08年好開始

今日係2008年喇！

踏入2008，即係話仲有11個月我將會成為靚太喇！

之前draft 好o既e-mail，今日都send返俾o的姐妹lu！我特登今日先send嫁！

雖然大家口頭都應承我做我姐妹，但都要正式send返個貓俾佢o地o既！

等佢o地覆完我，我就可以出個姐妹團名單喇！

尋晚過o左12點o係阿謙屋企走o個陣，我同豬豬講終於都08年喇，我o地就黎結婚喇！我o地大家都好開心，又好緊張，等緊1123 o既來臨！

心情之前篇blog寫o左，只係可以用矛盾黎形容！

回想我N年前都講過我要30前結婚，估唔到豬豬真係實現到我個夢！

識我o既人一o的都唔覺得出奇，有o的仲問我係咪已經結o左添！其實我只係爭一紙婚書，宜家同結o左婚都無咩分別！

我相信婚後我都會無咩改變，依然都係唔使煮飯做家務，留返俾媽媽做！哈！