陳太廚房@20100717

今日雖然係短週，但10點已經俾電話嘈醒！

老公手提響完就到我手提響！

聽完都訓唔返LU！

咁O岩今日約O左煤氣爐師傅上黎CHECK爐頭！

因為其中一個爐頭襟唔著呢！

師傅11點上到黎，整O左一陣就走LU！

由於我未換衫，所以無出去睇住師傅整，只係老公出去招呼師傅咋！

我問老公整成點！

老公話未整好，要下個星期二再黎整過！

今日師傅整完係可以襟著火，但HOLD唔到個火呢！

所以要返去拎過零件先可以再整呢！

跟住就到送微波爐！

壞O左成3個月，終於都有返個微波爐喇！

廚房又有返個新成員喇！

送完微波爐都成1點半，跟住就落街食LUNCH兼買餸喇！

今晚試O下新煮法呢！

有花雕焗蝦！

呢個做法真係保留到花雕O既酒香，好好味！

仲有我拿手O既薑葱炒蟹！

呢兩隻蟹，一隻係肉蟹，一隻係奄仔蟹黎呢！

仲有老公好鐘意食O既蠔喇！

今個星期煮法係酒煮生蠔！

今日都有煲湯嫁，不過又係唔記得影相呢！

每個星期煮飯俾老公食，睇住老公滿足個樣，係我最開心O既時刻呢！