囉！因為一來o岩o岩訓醒就開始影，二來個攝影師太有風格喇！
影到6點倒，就開車返影樓lu！
上車前見到有間叫巴黎婚紗o既大車，車上有成6-7pair人影婚紗相，個場面好壯觀！不過佢o地係一個師傅對2-3pair人，我始終都係覺得咁樣無咁好囉！都係一對一好o的！
今次回程成3個鐘呀，因為塞車！
之後就去食飯lu！
我o地同埋Joan & 師傅去o左酒店樓下間叫旺閣茶餐廳道食，o的o野食都ok o既，仲發現到有得打邊爐添！
好o野，聽日影完可以黎呢道打邊爐lu！
食飽飽去o左行超市，買o左兩罐啤酒返酒店飲！
飲飽食醉之後都成12點半lu，要訓覺豬lu！因為聽日仲要影海灘同仙湖！
今日出發喇！出發去影葵園、仙湖同海灘！
我o地今日首先上去settle down先，因為若果要聽日一早9點先o係上水火車站道等，再上去，個人會好tired嫁！
我o地3點幾上到去，去到如家快捷酒店！呢間酒店係間攝影公司包埋一晚o既，個環境都唔錯，不過可惜係企缸唔係浴缸！個價錢都ok嫁，如果唔要商務大床房，標準房都只係169咋！
張床仲好大添嫁，成6呎嫁！
之後就出去行街街lu！
我o地去o左東門，我o地發現到新大陸呀！
發現有間以純outlet，o的衫超抵，不過係無碼o既，你睇o岩o左o的款可能都因為無碼而無得買！
我同豬豬都睇中o左幾件，不過無碼呢！
不過..........我買o左兩件羊毛料褸，好抵嫁，只係59一件咋！
原價要成450嫁，咁o岩呢兩件有碼！
一件我o既，一件媽媽o既！豬豬就買o左黑鞋一對，因為佢原本o個對已經開始舊，咁影相唔係咁好睇o麻，佢對都係39咋！
買完之後就去o左一間叫迎賓樓o既食肆道食dinner！
o的o野食一般啦！
買完食完就返屋企lu，要休息聽日影靚靚相！
今日係聖誕節，亦都係我告別陳小姐身份同豬豬渡過o既婚前最後一個聖誕節！
無咩特別感覺，因為已經同豬豬同居o左咁耐，都慣o左lu！係唔係婚前最後一個聖誕節都無所謂，最緊要係同豬豬一齊過！
出年呢個時候就會係陳太lu！
由於尋日(應該係今朝)好早先返屋企，所以我o地訓到成5點半先起身！
起身之後豬豬去o左taste度買蟹，而我就o係屋企等飯食！
今日同豬豬一齊整聖誕大餐，媽媽仲話我o地好溫馨添！
我o地今日聖誕大餐豐富過尋晚，有：
1. 皇帝蟹
2. 愛心羊架
3. 蜜桃伴鵝肝
4. 三文魚刺身
5. 火雞片
6. 加拿大傳統燒牛肉
7. 愛心大爆蝦
8. 雞串及雞腎串
9. 蘑菇醬螺絲粉
10. 意大利雜菜湯
11. Balery 酒
今餐盛惠$900，不過上年呀！
出街食一定唔得啦，所以都係o係屋企整最好！
又可以慳錢，又唔使同人迫！
食完之後就開始執行李lu！
準備聽日去影我o地o既第二輯婚紗相！
今次主加要影湖景同海灘景，仲有花海！
希望今輯都好似上輯咁影得咁靚啦！
今日係平安夜，公司放1點，之後仲有無大食會添！
食到2點零倒啦，咁我就去九龍塘join 飛飛佢o地喇！
我首先去o左買份聖誕禮物用黎交換！
嘩，得返一千零一套咋，仲要係display黎，不過問題唔大o既！
買完就去taste買o野今晚整大餐喇！
去買o左阿拉斯加蟹同燒雞，燒雞就飛飛返屋企整！
買完之後我就去元氣買sushi同返屋企拎蝦喇！
過到飛飛屋企都成5點lu！
阿奀就整佢o既沙律，跟住豬豬都放工上埋黎，咁夾埋阿樂，就夠4隻腳開枱喇！
嘩，我4圈只係食o左2次，不過1次係自摸10番呀！好叻叻！
打完4圈海豚都黎埋，咁就開始食聖誕大餐喇！
今日豬豬仲整佢平時o係屋企最拿手o既煎蝦俾佢o地食添！
今日聖誕大餐有：
1. 阿拉斯加蟹
2. 煎蝦
3. 肉醬意粉
4. 沙律
5. 燒雞
6. 壽司
7. 蛋糕
不過個蛋糕係過o左12點先食！
食完聖誕大餐，就玩交換禮物！
我o地用o左梅蘭菊竹、春夏秋冬8隻花黎抽！
好搞笑，我o地要4個男仔企o係各自份禮物前影相，仲要扮千金小姐黎影！
即係分開張腿，拎住份禮物當拎住個喼咁呢！我仲笑到流晒眼水添！
我就抽飛飛o個份，飛飛就抽我o個份，海豚就阿奀o個份，阿奀就海豚o個份！
玩完晒就開始打牌lu！
飛飛係咁出沖，仲發脾氣添！半夜三更自己走去整o野食！
不過豬豬又係衰o既，次次都係食佢，仲要係成9番！
跟住佢自己走o左去沖涼訓覺，都無同過我o地講o野！
佢o地打到第朝7點半先打完，我就由6點半訓到佢o地打完先起身！
