有變數

唉..........我轉team o既事，可能要石沉大海！

事緣係Pippo要掉去做ERP，咁就得返我同Iris Shum 留o係system 呢team！因為Iris Shum係food，咁當然要有個係non-food o既人一齊拍住！

其實我真係唔想留o係呢team，一來自己唔想，二來就係o的同事！

我都係鐘意non-food同事多o的，無咁勢利！

Anyway，我今次唔會妥協，我幫多你一個月唔緊要，但你要真係俾我轉team囉！

我諗Maria佢遲o的都會搵我再傾過，我唔係再要求加人工，我只係唔想留o係宜家呢team咋！

如果你一定要我留，我最多真係唔做，我唔想迫自己去做o的自己唔想做o既o野！

雖然今次係加o左好多人工，但搵幾多錢又點喎！日日返工都唔開心，咁有咩為喎！

我都要為我將來o既出路打算嫁o麻！轉team對我o既前途會好好多！

好彩個個都撐我，話o的阿頭個個都應承過你，無理由話一句唔夠人手就唔俾我轉team！

我諗，2月內會有定案！希望個result係我滿意嫁啦！

講完o的唔開心，講返o的開心o野！

今日Ringo請食lunch，我o地去o左北京道1號帝廷道飲茶！

其實尋日公司個媽媽請食飯，但我唔舒服無去到，媽媽話請返我食飯喎！哈！

下星期一到Pippo請客，我同Silvi仲有Phoebe一定有大食大嫁！

哈！食咩好呢？

新居事宜

其實一開始真係無諗過要買樓！

傾傾o下，宜家未加豬豬個名都要交倍半租，遲o的結埋婚加埋豬豬個名咪要加雙倍租？！咁條數好似買仲抵喎！

咁上期居屋o的地方我o地又唔鐘意，所以無抽到！

見到今期有藍田同樂富，呢兩個都係我o地考慮範圍之內！

呢兩日搵o左o的關於居屋o既資料，跟住就開始計o下數，睇o下供唔供得起！

咁每個月8k都acceptable o既！因為我o地想要3房2廳o個種，咁第時生多個b，地方都會鬆動o的！

但搵完資料，驚抽唔到好no.，揀唔到心水樓！咁我情願住返宜家呢度lu！

雖然話用綠表申請，但都只係俾其他白表申請早o的揀樓，但都要視乎攪珠出黎個no.！

不過都係唔諗咁多，抽o左先算lu！

你話我好想買咩，又唔係喎！我只係諗住將來生個b，宜家間公屋好似唔係好夠咁！

但抽到當然會好開心啦，話晒都叫做做業主o麻！

如果今次抽唔到我都會幾唔開心嫁！因為話晒都想有個屬於自己的新居！

不過，我同豬豬都無咩抽獎命，都係唔好抱咁大期望落去好！

因為期望越大，失望越大！

但我都希望藉住搞結婚咁開心，個天會俾我中一次六合彩掛！

打敗仗

今日終於都打敗仗喇！

最衰就係星期日入完大埔，凍到死！

就係咁就冷親喇！

星期一都開始唔舒服，今日終於都頂唔順，要請sick leave！

今朝一起身個頭痛到爆，又嘔，又頭暈喎！仲要肚痛添！

10點落去睇醫生！等到成11點先有得睇！

間診所黎o左個新護士，不知所謂，唔想做咪唔好做囉！對o的病人咁無禮貌！

 

過去100日之總結

o係呢100日裡面，做o左唔少o野，亦都使o左好多錢呢！成個過程同豬豬有商有量，唔o岩傾到o岩，最重要係發現到原來我同豬豬好多o野都好夾！好多時一個眼神，就可以交代到，呢樣o係講價時就大派用場喇！

