政府第一次產檢@20101124

10月26號去私家做第一次產檢時，順道去埋QE做登記！

點知都要排到去今日先係有得睇！

仲要只係見助產士咋喎，都唔係見醫生呢！

今日照last period計係11W1D！

今日老公都拎埋假陪我一齊去呢！

我o地8點8去到，先俾預約紙，跟住度高磅重！

之後就o係大堂睇個關於oscar test o既電視！

再等O左一陣就入去聽個講座，個講座大約5-10分鐘倒！

主要係講今日要做o的咩，入院要帶o的咩咁！

聽完就就出大堂等叫名，入去見助產士問症喇！

我問症都問o左成9個字呢！

醫院system真係好厲害！

我6年前去過明愛睇生理水泡都俾佢check到呢！

仲有當然係上星期去過聯合急症o既資料啦！

我傾o左成3個字先話俾姑娘知係twins，搞到老公話我蓄意隱瞞呢，哈！

原本應該俾期下次見醫生同照oscar，但因為我係twins，所以姑娘要特登打去另一部門拎個快期！

原本要成12月23先有得見醫生，宜家就12月2號有得見醫生！

我問姑娘咁幾時會照oscar同結構，姑娘話到時醫生會講埋俾我聽喎！

最後就係去抽血喇！

原先用右手抽，點知出o左兩支就出唔到！

所以要轉左手抽喇！

總共抽o左5支！

搞掂晒10點鬆o的就走得lu！

跟住老公仲同我去澳洲牛奶公司食第二次早餐呢，哈！

個炒蛋真係好好味呢！

之後仲去O左海港城睇BB O野！

仲發現星光行有BB用品開倉！

但因為未知係男定女，老公話等下個星期去照完睇O下點先下個星期再去入少少貨喎！

O個度O的BB 用品真係幾平嫁，O係屋企當俾BB粗著都抵呀！

最重要係宜家咩都要打孖上，所以慳得就慳呢！

行完都成2點幾LU，跟住就搭巴士返去食下午茶喇！

唔知點解今日胃口特別好呢！

老公話我食極唔飽，仲食得多過佢喎！

梗係啦，我宜家1個人食3個人O既O野喎！

不過其實係呢兩日先開始有返胃口，之前係根本食唔到O野！

所以我本身係瘦O左，但個肚就大O左囉！

下個星期返QE係下晝，老公唔使特登請假都可以陪我去呢！

我就只係請下晝SICK LEAVE去睇算LU，留返剩餘2日大假遲O的先用！