豬豬仲話點解我o地一打完你識自己起身o既，我o地頭先打牌咁嘈你都訓得著！
梗係啦，細細個訓練有素嫁o麻！阿姨細細個帶我去打牌，仲要係唔記得叫我起身返屋企，咁我梗係要識自己起身跟住阿姨啦！
跟住就行返屋企，再去大家樂食埋個早餐先返屋企訓覺！
聽日仲有自家製聖誕大餐，今次係同埋媽媽食！
今日做o左孝順女，同豬豬陪媽媽去o左工展會！
其實都成2年無行過lu，因為舊公司以前每年都會擺booth，而又唔肯出錢請part time，咁就要我o地呢o的office同事落去幫手！
一去到就見到舊公司阿表妹lu，佢仲認得我，仲讚我靚o左添！
我o地由2點半行，行到5點半走，戰利品如下：
1. 草姬靈芝孢子 (6盒)
2. 草姬冬蟲夏草強化版 (7盒，有1盒係送o既)
3. 草姬亮目靈 (4盒)
4. 草姬紓骼適 (4盒，俾媽媽o既！)
5. 抽真空壓縮箱 (2set，送3個抽真空掛衣袋)
6. 按摩球 (俾媽媽用o既！)
7. 淘大翕仔生抽老抽各1支
8. 點點綠有機黑米及糙米各1包 (表妹仲送o左1樽新出o既蝦醬俾我！哈！)
9. 刀嘜清純橄欖油2支
10. 柔順劑1支
11. 仲有好大堆草姬o既贈品
不過使o左好多錢呀！
不過o的靈芝孢子同冬蟲夏草想買好耐嫁喇，以前去萬寧睇太貴，唔捨得買！
宜家成半價，咁咪買囉！身體好o的o麻！
收獲好豐富呀！
返屋企之後就將o的相load上網lu！
我o的朋友仔可以分享我o既喜悅喇！
不過，事先聲明，個主角係唔靚女靚仔嫁！可能會有少少反胃添！
今日長週，放o左3日假，今日終於都要返工lu！
放工之後去o左final fit，不過有一件唔o岩，要再改，但我唔諗住再去試lu，橫掂都係影相o姐！
我仲可以自己帶埋件開倉時買o既婚紗去影添！真係好開心！
今日係冬至，我要同豬豬入去屯門姑媽道同佢阿女麻女麻做節！
今日我有同大、細豬女玩呀！
大豬女原來都幾naughty嫁，同豬豬一樣，因為都係monkey黎o既！
而細豬女雖然得2個幾月大，不過佢好鐘意人o地同佢講o野嫁，你同佢講o野佢會笑嫁！
今日有個好重要o既任務，就係拎埋隻DVD上去姑媽屋企，叫佢表弟幫我燒落隻CD度喇！
好開心呀，終於都完成o左喇！我可以o係自己部電腦度睇到喇！
豬豬大表姐仲話我影澳門o個輯個look好似陳瑋添！
我話吓，唔係呀，我一o的都唔覺得似喎！
我睇晒130張相，發現原來有兩張佢無幫我放落相簿度，仲要係漁人碼頭景黎嫁喎！
不過豬豬話唔緊要喎，可能個意景唔同，加上無位放，所以無放喎！
咁我都無問題o既！
過兩日就可以開始load上網喇，再send俾o的朋友仔睇！
今日係annual leave最後一日喇，聽日長週，返埋星期一半day，咁就開始放我o既6日假期喇！
諗起都開心！
今日唔想出街，所以o係屋企搵歌仔！
大大話話我都搵o左成百首歌嫁，不過係英文歌多！
點解，因為我始終都係覺得用廣東歌好娘o既，國語歌又唔同講法喎！
所以最好都係用英文歌，起碼o的歌詞無咁明顯o麻！
仲搵o左好多純音樂！
o係誤打誤撞之中，居然俾我搵到細個時o的兒歌喎，有我最鐘意o既藍精靈、機靈小和尚、我係小忌廉、千年女王、足球小將、忍者小靈精、小飛俠同埋IQ博士等等........！(唔覺意透露o左我年齡添！)
我一路聽一路係咁笑！
今晚等豬豬放工返黎俾佢聽o下先！我諗我o地一定會有好多回憶o姐！
尋晚掃完貨之後就返屋企俾相媽媽睇lu！
媽媽個反應俾我預期中無咁興奮！
佢話又唔係我影，我做咩咁興奮喎！
佢一路睇一路就話，um.........我同你真係幾似樣嫁喎！
跟住佢就拎埋佢上次o係東門影o個輯個人相出黎比，化o左妝又真係有少少似嫁喎！
咁當然，梗係我靚o的啦！哈！
媽媽之前好驚我影呢輯好似上次佢去飲見到人o地個輯咁，之前人o地o個輯又係o係大陸影，但媽媽個comments就係佢o係東門影o個輯仲好過佢o地！
婚紗相個新娘妝化得好大陸feel喎！
宜家連佢都放下心頭大石lu！
媽媽仲話影得我個樣好細個添，一睇就知豬豬大過你啦！
但其實，豬豬係細我唔夠一年嫁！
不過佢經歷過好多風風雨雨，所以個樣咪老o的囉！
不過咁仲好，起碼o的人唔知我大過佢！哈哈！
好心急想俾o的朋友睇，今晚約o左飛飛去佢屋企整隻碟！
等o左2個月，終於都等到喇！
本來尋日已經送到香港，但因為我去o左做facial，所以收唔到！
今日下晝豬豬仲1點鐘返o左黎陪我一齊收相添！