身邊10個朋友，有9個話我o地有夫妻相，連我媽媽都係咁講！聽到真係幾開心嫁，都證明我o地o既結合除o左係人為，仲係天意！

已辦好事項

1.      影o左兩輯婚紗相，仲收埋第1輯相

2.      小禮物大功告成

3.      買o左註冊婚紗

4.      買埋唐餅咭

5.      Confirm o左MUA

6.      買o左60支紅酒

7.      Book o左註冊場地及時間

8.      完成Rundown初稿

9.      租o左婚紗晚裝

10.  租o左裙褂馬褂

11.  當晚禮物全部ready

12.  成長片段用歌

13.  Confirm 姐妹團名單

14.  買o左代替切蛋糕用物品

 

待辦事項

1.      Book花車

2.      Design 觀禮咭

3.      買/租姐妹裙

4.      租男禮

5.      花球 (暫定兩個)

6.      場地佈置(已決定join邊間，不過仲未落訂)

7.      Confirm花仔花女

8.      裝修屋企 + 買傢俬

9.      Confirm菜單

10.  Confirm當晚用音樂

11.  Confirm成長片段用相

12.  印帖

13.  婚前檢查

14.  買婚戒

15.  換新銀紙

16.  買過大禮用品、上頭用品、利是封、對聯、衣食碗筷、龍鳳被、佈置花車用品

17.  買烈酒 (大約6支)

我諗都應該差唔多掛！搞結婚真係唔急得，百幾樣o野要搞，同埋好多細節o野！仲有300日，唔計bd前o個30日，即係仲有270日，希望可以如期做好以上各項啦！

我知就算plan得幾好，當日唔多唔少都會有唔滿意，但只要自己盡o左力，做o左自己應該做o既o野，就算當中有唔如意，都已經好開心嫁啦！

最緊要係當日有個好難忘o既婚禮！等10年後俾返o的仔仔女女睇，都仲會感受到當日o既開心氣氛！

倒數300日之check list

婚禮日期:              2008年11月23日 ( 星期日 )
婚宴及註冊地點:  九龍灣徳福美心皇宮 (Book@20070630)
註冊時間:              2in1 佳偶天城@ 3:30pm (Book@20071104)

上頭:                      男方23:00 – 00:00 + 女方23:00 – 00:00
接新娘時辰:          11:15 a.m.
過門婚禮攝影:      Whole day package – 2P+1V (Picasso @20070824)
婚紗相:                  珠海現代經典 + 以馬內利 + 法國
化妝師:                  Ashlee – 全日 (Décor Square @20071101)
新娘婚紗晚裝:      1婚紗3晚裝 (溋集坊@20071125)
新娘裙褂:              千禧中五福頭褂 (錦發@20071216)
婚紗晚裝鞋:           金色3吋高踭鞋 (Buy@珠海)
新郎禮服:               ?? – 2套 + 馬褂 (金配黑)(錦發@20071216)
媽咪奶奶衫:           ?? (或者訂造)
結婚戒指:               仲未睇o岩

小禮物:                   起模訂做 (Completed@200711)
車頭公仔:               中式牛奶妹 + 中式牛奶仔 (想加個鳳冠)
喜帖:                       暫定$6以下 x 400張
童年片頭:               未揀相，但已諗好歌
進場音樂:                未定
婚宴音樂:                未定
大禮事宜:               過禮包(以利是代替，但要有龍鳳餅2對)、上頭用品、龍鳳被)
媽咪奶奶化妝:        Ashlee
姐妹衫:                    ?? (顏色為粉橙/粉紫，未知租定買好)
註冊片頭音樂:        ??
花球:                        ?? (一o的頭緒都未有)

請帖:                        ?? (應該會係心印)
餅咭:                       美心西餅 + 奇華餅家 ( buy @ 200704 & 200711)
花車及旅遊巴:        ?? (暫定London Taxi + 29座van)

