今日冬至,公司放4點!
老公公司無得放早,但都收5點!
4點放工即刻趕返屋企!
因為要帶俊俊同妍妍入去屯門太女麻度做節呢!
我o地今次選擇o左搭地鐵,轉西鐵再轉輕鐵!
我o地5點9出門口!
所需車程個半鐘!
連埋去到太女麻度就足足2個鐘!
呢個真係長征呢!
去到屯門知道太女麻因為早排病o左,導致宜家有少少撞聾!
今日睇見太女麻好似老o左好多咁!
我o地等到8點半就開始食盆菜喇!
其間俊俊同妍妍都好扭計!
兩個連BaBa都唔跟,係都要跟我!
我搞掂俊俊訓覺就要再抱返妍妍先肯收聲!
個個一抱(其實係掂一掂咋)妍妍就即刻扁咀喊!
太女麻都話湊咁多個孫都無呢個”室”咁痴身!
認人認得咁緊要!
食到11點倒就call的士走lu!
希望下次俊俊同妍妍見到太女麻唔好再咁扭計啦!
因為太女麻好想抱佢o地呢!
沒有留言:
張貼留言