豬豬打俾個司機，司機話3點鐘到！
點知2點9已經送到上黎lu！
我o地梗係第一時間check兩張油畫有無問題啦，好彩，都無問題！
咁就放個courier走啦！
我o地好急不及待咁開啦！
嘩！兩張油畫都好靚呀！我好鐘意！不過鐘意澳門景o個張多o的！
之後就睇相簿同其他喇！
總共有4本相簿，個排版都好滿意，仲有surprise添！
2個台架同水晶座都ok！
放下心頭大石lu！
不過未同佢o地影大合照，因為o的o野太重，要等豬豬放工返黎先可以一次過同佢o地影相！
唯一美中不足係張光碟係DVD，我部電腦係CD-ROM，所以開唔到黎睇！
等我將隻DVD轉做VCD，咁我就可以將o的相load上網分享大家睇喇！
大家唯有再耐心o的等o下啦！
今日倒數340日，總結呢10日裡面，做o下以下：
1. 租o左裙褂同馬褂 (中五福頭褂同金配黑馬褂)
2. 入o左112份小禮物 (仲爭288份未入)
3. 準備好晒當日o既table price
待辦事項如下：
1. 花車同28座van (我要紫色london taxi呀！)
2. 2in1 註冊觀禮咭design
3. 印帖 (因為已經有晒註冊時間同擺酒地點，可以早o的印！)
4. 姐妹裙 (未開始搵邊間，已集合o左5個姐妹，3比2，粉紫色暫時win！仲要等埋其餘o個3個先有decision！)
5. 男禮 (未有頭緒！)
6. 花球 (仲未諗掂自己想要咩style添！)
以上待辦事項想出年2月前(希望農曆新年前)可以有眉目啦！
另外仲有好多o的細節o野都未諗添呀！只係個初步rundown 已draft好咋！
今日係一連三日o既annual leave o既第一日，今日約o左表姐做facial！
首先去o左厚福街食lunch！食完lunch居然撞到Julia喎！
佢原來有o左呀！預產期係出年3月！
好開心呀！又多一個fd有o左喇！
佢o係我咁多個fd裡面，最早結婚o個個(唔記得04定05年)！佢老公係斯里蘭卡人黎嫁，都ok靚仔嫁！
我摸佢個肚，佢話我仲開心過佢喎！
做完facial同表姐行o左一陣百利，我想買o個樣o野間shop未開，但表姐叫我唔好買喎，叫班姐妹整好過，唔好sign錢喎！
咁等我諗o下先決定買唔買好啦！
好緊張呀！聽日應該會收到第一輯相喇！
唔知靚唔靚呢？其實影完我覺得好靚(唔係都唔會揀o左成130張相啦！)，我係驚佢排版咋！
豬豬仲吩咐我聽日要check清楚有無爛先好簽單俾個courier走喎！
放心啦！我仲緊張過你啦！
真係好心急呀！
呢幾日又諗番多o的金句喇！
6. 多渣/齊！
(呢句係去食油渣麵時，o的阿姐講，點知豬豬成日都講，就成為o左佢o既金句喇！
7. Oh！Damn it！
(呢句唔記得幾時喇！宜家每次佢一講Oh！我就會講Damn it！)
8. 世人係愚"味"o既！
(呢句係當豬豬o係度批評o既人，好感慨咁講o既！)
9. 衝呀！跑呀！殺呀！
(因為每朝搭地鐵時好多人，尤其係轉車時，有日豬豬就講呢句！宜家有時轉車有呢個情景我o地都會講！)
10. 咁大聲講咪錯囉！
(呢句係豬豬話我媽媽時講o既！話說有一日阿媽好大聲咁講o的佢認為係o岩o既o野，但我o地兩個都覺得唔係好o岩！豬豬就彈o左句出黎喇！宜家搞到我成日講添！)
暫時只係諗番起10句咋！
今日返到公司，好唔開心！
因為份tender，有個overseas vendor話收唔到e-mail o既invitation for tender，搞到仲去埋Maria度！
我自問無做錯o野，宜家反而被屈有叫過我出完e-mail打去俾個vendor confirm收唔收到！
公司個媽媽好撐我，因為我做o野做成點，佢係知道o既！
我自問我無聽過囉！佢係呀頭，咁你話有，我可以話無咩！
o個排個個都忙緊AOP，佢自己o個排做過咩我諗佢都唔知啦，又會記得咁清楚有叫過我o既！
宜家好似賴晒落我度，因為佢自己揹唔起o麻！
如果因為呢件事，令到Judy佢o地失望，我無o野好講！
不過我知我做o野做成點，佢o地有眼見！
宜家唯有做番o的成績，唔好俾人再有機會抽後腳！
今晚豬豬去o左飲阿Ben o個餐，所以我只好同媽媽夜晚o係屋企！
媽媽又食o左藥，一早去訓o左，而我又無o野好做喎！咁就去o左做工廠女工喇！
所謂工廠女工，就係將之前訂o既小禮物入盒喇！
嘩！我以為可以好快入晒啦！點知.............
