今日再入世博！
因為誓要入到中國館，所以今朝4點幾5點已經起身！
沖涼洗頭裝身，5點半出門口！
O係酒店附近買O左2個包做早餐，跟住就搭的士去世博4號門喇！
去到時6點，但前面已經有成起碼三百幾人排緊隊！
個實焦仲話點解今日少O左咁多人黎排喎，真係吹脹！
排O左1個鐘，到7點，開始放人入安檢區喇！
老公發揮佢當年跑9秒9 O既短跑長處，一出閘就即跑去安檢區搵個有利位置再排過隊！
之前一路排都係度諗，前面有咁多人，都唔知拎唔拎到中國館預約券！
但真係好彩有老公，以佢極速9秒9，我O地O係安檢區係排頭10個！
咁即係話一定可以拎到中國館預約券嫁喇！
等到9點鐘，正式放人入場喇！
經過今朝3小時努力，終於拎到呢張預約券喇！
拎完預約券，一入場老公又再跑去排沙特館！
因為唔一開始去就要起碼排3個鐘先入到去嫁！
其實我O地入沙特館，唔可以話係排，係行O左1個鐘先入到場！
因為條龍實在要兜太遠喇！
好唔容易黎到沙特館，仲有專人派CATALOGUE添！
唔怪之得咁多人排隊都要入啦，真係幾得！
條自動步道同個360度投射，兩件事夾埋，出黎效果一流！
參觀完仲有沙特明信片送添！
當然要去吸埋印啦！
我O地出黎時見到係超、超、超多人排緊隊等入沙特館囉！
真係好彩我O地一早入去咋！
由於天氣實在太熱喇，所以我同老公改變O左裝束！
長牛仔褲變O左做短牛仔褲呢，哈！
待續........
沒有留言:
張貼留言