酒:                            Loretta + Raymond (Décor Square @20071104)
新郎恤衫/鞋:         現代經典開倉 (buy @200708)
婚紗晚裝首飾:        final confirm gowns 後才決定 (已有一套粉紅色)
邀請人名表:            已有初步人名表 (女家) + 坐位表??
TABLE MENU:       ?? (做定唔做好)
兄弟衫:                    兄弟Self provided (黑色西裝+白色恤衫), 顏色tie(煲呔款)代為選購 (most likely buy @ 廣州)
雜項:                        斟茶用具、睡衣、衣食碗筷、對聯… (most likely buy @廣州)
當日run down:      初步draft已完成(約5份4倒)，仲剩晚宴part未整好
各人task list:         準備中
伴娘:                      Brenda

姊妹名單:              阿魚 + 飛飛 + 阿奀 + 阿芹 + 飛鳳 + 阿妹 + Chloe

伴郎:                      周科        

兄弟名單:              阿Vic + 老金 + Edmond + 細佬 + Steven + ? + ?
M.C.:                      阿魚 + most likely Edmond

倒數300日

今日倒數300日喇！

之前諗過同豬豬出去慶祝，但由於今日係星期一，聽日又要返工，所以都係黎返倒數200日先出去食飯慶祝！

過去o個10日，進展如下：

1.      揀埋第二輯婚紗相，5月中有得拎

2.      決定o左成長片段用o既歌

3.      睇o左男禮同姐妹裙，已經開始有o的眉目

4.      收到50個小禮物，呢o的係後補，補返我之前50個有質量問題o既貨

5.      代替切結婚蛋糕用o既物品已落單，過多1個星期應該可以收到

唔經唔覺已經倒數o左2個100日，由一開始咩都無，到宜家搞得7788，成個過程好開心，好難忘！亦令我o地o既感情跨進o左一大步！

下個100日應該係5月喇，到時應該只係爭返o的濕濕碎碎o既o野！不過，呢o的濕濕碎碎先致攞命呀！

各位籌備緊結婚o既姐妹們，一齊努力呀！

抽居屋

尋日同豬豬搭車入大埔o個陣，大家討論抽唔抽居屋o既問題！

我o地當然想抽啦，話晒都叫之後有層自己o既樓，唔使住公屋！

下個月第三期居屋復售，睇中o既地方有：

1.      藍田鯉安苑

2.      樂富嘉強苑

3.      樂富德強苑

黃大仙嘉峰臺就唔考慮嫁喇，因為太隔涉喇，要轉車！

而沙田o個度又係唔近港鐵，搭車好麻煩！

我自己就鐘意藍田鯉安苑多o的，隔離係地鐵站，高層仲可以望到海景，不過就比o係黃大仙去其他地方遠少少！而豬豬就想樂富，因為佢覺得同黃大仙一様，會方便o的！

今晚都要同豬豬再詳細傾o下先得！

仲要問過媽媽呢！因為打算用綠表申請，所以都要問過媽媽意見先得！

若果真係抽的話，就要7-8月裝修，我怕到時我又要搞結婚o的o野，唔得閒顧間屋呢！

不過可以等過o左結婚先搞o既！最多咪剩供囉！

Gathering

今日o既gathering唔係我班fd，係豬豬班fd！

其實都幾唔想去，因為我唔鐘意佢呢班朋友！

點解？！可能我呷醋掛！豬豬同我講過呢班其中一個女仔，同佢讀書時發生過曖昧關係，但最終都無開始！

雖然宜家個女仔09年頭都同佢男朋友結婚，但我就係唔鐘意！

我諗無一個女仔可以好大方，明知你o地之前有o的o野都仲可以若無其事嫁！