我由8點開始整，整到9點半先整得o個112份！
原來只係將o的小禮物入盒都要用好多時間嫁！
仲有288份，咁即係要用多4個鐘先可以包得晒！
我又點可以便宜豬豬o既呢，梗係要留返o的俾佢包o下嫁啦！
所以呢288份都係留返豬豬同我都得閒先一齊入lu！
原來...........工廠女工真係唔易做嫁！
同一個動作，重覆咁做，都真係幾悶o下！
不過，今晚完成o左呢112份小禮物，個心好開心呀！
因為距離完成又跨進一大步喇！
今朝豬豬去o左阿Ben伊甸園觀禮，但因為我太眼訓，所以無去到！
豬豬搞完都成點幾，咁我就搭車出旺角搵埋媽媽放工去飲茶喇！
去o左稻香，o的o野都幾好味，仲有下午茶添！哈，又抵o左！
之後就係今日o既重頭戲 -- 錦發裙褂！
去到時無客，咁就入去問o下啦！
郭小姐招呼我o地，首先我話o左唔要珠片褂，要金銀線褂！
咁佢就俾o左套褂后我試先！
um..........呢套比較多金銀線，無咩紅色，加上下身好似唔係好match個上身(因為下身多紅色o的)，個感覺唔係咁balance！
之後再試埋千禧中五福，呢套媽媽同豬豬都一致認為係最好！因為多金銀線得黎又多o的紅色！
我著紅色係好睇過著金色嫁o麻，咁當然呢套出黎效果好o的啦！
跟手試埋小五福！嘩.........呢套真係唔係幾得！雖然係好多紅色，但太多喇！著o左上身好似唔知點咁！
最後試埋普通中五福，呢套中五福比較傳統o的，多o的銀線，金線少o的！
若兩件中五福，媽媽，豬豬同我都係比較鐘意千禧中五福多o的！
咁就落實租千禧中五福頭褂喇！試o左二手同頭褂，頭褂好明顯o的金銀線係"令"好多！感覺新好多，高貴同莊重好多！
之後到豬豬試馬褂！
郭小姐拎o左套金配黑o既馬褂豬豬試！
嘩！唔著由自何，一著唔得掂呀！
我真係覺得豬豬好型呀！一著起已經好得，郭小姐佢o地幫我o地兩個影o左合照，睇返我真係覺得好開心呀，因為豬豬真係好型，好掂！
我無諗過原來豬豬著馬褂仲型過著禮服嫁！
之後就係講價錢喇！我套$800，豬豬o個套$300，夾埋$1100！兼送男女睡衣各一套！
我估唔到佢會送埋男裝睡衣嫁！因為上網睇通常都係送女裝之o麻！
咁都幾好，咁又唔使煩上頭睡衣喇！原本諗住要去廣州買嫁！宜家又可以慳返一百幾拾lu！
郭小姐仲教o左好多過大禮o既o野，但經商量過後，都係用包羅萬有利是算！無謂搞咁多o野！過完大禮o的椰子呀，其他o野都唔知點算好，都係用利是，簡簡單單好o的！
一路搭車返屋企，我就一路係咁笑，因為我實在覺得豬豬著馬褂太型喇！
張合照媽媽話佢仲突出過我添呀！
不過唔怕，到時我化埋妝，set埋頭，我會sharp過豬豬！無理由俾佢搶晒風頭嫁o麻！
不過有個咁型o既老公，我都覺得威嫁！
張馬褂裙褂合照用o左黎做wallpaper lu，因為我實在太、太、太鐘意呢個配搭呀！
今日10點幾就起o左身lu，因為尋日訓o左好多！
之後等埋豬豬起身就出發去九龍塘！
首先就係約阿Ben o係MTR，因為佢聽日擺酒， 但仲未派帖俾豬豬！
我覺得佢張帖都ok嫁，連埋個利是封一set，但我若嫌太plain！
所以我出年唔會考慮呢款！因為心目中已經有o左決定要邊款lu！
之後就去八月花度食lunch，因為員工有折我先去咋，因為都幾貴，但豬豬話佢無食過，咁點都要同佢食一次o既！
跟住行o左一陣，我o地終於都諗好買咩交換禮物喇！俾飛飛或阿奀抽到都會好有用！
之後就join埋媽媽去Namco 玩lu！
今日又多7份可以用黎做table price o既禮物，咁即係話25圍o既table price已經全部搞掂！又煩少一樣！哈！
至於table price點送法，就有待班兄弟姐妹決定喇！
o的table price今日去過log on 度睇，都成$68 - $80一份嫁！但我o地就梗係唔使啦！
本來今日話去婚紗展o既，但豬豬又話無o野睇，所以最終都係無去到！
不過阿謙去o左，佢仲抽到兩份大獎，係pink box介指一對同枕頭一個！佢仲話點解我o地上次只係抽到o的罐頭喎！真係俾佢吹脹！
我同豬豬都係o的無咩抽獎運o既人，上次抽到隻水晶鞋已經好叻嫁喇！
阿謙佢o地又係去盈集坊租衫呀！好彩係我bd早過佢o地，就算大家揀埋同一款衫我都可以show先！但係我真係好唔鐘意同人撞衫呀！
阿謙今日去一去，咁就無o左成皮幾o野lu！
好彩我o地係分開book o野，咁都唔使一次過俾咁多，咁肉赤！
今日Annual Leave，真係好爽呀！
訓到成10點半先起身，足足訓o左成12個鐘呀！呢幾個禮拜以黎訓得最多係今日！
之前忙公司o野，搞到食都唔想食，仲瘦o左成5磅，條腰減o左1吋呀！
唔知係好事定唔好事呢！之前成日都想瘦多5磅同條腰減多1吋，宜家成真，但個樣殘o左呢！
不過過o左AOP後我諗我會肥番，因為開始想食番o野lu！希望唔會肥番好多啦！
今朝msn度見到文蓮同Susanna，文蓮話我知媽媽俾人抄o左！
