第二輯婚紗相

黎緊個星期六就去揀相喇！好驚今輯影得唔好，驚揀唔落手呀！

點解？！因為第一日去葵園時未係狀態，o岩o岩訓醒落車就開始影；二來就係俾個攝影師玩，佢本來望住個相機個screen嫁o麻，一按製就申個死人頭出黎，搞到我o地望o左佢而唔係望鏡頭！

所以葵園o的相我同豬豬都覺得會影得o麻o麻！

但沙灘同仙湖出黎效果應該會唔錯o既！因為吸收o左第一日o既經驗，知個攝影師會係咁，所以打死都望實個鏡頭喇！

好期待o係仙湖著粉紅色晚裝影o既咸蛋黃o既效果，唔知有無預期咁靚呢？

而沙灘就期待豬豬畫心心同漫步o個度，我覺得好sweet嫁！

希望呢個攝影師影出黎好似我之前o係澳門個攝影師咁，開頭影完以為o的相唔掂，但出黎個效果異常有驚喜啦！

今輯package包88張相，4個景，預計每個景揀22張！

豬豬話唔想加錢俾佢o地賺喎！

不過唔緊要啦，我o地已經有一輯靚靚o既婚紗相，呢輯原本都係當後備o姐！