煮飯婆之日－咖喱粉絲蟹煲＋賽螃蟹＠20090620

又係星期六喇，又係我呢個煮飯婆出動Ｏ既日子！

不過今日長週，要返工呢！

放工就去買餸，做我Ｏ既煮飯婆喇！

今個星期Ｏ既新菜式就係。。。。。！

咖喱粉絲蟹煲同賽螃蟹喇！

食完個下午茶就同老公一齊去街市買餸喇！

我Ｏ地今日總共買Ｏ左兩隻蟹，一隻係糕蟹，一隻係肉蟹！

糕蟹用黎整賽螃蟹，肉蟹就整咖喱粉絲蟹煲！

隻糕蟹買返黎之後，就先將佢蒸到半熟，因為會容易Ｏ的拆肉同糕！

睇Ｏ下經過半個鐘頭Ｏ既拆肉，Ｏ的肉同糕已經分開晒喇！

至於隻肉蟹，當然留返俾我老公大人支蟹啦！

呢隻蟹有成１斤２兩，俾佢鉗到真係邊度都唔使去喇！

初時佢仲同老公玩，經過幾分鐘後，老公已經幫佢脫Ｏ左隻鉗喇！

再之後幾分鐘，已經耐佢完全支解ＬＵ！

整咖喱當然要準備配料，調味料同香料啦！

我今次準備Ｏ左粉絲、茴香、荳蔻、咖喱葉、黃咖喱、花奶同椰漿！

今日叫埋阿妹出黎，做Ｏ下白老鼠呢！

今日５餸１湯呢！

咖喱粉絲蟹煲！

老公同阿妹都話好味，個咖喱好香，有出街食Ｏ既水準呢！

賽螃蟹！（可惜個蛋黃爛Ｏ左呢！）

媽媽，老公同阿妹都話呢個可以去做私房菜喎！

當然啦，出面食只係得蛋白，我呢個真係有蟹糕同真正蟹肉嫁！

老公拿手Ｏ既＂美點雙輝＂！

炒油麥菜！

叉燒！

雪耳姬蟲茸鮑片湯！

今餐三個食客都話好好味，話可以開間私房菜呢，哈！

今次好有滿足感呢！

下個星期會向另一難度挑戰－－紅咖喱海鮮原個南瓜盅！

老公出面O既女人

話說近排我著桃紅色衫返工！

O的同事就話好鐘意我著O的咁SHARP O既衫！

咁我今日就話，我唔錢再買衫LU！

之後同事話唔使你有嫁，你老公有就得啦！

我話我老公O的錢俾晒出面O既女人LU！

咁阿秘書小姐就搭傘咁話 -- 佢老公出面O既女人咪即係佢老公個阿媽囉！

哈，估唔到佢反應得咁快！

講俾老公知，話莫非秘書小姐個男人就係咁？！

我話人O地未嫁喎！

不過呢個真係近排聽返黎最精警O既金句呢，哈！

一年一度誓師大會

一年一度O既誓師大會又黎喇！

O係公司3年幾，今年係第一年去！

因為呢O的場合真係唔係好想去呢！

今次一改往常，係不設坐位！

著住高踭鞋企足成個鐘，對腳痛到呢！

話說今次以一個好特別O既方式開始！

一路入場，一路有人拋波波！

接到波波O既就會有禮物！

阿哥好辛苦咁爭到個返黎，俾O左我！

原來份禮物係特別版保溫杯或者XXX遮一把！

我當然揀XXX遮啦，可以放O係公司，以備不時之需O麻！

跟住走時每人仲派O左個本公司出品O既月餅！

5點幾返到公司，小明叫我講O下個口號黎聽O下！

我死都唔肯講！

跟住小明話係咪"一二三四五六七，XX月餅賣晒我最得！"

真係無聊到呢........哈！

希望O係呢個逆市之下，真係好似個口號咁："XX月餅，賣晒最好；XXX月餅，越賣越好！"

因為賣得多，公司賺得多，我先有得加人工O麻，哈！

煮飯婆之日--紅酒燴牛尾+豉椒炒蜆

哈，今日係星期日，又係我落廚O既日子！

今日煮紅酒燴牛尾，我係第一次煮嫁咋！

我O地仲叫埋阿妹出黎試O下，俾O的意見呢！

今日4個人食，共有5餸1湯！

個紅酒燴牛尾我用O左半日時間去整嫁！

先用ROSEMARY香草，胡椒粉，糖同鹽調味O的牛尾10分鐘！

再落紅酒浸O的牛尾2個鐘！

2個鐘之後用油煎封，同埋炒好O的調味(洋蔥、蒜頭同茄膏)！

再炒好O的配料(紅蘿蔔同薯仔)！

跟住就加埋紅酒一齊炆佢2個半鐘！

呢個就係成品呢！

我覺得第一次整算OK嫁！

不過略嫌O的茄膏多O左少少！

下次再煮會留意O下呢！

仲有我那手O既豉椒炒蜆！

同埋蝦醬炒通菜！

仲有土魷蒸肉餅！

加埋鴨舌！

1湯就係鯊魚骨螺片鮑片雜菇湯！

老公話今次個紅酒燴牛尾好味，但有改進空間呢！

哈，咁我就可以再試多次喇！

如果一次就成功就無O左挑戰呢！

老公，放心，下次一定係更加好味，好似上次個辣酒煮花螺咁成功呢！

周生宴客@力奇火煱@20090613

今晚老公班朋友同老公補祝生日！

咁我唔知邊條筋癮起，想打邊爐！

咁周生同周嫂就建議O左去大角咀打邊爐喇！

O係出去之前，周生同周嫂仲上O左黎我O地屋企坐O左陣添！

周生原來唔知老公買O左部XBOX，仲話係問人借返黎玩O既！

都係周嫂醒，一睇就知係我O地自己買，哈！

7點就出門口過奧運站LU，因為約O左阿KIU同阿WING呢！

我O地一行6人就係去呢度打邊爐喇！

雖然個地步隔涉O左O的，但係好多人呢！

咁多人係有原因O既！

因為呢度O的O野食真係無得頂！

好新鮮，每樣都好夠味道！

正如阿蘚講，牛有牛味，蝦有蝦味！(個手打蝦丸真係好好味！)

個價錢又唔算貴！

而且醬油加一都唔使！

呢度O的材料好過O的大酒樓好多呢！

到埋單時，周生俾晒先！

跟住又話唔使我O地俾，話請我O地食飯！

我O地就話佢一定係加薪升職，唔係點解咁豪呢！

不過我O地4個都覺得，周生係飲醉O左呢，哈！

識O左周生8年，佢未試過請我食過飯嫁！

我今次可以籍住老公生日，有幸周生請食飯呢！

呢間店可以推介，下次搵日同美女雀友會成員一齊去先得！