o下，點解上個week打俾Susanna都唔話我知o既！
跟住就到Susanna叫我，咁我咪問o下囉！
原來舊公司籌備o左好耐，仲一早計好晒o的糧添！
唉.......宜家舊公司面目全非，個個都走晒lu！
今日Susanna問到我係咪結o左婚，因為o係facebook度見到我影婚紗相時自拍o既幾張相！
咁我咪話佢知囉，橫掂我都會請佢o既！不過我吩咐o左佢叫佢唔好同其他人講住，要等我通知先！
下個星期可以約佢o地去聚舊lu！個個都離開晒舊公司，係時候出黎聚一聚！人選有Amy、Susanna、Yuki 同阿樑！
希望約得成啦，話約o左好耐嫁喇，但次次都唔成事！
傾完之後就去染髮lu，由2點9整到成4點半，不過修完後我覺得ok喎！呢個師傅都唔錯！起碼個頭望落真係薄o左好多！
黎緊o既節目係：
聽日或者去婚紗展，但好似好多o野都搞掂喎，都唔知去唔去好！但有免費飛，又唔想sign 喎，入去望o下有咩漏都好丫！唔知豬豬肯唔肯陪我去呢？
後日同媽咪&豬豬去睇裙褂！
節目好豐富呀！
呢幾日係咁搵番豬豬呢5年黎講過o既金句，其實有好多，不過忘記晒lu！
我諗緊點樣將呢o的金句到bd當日俾個surprise佢！
1. 嘩，殺到黎喇！
(呢句係o係我同豬豬訓得好甜o個陣，阿媽打電話返黎嘈醒，豬豬就半睡半醒咁講o既！)
2. 你做咩呀！
(講時個表情同手勢仲要係用兩隻手按實你塊面咁講！)
3. MonChiChi、ChiChiMon、痴頭芒
(呢句係同阿奀佢o地上珠海玩，行行o下無端端講o既！)
4. 天才呀！
(去冒險樂園玩緊火車，跌o左o的金幣，佢就大叫天才，有好多錢呀！但當時只係跌o左2-3個咋喎！)
5. 可唔可以幫我"jump"杯劣水
(呢句係尋晚講o既，我都唔知佢想要熱水定暖水)
我要記番起佢仲有咩金句先得！到時俾多個Surprise 佢！
經過1個多月o既努力，AOP終於都大功告成！
今日返黎問Pippo，佢話好成功，無咩Opps query我o地，而文生仲好support我o地添！幫晒我o地口呀！
不枉我o地捱更抵夜咁多晚，都係值得o既！
Pippo仲話請我、Silvi同Carmen去食餐勁o既！梗係啦，唔係佢唔驚我o地唔幫佢做o野呀！
今日下晝又多得各位善長人翁捐助零食基金，今日下晝o既tea係KFC，仲有$150剩！
今日個個都好開心，因為終於都唔使趕、趕、趕喇！
而我終於都等到聽日o既annual leave喇！
聽日會去染髮同修o下個髮，準備呢個月尾o既第二輯婚紗相！
呢輯無上輯咁期待喇，可能好滿意之前o個輯啦，呢輯就算影得唔好都唔太介意lu！
今日豬豬成個人無力，仲胃痛添！好擔心呀！
事緣係話說尋晚豬豬出席契妹婚宴，佢o地o個台係咁飲VSOP！
半台人飲o左支幾，其中有兩個已經o係未散席時貓o左！
而豬豬就到差唔多散席時去toilet 嘔！仲要呃人話肚痛喎！
點知佢o地fd走佢都未出黎，咁就拎番佢個公事包入去俾佢喇！
原來佢嘔完後o係toilet 訓o左3個鐘！
好彩半夜3點幾時仲有個阿叔o係度打掃，如果唔係佢就會被困返唔到黎！
原來佢成4點先返黎，不過我訓得太好，所以連佢幾時上床都唔知！
不過好彩佢今朝仲識同我講返尋晚發生o既事！
我都未見過豬豬咁o既，不過都好彩佢仲識返屋企o姐！我結婚o個日我一定唔會俾佢飲到咁呀！
好彩今日下晝豬豬返屋企訓o左2個鐘，夜晚放工見到佢都精神o左好多！
豬豬，下次唔好喇！我會好擔心嫁！
今日倒數350日，其實呢10日咩進展都無！
(http://hk.myblog.yahoo.com/milkajoe-1123/photo?pid=195&fid=17)
因為10同11月使o左太多錢喇！好似倒水咁呀！我諗出年到9月時仲倒得快添！
本來想去租裙褂，但由於太累，所以都係無出到去睇！
但已經約好媽媽下個星期日去上海街睇！
咁即係話到時又要使錢lu！上網都睇過價錢個range，我諗今次都唔使使太多掛！
另外就係抽獎禮物大致上完成o左7成，圍獎都已經決定好用咩！不過仲未數到現時為止準備o左幾多份喎！
呢幾日豬豬成日口講話求婚介指o既o野，仲無意中俾我知道原來佢已經做好晒功課添！
佢連咩colour、咩cutting，咩證書都知道晒！唔怪之得佢早排問我呢個budget o既介指接唔接受啦！
我都係o個句："no comments！" 我唔會俾任何意見，因為我要surprise！
其實佢咁講，我就越期待求婚o個一日！唔知會係咩日子呢？！
今個聖誕會係我以陳小姐身份同豬豬過o既最後一個聖誕節！
節目已經排得密密麻麻lu：
24號 -- 到飛飛屋企開christmas party
25號 -- 同豬豬o係屋企食聖誕大餐
26-29號 -- 影第二輯婚紗相
31號 -- 到Edmond屋企打牌過除夕
今日係員工價last day，都唔明點解o的人係都要最last minutes先黎話訂o既！
