繼Christmas Party之後,5月BB再有Gathering喇!
由於唔想太大班人,所以分開o左兩小group!
俊俊同妍妍參加o左第1 group!
今次係o係荃灣絲麗酒店搞!
雖然荃灣對我o地黎講遠o左少少(由藍田去荃灣有少少返大陸o既feel),但俊俊同妍妍可以同一班可愛o既BB玩都無所謂啦!
去到估唔到個場咁大!
仲要有埋地墊添!
個場真係好正,多謝晒搞手Karen同Cleo媽呢!
每個大人都係$100咋,o的o野食唔算好好味同少選擇!
但剩係個場都抵返晒喇!
見到好多BB都開始識爬喇!
我o地都要返去訓練o下俊俊同妍妍先得!
今日俊俊同妍妍同一班BB玩得好開心呀!
完o左之後就o係荃灣行o左陣!
我o地仲每人買o左套賀年唐裝俾俊俊同妍妍添!
跟住去埋愉景新城!
去o左玩具反斗城玩!
今次到妍妍豬訓o左lu,到俊俊豬玩彈彈森林!
但俊俊好似唔太有興趣呢!
佢都係鐘意坐噓噓樂多o的喎!
仲買o左兩set好抵o既地墊添!
每套有9塊,兩套夾埋都唔使$120!
仲要係EVA free添嫁!
今日兩隻豬仔都滿載而歸呢!
沒有留言:
張貼留言