俊俊&妍妍奇妙成長之旅 – 壬辰龍年年初七人日@20120129

今日年初七人日，又有好友黎拜年喇！

今日係MaMaMe中學同學！

呢次拜年都係尋日先約嫁咋！

黎拜年o既有Poey姐姐、Anita姐姐同振宇哥哥！

哥哥姐姐同我o地玩o左成2個鐘呀！

我仲肯俾姐姐抱我添！

同哥哥姐姐玩得好開心！

哥哥又係使出佢o既搞笑本色！

多謝晒哥哥姐姐o既禮物呀！

希望下次可以再同埋其他MaMaMe o既中學同學玩！

俊俊&妍妍奇妙成長之旅 – 壬辰龍年年初五@20120127

今日俊俊同妍妍8個月大喇！

我o地呢兩個傻Ba同傻Ma又買蛋糕同佢o地慶祝！

好多fd話其實係我o地兩個想食！

但識我o既都知我同老公都唔好甜品o既！

買蛋糕真係純粹幫俊俊同妍妍慶祝嫁咋！

近呢幾次都有俾o的cream俊俊同妍妍”味味”！

兩隻豬仔好似好鐘意個Angry Bird咁喎！

買Angry Bird係因為老公話俊俊同妍妍似喎，哈！

BaBa同MaMa祝大小B健健康康，快高長大！

過多4個月就1歲生日喇！

到時傻Ba同傻Ma會為俊俊同妍妍安排豐富o既節目！

俊俊&妍妍奇妙成長之旅 – 壬辰龍年年初三@20120125

雖然今日係赤口，但我o地一家四口都有出去拜年！

今日係約o左BaBaBe班中學同學！

今次除o左團拜之外，仲係小型BB gathering！

我o地今日又係去o左KK叔叔屋企！

今日加埋我同妹妹總共有6個BB呢！

仲有一個姐姐係5月頭出世，大我o地小小嫁咋！

今日幾個BB 玩得好開心！

柏賢哥哥仲盡顯大哥哥本色添，哈！

而Holick哥哥都有哥哥風範嫁！

Hei姨姨o既小姐姐就好淡定！

我俊俊就一貫搞笑作風！

妹妹妍妍就又係怕陌生，唔肯跟人又喊呢！

但妹妹俾Letiz叔叔抱唔喊喎！

希望Letiz叔叔同Vivian姨姨抱過妹妹之後，黎緊下一次有個妺妹俾柏賢哥哥同柏Hei弟弟啦！

Gathering完之後就過鑽石山搵飛契媽食Dinner喇！

MaMaMe聽日就要返工lu！

好彩仲有BaBaBe放假陪我o地o姐！

俊俊&妍妍奇妙成長之旅 – 壬辰龍年年初二@20120124

由於尋晚太夜(早)訓喇！

今日訓到成3點先真真正正肯起身！

之後就幫俊俊同妍妍裝身出發lu！

約o左細表姨5點半o係尖沙咀等！

但因為食o野食晏o左同埋封路關係，我o地成6點先出到去呢！

跟住就出發去海港城停車場o既天台喇！

我o地唔使同人迫，可以好舒服o係天台睇！

都係全靠俊俊同妍妍o的爆笑短片咋！

之前一路都不停落雨！

好彩天公造美，到放煙花時一滴雨都無落過呢！

初時我o地仲擔心俊俊同妍妍怕大聲會驚！

但點知兩隻豬仔好興奮呀！

妍妍豬睇睇o下煙花仲周不時望返我，對住我好sweet咁笑呢！

同老公一齊親身睇過幾次煙花，但都不及今次咁難忘！

因為係我o地一家四口傻豬之家o既第一次睇煙花呢！

睇完煙花就同埋細表姨同未來細表姨丈去盛八食宵夜喇！

BaBa仲book o左張指定枱放我o地架私人座架添！

今晚食得好飽，亦都玩得好開心！

希望阿妹同佢男朋友都覺得開心啦！

俊俊&妍妍奇妙成長之旅 – 壬辰龍年年初一@20120123

終於都黎到龍年喇！

其實我同老公諗過兔年生一個，龍年生一個！

但宜家一次過有晒俊俊豬同妍妍豬，唔會再追喇！

今日行程唔算太緊密！

上晝去o左太婆度拜年！

食埋下晝飯就入屯門太女麻道喇！

