陳太廚房@20100731

去完米桶食LUNCH，就同老公好浪漫咁行返屋企喇！

不過行返屋企途中，睇中O左對鞋！

咁當然老公要俾我買啦，哈！

跟住就返去惠康買O野準備煮飯LU！

是晚陳太廚房有6餸，但老火湯欠奉！

因為今日又要飲中藥呢！

酥炸生蠔！

海膽蝦 -- 第一食！

呢張係未入爐翻熱前O既！

有個傻佬話幫我手，無端端自己切O左個心型出黎！

睇住呢個心型，諗起老公之前將塊煎好O既牛扒切心型呢！

出黎個賣相，老公話係叫蝦仁炒蛋(分開上喎)，哈！

海膽蝦 -- 第二食！

呢個係凍食版！

估O下呢包係咩呢.......！

就係煙鴨胸喇！

仲有上湯勝瓜！

腐乳通菜！

今晚好滿足呢！

 

Lunch@米桶

今日雖然係短週，但10點已經俾公司個手提嘈醒O左喇！

連老公都嘈醒埋添！

跟住我O地兩個都已經訓唔返！

所以索性就起身LU！

老公忽然興之所致，話去鱷魚恤O個頭食O野喎！

我O地揀O左一間叫米桶O既越南餐廳！

星期六及假期由12點至5點就已經開始下午茶喇！

O的O野OK抵食嫁，一碗生牛河都只係$16，冰類飲品都只係$8！

所以老公就係咁叫喇！

我O地食O左：

鴨胸撈檬！

呢個略嫌O的檬粉唔夠凍，但鴨胸就唔錯！

生牛肉湯河！

O的牛肉份量少O左O的O的，但個湯底好味！

酸辣鳳爪！

呢個夠凍，好味！

越南春卷！

新鮮炸起，味道唔錯！

蝦片牛肉！

塊牛肉細塊到呢.........！

百花蟹餅！

上枱時仲係熱辣辣嫁！

黑椒"FUN"蹄！

扼人O既，都無黑椒味！

仲有珍多冰同奶茶！

老公同我都認為，呢間可以有下次呢！

 

 

好姐妹聚會

今晚掉低老公，因為約O左我好姐妹食DINNER呢！

好姐妹有心事傾，唔方便老公在場呢！

好耐都無剩係同好姐妹兩個出黎喇！

我O地約O左O係銅鑼灣！

行O左一陣街就去O左金百利上樓CAFE食DINNER喇！

呢間好姐妹上次去過話OK呢！(Pancake Colours Cafe & Bar)

入到去發覺原來之前我都同老公去過，不過係食LUNCH呢！

我O地呢餐晚餐，由8點食到10點半呢！

之前因為好姐妹有下場，所以就各有各行LU！

好姐妹，唔好諗咁多喇，好好ENJOY同努力埋呢三個月啦！

But anyway, always support you！

打邊邊晚餐

今晚唔係幾想煮飯，又唔想食麵，其實都未諗到今晚食咩好！

老公先返到藍田，其實我本來叫老公去百佳行住先，睇O下有咩餸可以買！

諗住有好餸就買返屋企煮！

我返到藍田打俾老公，老公原來已經O係阿活呢！

仲問我想唔想打邊邊呢！

我當然話好啦！

叫O左個豚肉併肥牛鍋！

老公仲加O左半磅即刨肥牛同蝦滑呢！

仲叫多O左個鐡板燒雞牛肉呢！

今晚真係好豐富呢！

老公真係知我心意喇！

陳生廚房@20100725

睇完戲，SHOPPING完，老公帶O左我去觀塘O既某一個商業中心！

我O地去O左一間賣冷藏食品O既店！

O係裡面買O左唔少O野呢！

老公今晚又自告奮勇下廚喇！

以下就係今晚豐富O既晚餐喇！

黑椒龍蝦尾！

淡淡肉，估唔到老公第一次煮中餐係咁好味呢！

A4 和牛！

真係好正，一咬落去感受到O的膏同肉，個口感一流！

海膽！

呢版海膽老公話好重海膽味，但我覺得好正呢！

仲有每星期一次O既陳太靚湯嫁，但可惜無影到相呢！

今日真係超滿足呢！

Toy Story 3

話說星期四朝早起身，我突然想睇Toy Story 3！

但由於正場成百蚊張飛，以我呢個慳家師奶仔性格，當然唔捨得啦！

跟住上網睇O下如果早場會唔會平O的啦！

跟住發現平成$40張飛嫁，兩個人都平O左$80！

等老公朝早沖完涼出黎我就話我想睇戲呀，星期日早場平好多呢！

咁其實我都係講O下想睇，但老公當日下晝已經買O左飛喎！

真係正傻佬黎嫁，不過好抵錫呢！

今日睇9點3早場！

我O地先去Super Sandwiches食早餐呢！

宜家有得派3D眼鏡，如果下次再睇3D戲自備眼鏡的話，好似有爆谷COUPON呢！

套戲真係好好睇呢！(可以搵返O的童真返黎，哈！)

最鐘意係薯蛋頭先生要將O的眼耳口鼻拮落塊好薄O既薯餅到！

仲有就係巴斯光年講西班牙話！

真係笑死O左我囉，哈！

睇完戲就去FOOD COURT食少少O野！

先食O左個PEPPER LUNCH O既牛肉飯！

仲有MOS BURGER O既咖喱雞扒漢煲！

老公今日去買O左條西褲，但要改，下個星期三先有得拎呢！

而老公好好咁俾我買件衫同香水！

真係好滿足呢！

令今日再錦上添花O既，係之後發生O既事呢，哈！

待續........^_^