今日下晝同豬豬講，話下年餅咭可能加價，咁豬豬就打俾佢個老死啦！
轉個頭話要100張喎，咁要俾錢嫁o麻，就算佢入到都唔可以今日俾到張receipt我啦！咁咪唯有自己去過數俾公司囉！
一早已經同佢講叫佢買，係都唔買住，因為未決定幾多張喎！所以諗住下次員工價先買！宜家話佢知可能加價，咁就好急咁話要住100張先！
預計餅咭可能加5-10%倒，即係就算員工價都要成2-3蚊張呀！
好彩我之前已經分開o左兩次買，每次買150張，宜家搞掂晒lu！又唔使驚佢加價喎！
我覺得幫你買唔係問題，但要臨急臨忙先話我知，我都要交數嫁，要見到張receipt先算數嫁o麻！
我幫咁多個人買過，我都無自己出過錢o既，個個都係自己入落公司account嫁o麻！豬豬個fd都算係第一個lu！
尋日我終於都打敗仗，病倒了，去唔到阿Keith個婚宴，真係唔好意思！
尋日5點鐘收工，去到診所5點10，但等到成6點半先有得睇，拎埋藥成7點先返到屋企！
食完dinner食埋藥，同個fd msn o左一陣！
原來佢都plan緊結婚，但未決定09年頭定尾好！
求婚介指都一齊買埋，只欠求o個o下！
佢話佢一日唔求婚，佢一日都唔會開始籌備嫁喎！
唉........若我係咁就死啦，豬豬到宜家都未求婚！但我講過：佢一日唔求婚，我到結婚o個日我都可能唔嫁佢..............
原來鑽石係好有學問嫁，我對求婚介指o既要求好簡單：唔需要好大粒，但最緊要個效果要夠閃！
我自己就預1年10個月去籌備，今年2月開始搞，出年11月bd！
佢o係我第二個fd話見咁多個fd搞結婚，最有心思o既一個！
點解？！因為我會俾surprise老公，係咩唔講得，因為豬豬可能有機會見到呢個blog！總共兩個surprise，唔知到時佢會唔會感動呢！
俾surprise老公，當然唔少得班姐妹啦，希望到時佢o地鐘意代替手物樣物品啦！
其實最主要係因為份小禮物o姐，我真係花o左好多心機去design同埋間廠肯接400份而個價錢又抵！大大話話我都用o左成半年時間！當然豬豬有俾意見，但落手落腳做o個個係我！
當初提出呢樣小禮物idea時，好驚佢會band我！後尾佢都話我點解會諗到呢樣o野，因為佢都無諗過，仲話夠特別同紀念性！
有時我都好有用o既！
march in後都諗好用咩代替切假蛋糕儀式，道具已經source好！
其實樣道具貴嫁，但一世人一次，我想特別o的！
抽獎用o既禮物都七七八八，只爭點樣運用之前預好o既道具去令到個氣氛好o的！呢o的都係俾班兄弟姐妹諗喇！
到現時為止，籌備令我知道自己係性急子同脾氣差，好彩我老公唔係，佢做分析，我做research，一凹一凸，互補不足！
其實豬豬都擺o左好多心機，但佢做o左o的o野只會擺o係個心道，唔係我似我咁，咩都講晒出黎！
我好慶幸我搵到個咁好o既老公！
今個月原來比上個月更忙！
先有公司要做AOP，過埋12號就可以一天光晒！
呢個12月待辦事項如下：
1. 租裙褂 (或者下個星期六/日去)
2. 睇男禮 (或者下個星期六/日去)
3. 剪髮同染髮 (呢個星期六去)
4. 影第二輯婚紗相 (12月27-28日)
5. Pack小禮物 (或者12月有6日annual leave時自己pack住先)
(http://hk.blog.yahoo.com/organize/album_list.php?fid=13&type=photo)
因為只有星期六日可以得閒做結婚籌備o既o野，所以感覺上好似時間唔多夠咁！
其實好似好多o野都confirm晒，但又好似有好多濕碎o野未搞喎！
不過唔緊要，因為仲有355日去籌備！
究竟要幾時去寫菜呢？出年4月or 8月？
終於都收到小禮物喇！
但過程一波幾折！
話說上個星期六個速遞打俾我，但我同豬豬、大表姐、大細珠女、姑媽同女麻女麻飲緊茶，所以收唔到貨！同個司機講話4點零屋企有人，點知到5點都無再收到電話！
咁就打返俾個司機啦！丫.........點知佢話要收工喎！
咁就約好星期一夜晚7點後送啦！
到尋日成8點都無收到電話，咁豬豬咪打返星期六個來電搵個司機囉！個司機話油塘塞車喎，宜家黎緊！
終於到9點零就送到過黎喇！
總共400份，俾起當初睇起模樣板時更靚，個外盒更fit size！
我真係估唔到Lily講話因為係for我結婚用，所以會做到最好o既俾我，原來係真嫁！
真係好開心，因為呢o的小禮物係我同豬豬o既傑作，一齊design！
雖然一開始都係我去搵個vendor，做溝通，講價！但就係因為豬豬o既idea，令到個design更完美，個成品更靚！
呢個星期六、日，就要開始將o的小禮物入包裝盒lu！到時完成o左會更開心，因為係自己一手一腳咁pack！雖然份小禮物唔係自己親手做，但成個過程都係base on我同豬豬o既idea同design去做！
真係獨一無二嫁！
係咩？...............