我o地都成5點先入到去呀！

今日太女麻精神好好呀！

而妍妍豬同俊俊豬兩個初時o係太女麻屋企都好乖！

肯俾人抱同埋同o的姑婆，表姑媽佢o地玩！

但唔知係咪之後越黎越多人呢！

上到姑婆道妍妍豬仲開始發作！

好似上次咁，係人掂一掂都喊爆囉！

俊俊豬就貫徹佢一貫作風，周圍show show！

難為當大家食飯時MaMa要o係房餵妍妍豬！

等妍妍豬食飽晒MaMa先有o野食！

今晚都玩到成點先由屯門搭的士走呀！

因為想俾太女麻見佢兩個耐o的呢！

未落到樓兩隻豬仔已經豬o左lu！

聽晚會帶俊俊同妍妍去睇煙花呢！

俊俊&妍妍奇妙成長之旅 – 1st Studio影相+入場券@20120120

用上次o係半歲party抽返黎o既coupon book o左今日去o左Face度影相！

我o地無再on top加錢upgrade呀！

因為本身上年8月BB展時已經買o左個package！

今次諗住唔好sign所以去影埋！

約o左11點半影相！

由於無upgrade所以只係得淨白色背景可以影！

我o地帶o左紫色o個套親子裝同埋蝴蝶蜜蜂造型衫去！

去到先影親子裝！

今次個攝影師好唔掂！

全程唔識tum俊俊同妍妍笑！

唔通無加錢upgrade o的service真係差咁多？！

明明上次影大肚相時好好嫁！

剩係影套親子裝都影o左成9個字！

要老公叫佢要換衫先肯俾我o地換！

約o左2月10號揀相！

我諗今次揀相真係無咩難度囉！

十居其九都係揀唔到多！

因為俊俊同妍妍都無咩笑o既表情！

影完相就過o左皇室堡牛角食lunch喇！

食飽飽之後就再過海港城喇！

因為要去拎俊俊同妍妍贏返黎o既煙花飛呢！

呢4張飛係俊俊同妍妍參加爆笑BB短片贏返黎嫁！

年初二可以帶兩隻豬仔第一次親身現場感受煙花喇！

BaBa同MaMa都好期待呢！

俊俊&妍妍奇妙成長之旅 – 暴力妍@20120119

今日下晝BaBaBe同兩隻豬仔玩！

跟住BaBa拍低o左幾張相！

夜晚放工返去老公俾我睇！

一睇笑C左！

估唔到妹妹係咁暴力嫁！

平時已經好鐘意扯人頭髮！

尤其係哥哥o個o的(可能佢妒忌哥哥多頭髮過佢掛)！

今日仲搞到扯面！

以下係連環圖！

先黎扯面，再黎扯頭髮，跟住知道唔o岩又要錫返哥哥喎！

妹妹扯哥哥面個表情真係好衰呀！

我點學都學唔到呢！

我仲讚老公可以捕捉到呢刻呢！

希望再大o的妹妹唔好蝦哥哥，唔好變o左做港女啦，哈！

俊俊&妍妍奇妙成長之旅 – 親子裝part 1@20120115

因為20號要去影相，所以o係淘寶淘o左幾套親子裝！

今日收到其中兩套！

呢兩套就係我o地傻豬之家第一次o既親子裝啦！


希望到時影出黎有sweet sweet效果啦！

俊俊&妍妍奇妙成長之旅 – Twins BB Gathering@20120114

我o地一班2011 Twins孖媽會BB終於都有第一次Gathering喇！

本來出席有11對twins！

但由於Ellen o既細孖出玫瑰疹，所以今次黎唔到呢！

今日孖仔、孖女同龍鳳都有晒！


 

好可惜有兩對twins要早走影唔到大合照啦！

最後我o地o的媽咪諗住一齊影！

點知對對twins都係其中一個訓o左或者飲緊奶！

所以大家都係得一個可以抱住影相呢！

但今日都玩得好開心！

希望快o的有下次gathering，再有多o的twins BB一齊出席！