我唔係唔信豬豬，可能我真係一個醋罈掛！

出門口之前發o左豬豬脾氣，我知唔o岩，但係我控制唔到情緒！

不過，o係佢o地面前我梗係扮到無o野啦！

今日第一站先去大埔富享同豬豬班朋友飲茶，，飲完茶我就等阿妹放工，之後同佢去大埔中心行街！

我無上到佢個fd屋企呀，豬豬又打牌，我又唔打機o既，咁咪即係悶死我！

所以我選擇o左同阿妹去行街街！

今日我送o左件外套俾阿妹，阿妹好鐘意，不過覺得好貴，唔捨得買！

咁我又見加o左人工，咪當買份禮物送俾佢囉！

之後就坐低傾計，佢都好肯同我傾計，有心事都會同我傾訴！

不過我覺得我表哥好過份囉，30歲人夠瞻死問過未夠20歲o既妹拎錢，搞到阿妹宜家辛辛苦苦返工儲返黎o既錢無晒！

我得一個表妹，仲要由細到大o係我屋企住，睇住佢成長，我當佢係自己個妹咁嫁喇！

有人蝦我表妹，我唔肯過佢呀！我會同我三姨傾o下，睇o下有咩辨法可以解決到！

夜晚我就join番豬豬去稻香打邊爐！

都唔明o的人點諗，自己夠就唔俾人點o野，跟住同枱o的男仔又唔出聲喎！當時以我一個咁細食o既人都認為未飽，咁o的男仔又點會覺得飽呀！

好彩豬豬自發話叫，無理到出聲個女仔！

最後點完黎到，咪又係個個o係度爭住食！

都唔明佢o地o既，明知自己未飽就出聲啦！次次都係要等豬豬開聲先！

所以，我都幾唔like佢o地呢班o既女仔，個個又要聲大大，但o的意見都唔顧及人o地o既，剩係理自己！

我o地打完邊爐無同佢o地一齊去食糖水呀！因為都成9點幾10點，再食埋返到屋企咪要成12點！都係咪搞，第日仲要返工嫁！

 

團年飯

完成今日o既行程，我o地最後一站係荔景食團年飯！

我o地差唔多7點半去到荔景，先上阿女麻屋企hea陣先落酒樓！

去到大表姐同大珠女都到o左，就同o左大珠女玩！

一去到，大珠女就問"我件衫靚唔靚呀！"

哈，真係俾佢笑死，因為係佢自己揀嫁喎！

等到8點幾，植伯一家到o左酒樓，咁我o地就落酒樓join佢o地喇！

今日其實唔係幾齊人，好多孫都無黎，只係得o的伯父同姑媽！

不過，姑媽都有帶埋細珠女黎食飯！

細珠女你一同佢講o野，佢就會好開心咁o係度笑嫁喇！佢好鐘意人o地同佢講o野！

你真係睇唔出細珠女只係得3個月大，因為佢好大份，好似人o地6個月咁！

今日Micky伯娘問我o地幾時結婚，咁豬豬就當眾宣佈o左我o地11月23日結婚喇！

可惜今日未來老爺要返夜，所以無去到！

今晚仲約好年初一2點上去阿女麻度拜年，因為要發新年財！

唉................拎埋今年利是，出年就要開始派喇！

不過，好彩我同佢家族都唔係要派太多o姐！我就差唔多係家族o的孫第四細，但豬豬就係o係孫最大，不過佢o的表妹表弟唔係太多o姐！

睇男禮

今日我同豬豬訓到成12點先起身，因為尋晚我o地兩個都分別去打牌，所以都係決定訓晏o的先開始今日o既行程！

我o地首先去o左油麻地快遞公司拎補返o個50個小禮物！之後去o左食西湖春天！

唉............o個度o的人services好有問題，唔使旨意我會再去食第二次！

之後就開始今日o既行程喇！

第一站：尖沙咀Mode

我o地上到去時有兩pair人試緊衫，我o地都係去睇o下o的款先！

其實已經一早知大約個價錢，係o係我o地budget之內！

但............豬豬覺得太普通，唔係太鐘意！佢話突出唔到佢性格喎！

佢好辛苦先揀到1件黑男禮自己認為鐘意，咁所以都無試上身就閃o左喇！

第二站：尖沙咀百利

行完Mode，去埋百利睇姐妹裙！

我本人想要o既粉紫色唔係度度有，就算有o的款都唔係太得！價錢每條over o左$200-400，豬豬就話咁我o地俾最多350，之後有多咪問o下o的姐妹肯唔肯自己出囉！但呢o的都要問過8個姐妹先嫁o麻！