豬豬話連o的兄弟姐妹都唔講得嫁喎！到bd時大家就會知道！宜家見過成品o既人只有我、豬豬同媽咪！
出年bd後會post出黎俾大家睇o下呢份獨一無二o既小禮物！
見到個subject，就開始feel到仲有唔夠一年我就會成為陳太！
呢幾日老公成日都叫我"老婆"，佢以前係叫我"老婆豬"嫁！
"老婆"呢個名好好聽，我好鐘意！
比起對上一個10日，我o地都無咩進展，只係confirm o左第二輯婚紗相o既衫同埋結婚當日o既first round confirm衫！
原來婚紗相o既衫同bd 當日o既衫真係好唔同，我唔識形容，只係覺得bd 當日o既衫會靚好多！
下個星期就可以收到小禮物lu！收到後包裝好，我諗今年內可以完成project o既其中一個task！
宜家諗o下買定租馬褂好，裙褂我就一定唔會買嫁喇，因為我要o既金銀線太貴喇！上廣州買都要成$2800！
馬褂就平好多，但都要去睇o下租要幾錢先決定！
下一步要confirm o既就係o係邊度租男禮同姐妹衫！呢兩個task我一o的idea都未有添，點算好呢？
今日終於都約好時間上去first around揀衫！
4點上到去，點知Dorothy同Annie 話無我booking喎！我明明有約到嫁o麻！
不過佢o地都俾我揀衫！
試o左件一字肩拖尾婚紗，因為訂造o個件係low cut，所以呢件要唔同款o既！
件婚紗個拖尾可以拆出黎o既！即係有又得，無又得！呢個款我著起都ok嫁！我就覺得好靚！
跟住試o左件湖水綠ball gown！呢件個款就ok，不過下次再試時會再試多幾款先，我同豬豬都覺得不凡o左o的！原來我著藍色係無綠色咁好睇嫁！
跟住試敬酒o既紅色A-Line！原來我著紅色都得嫁喎！比起後尾試o既金色，咁紅色就好好多喇！
再試埋送客件粉紅色散裙(即係要落鋼，但唔使鐵線)，呢件著得我好得意，成個小公主咁！
試咁多件衫，我最鐘意呢個款！
總共4件衫，4件都係唔同o既style！我就係要咁樣，我唔想好似Iris o個日咁，3件eg都係 ball shape！
我諗出年8月我去confirm衫時，我都係會揀1件Ball Gown，1件A-Line，同1件散裙！我要件件出黎個款都要唔同o既！
不過豬豬覺得貴嫁！後尾佢都話o的衫都好靚，貴都值o既！
佢都係最鐘意我著粉紅色散裙，我o地兩個個taste都真係差唔多！
Dorothy同Annie仲話我倆個笑起上黎好似樣，佢o地都唔知係第N個咁講lu！
Dorothy同Annie都話今日終於都試個瘦o左，佢o地話今朝o個兩pair都係肥肥o的嫁喎！佢兩個仲叫我keep 住宜家咁，唔好再俾佢瘦落去，因為佢o地話我宜家個figure著衫先好睇喎！
佢o地話結婚前一定會再瘦o的，所以千叮萬囑我要keep住宜家咁，唔係到時再瘦著衫就唔好睇嫁喇！
同埋仲叫我千祈唔好再去曬太陽，因為佢o地都知道我係一個容易黑，但唔容易白o既人！到時有泳衣印咁就真係無辦法喇！
佢兩個仲話我唔戴眼鏡個樣細個好多添！
真係好想快o的到出年8月再做confirm！
今日長週，要返工呀！
放o左工就先返屋企，因為豬豬唔使返工，咁咪返去食埋晏先再出去試衫！
本來book o左6點，後尾食緊tea o個陣豬豬打去問可唔可以改早o的，咁就5點3喇！
上到去有pair人o係度傾緊之前佢o地開o個個plan，我o地就開始去揀衫！
佢衫就真係有好多，不過好多都唔可以出去影相，只係for 租衫用！
我諗租衫佔全部衫o既6成啦！
相比上之珠海現代經典，呢度o的衫真係唔係好得！上次係因為衫多所以試o左好耐，今次就相反，就係因為少衫所以揀好耐！
一黎我已經講明我要前短後長拖尾o既婚紗，佢o地搵o左成2-3個字先搵到，我幾驚無呀！阿娜姐仲話見係我就俾我拎出去影喎！
我心諗，你講o姐，如果真係唔出得，你都唔會俾我啦！
試o左上身之後我覺得件衫好得意，好可愛！呢件主要出外景沙灘用o既，因為睇過其他人o的相，出黎個效果都幾靚！
今次我無揀其他拖尾，因為佢出得街影相o既拖尾款都無咩得點揀！我揀多件上身掛頸o既婚紗，下身其實好plain，不過我鐘意佢上身o姐，因為終於都唔係low cut！
之後揀o左3件晚裝：1件粉紅色(只係準俾影室內)，1件粉藍色同1年掛項V型綠色！
今次o的衫同上次珠海o的衫風格都好唔同！梗係啦，唔通又係件件low cut咩！
我試完就到豬豬試喇！
豬豬揀o左：1件黑色襯金色邊，1件黑色暗橫紋同1年白色襯銀色繡花邊！
豬豬3件都係上次無著過o既！
