中獎了@20101016

尋晚放工去o左萬寧買clearblue！

我買o左digital o個種呢！

但上bk睇過來人o既經驗，驗bingo係要用晨尿！

因為咁會準o的喎！

所以都係要今朝先可以驗呢！

今朝7點鐘就急醒o左！

跟住就拎埋支clearblue去toilet喇！

等o左無耐(我諗大約1分鐘倒)，好快就已經有個字”Pregant”喇！

跟住等多5分鐘，就show埋2-3weeks喇！

即係話bingo o左喇！

跟住即刻話俾老公知！

老公即時彈o左起身！

好開心咁話”得o左喇！”

正傻佬黎嫁！

但今朝老公要陪客，所以下晝先可以同我去家庭醫生度confirm拎醫生紙！

老公1點零就返黎陪我喇！

先去食個lunch，跟住去埋超市，就去睇醫生喇！

留完小便俾個姑娘，跟手無耐醫生就叫我o地入去喇！

醫生話”嗱……..”+”號即係有，”-“即係無，呢個係”+”定”-“丫！”

過o左一陣，醫生話………..”好明顯係”+”啦！恭喜晒你o地呀，中o左獎喇！”

跟住仲同老公講，話要聽晒老婆話，同埋俾晒o的錢老婆喎！

哈，真o岩聽！

老公仲問醫生話去QE定聯合好o的！

醫生就話QE啦！

因為佢係o係QE出身，所以會叫我o地去QE！

至於聯合佢就話俾唔到意見我o地喎！

醫生開o左o的維他命俾我！

出o左診所，老公就係咁叫我小心o的、小心o的！

宜家感覺係好開心，但又有少少擔心！

因為一日未去睇婦科照超聲波，睇o下bb同心跳，一日都未放心呢！