今次一個總結係...............o的衫好少款，希望影出黎個效果滿意啦！
俾埋尾數，約埋下個月22號3點final fitting，同埋出年1月12號3點揀相！
宜家要等佢覆下個月尾去影間酒店book 多兩晚幾多錢，因為我o地26號會先上去，27號開始影，28號影完再stay多一日先返香港！
個package包o左1晚酒店，即係我o地要住多兩晚！
咁樣玩一玩，都玩o左成4個鐘呀！好彩早o左9個字上去咋，唔係咪成10點先走得！
希望下個月呢輯婚紗相ok啦，但我o地最多只係會加2張相！
無錯，係2張，因為個package包88張，加2張即係90張！
預佢總共有9個景(暫時我知o既有花海，葵園，仙湖，室內)，咁每個景都係揀10張o姐！
希望最後呢輯唔會out budget啦！
揀緊衫時有pair人上黎睇租衫，咁阿娜姐就好招呼佢啦，我隱約聽到好似佢o地出年4月bd，但仲未揀定租衫喎！個package好似係$5XXX有5-6件衫掛！個女仔後尾話想考慮下，咁阿娜姐又使出佢o既功夫喇，到最後，個pair人都係join o左！
其實若果佢o地想睇多間o既，咁就兩個夾好o的啦，問個男o既點睇，男o既又話主要睇個女o既，咁"你鐘唔鐘意丫！"又俾返個波個女仔！
如果俾我同豬豬，我話要想考慮o下先，佢一定會配合我，話再行o下先再決定！個個sales都會話走o左再返轉頭就唔會有咁多優惠嫁啦！咁係唔o岩就唔o岩，我唔會迫自己去join嫁喎！
今日係2007年11月23日，明年今日，我就會由陳小姐成為陳太！
可能對其他人黎講係無特別，但對我同豬豬都係一個值得記念o既日子！
本來約好出街食飯慶祝嫁，但...................
我俾Judy捉住做粵菜AOP，豬豬都唔好得我好多，要同老細加一個有精神病o既女人開會！我兩個真係火都黎埋！明明可以開開心心食飯慶祝，就係因為一o的無時間觀念o既人累到我o地今日唔可以去打邊爐！
最後？！咁當然係買外賣返屋企食啦，豬豬仲要到宜家都未返到黎添！
雖然今日無得出街食飯，但今日個感覺好特別，我唔識形容，我只係知我覺得好開心同sweet sweet！
仲有一年時間咋，我要為o左我o既終身大事努力！
好期待明年今日！我就會成為陳太！
今日豬豬返大陸呀，不過上去之前我o地有sms喎，好耐都無試過lu！哈.......
返到去一陣，Pippo返o左黎，同我傾o左陣！
我好明確咁話佢知，我唔想做ERP，雖然我知hold ERP 個project我會係leader，但要由零開始，我怕我出年未到結婚已經得半條人命！
跟住佢就話幫我約Maria傾o下！
大約10點半倒啦，Maria終於都得閒同我傾o下！
一開始佢就話其實Management知道我想要咩，Judy、Peggy同Pippo都有同佢講過，所以佢話佢有必要同我傾一次！
佢意下係想我做Packaging，其實經尋晚o既思考，我覺得Packaging 對我將來發展會好o的！因為行頭闊過什購組！
雖然我都知Packaging 會大壓力過什購，但我相信我有信心handle到！
我亦同Maria講我有興趣做Mooncake Packaging，但Maria commit 唔到我，因為係Minda 決定派邊個去hold 呢個對公司大影響o既project！
傾o左大約半個鐘倒啦！so far Maria俾到我o既感覺係肯定o既，仲話其他同事都讚我工作表現，咁都幾開心嫁！因為有咁多人認同自己！
今日有好多個人問我："Maria 搵o左你傾未？"
原來事綠係尋日佢o地開會，原來開會期間傾到我o既去向！原來個個team都想我過去，Minda、伍生、Ringo、William/Judy都話想要我！
聽到Minda 講o個一刻係真係開心嫁，因為我覺得有人爭即係代表我能力得，如果唔係都唔會有人想要我過去！
我問Maria 時間即係幾時，Maria最後都係commit唔到我幾時，只係可以commit到maximum 半年，只要有人replace我個位，因為始終我都仲o係呢間公司做，所以就算我真係轉o左team個新人有咩唔識，我都仲可以教到佢！
阿Cliff亦都同我講，你要有心理準備o係呢個transition period你會好辛苦，因為要兼顧兩面同埋要適應Minda o既處事作風！
我相信我會handle到！因為我咁辛苦去爭取呢樣o野，我唔想俾人認為我係揀錯！
聽日就係1123喇！聽晚會出街食飯！