所以，行o左一陣就走lu！

第三站：金都

o係度，豬豬睇中o左一件好鐘意o既男禮，但著上身我覺得個cutting唔係太靚！

但豬豬話鐘意，咁o個日都係佢著，最緊要佢自己鐘意，不過都著得佢幾型仔嫁！

至於白男禮，宜家唔知揀有閃定無閃好，因為如果有閃，會好似唔係幾襯我件婚紗，變o左佢搶o左我鏡咁！

仲有順便睇埋姐妹裙！宜家可能會由我想o既粉紫色，變為一set粉橙色，因為睇過o的相，一set粉紫色影相出黎好似唔係太好睇，都係粉橙或粉金色好o的！

有兩間o的款同價錢都ok，但我比較鐘意第二間，o的款比第一間多少少！但價錢就比第一間貴少少！

遲o的要帶埋伴娘一齊去look一look先決定！

不過，呢兩樣都會o係新年前搞掂，因為間間都話新年後一定會加價！為o左o個幾百蚊，點都要o係新年前決定！

慳得就慳o麻！

總結今日o既行程，豬豬係鐘意o的比較特別o的o既禮服，簡簡單單佢唔係咁鐘意！所以，我諗都係金都o的o岩佢多o的！

不過我覺得佢鐘意o個件黑男禮比較特別，係暗花加閃花邊，我覺得佢著上身唔係太誇張，幾襯佢！

下個week再去埋金鐘E-rave，之後就決定會o係邊度租男禮喇！

新境像？！

一年一度星四或以上終於都出花紅喇！

Pippo出o左花紅，仲話請我、Silvi同Phoebe食飯！我o地梗係有大食大啦，梗係食夜晚飯啦！地點就再諗，要去o左貴夾唔飽o既！哈哈！

尋日做做o下o野，同Pippo o左一陣間計！

佢仲講o左個秘密我知！

就係Group Procurement會有一番新境像，佢同Peggy會調去第度！

我話唔好留底我，我跟住你走嫁！佢話我已經幫你擺好路，你會好好，叫我放心！

而我調返過去non-food時，Peggy唔會係non-food阿頭，佢話會係一個好適合，同好好o既人做non-food阿頭！

e.........佢搞到我好想快o的知添！成日都講o的唔講o的！

um...........究竟會係邊個呢？..........

聚舊+打牌

今晚豬豬又去竹戰四方城，咁我就可以有時間約o下o的fd出黎聚o下舊！

今次主角係一個我識o左17年o既朋友，佢考完第二次會考就過o左去上海讀書，上年先o岩o岩讀完返黎！

不過，呢個fd都衰嫁喇，返黎成年都唔搵人，唔係我主動call佢都唔知可以幾時可以一齊食飯！

今晚仲有我好姐妹飛飛添！

我o地本來諗住去打邊爐，但實在太多人喇，所以轉場去o左"盛八"度食！

o的o野食麻麻，可能係地區問題，我諗尖沙咀會好少少！

食完之後就去飛飛屋企打四圈，我輸最多呢！好彩今日最大打8番咋，唔係輸到訓街呀！今日真係超黑仔，不宜打牌！

打到2點，豬豬仲有一圈先打完可以黎接我，咁飛飛同佢男友好好咁話送我返屋企！我無同Ruby一齊走呀，我始終覺得危險！

雖然我o地住得都算近，但要人o地夜麻麻送好似唔係幾好意思咁！不過，為o左安全計，佢o地都係送到我返屋企留下！

返到屋企豬豬都o岩o岩打完走，3點半就返到黎lu！

先講返我呢個識o左17年o既fd，其實有時唔係唔想信佢，但佢真係吹得過份o左囉！

又話自己有N咁條仔，但..............好難令人信！

又話份工收病人佣，仲要係4成喎，咁老細賺o的咩呢？

仲有好多好多，飛飛仲話睇o下佢幾時自己將自己個波吹到爆！佢前言不對後語，真係好難令人信嫁喎！

雖然識o左佢咁耐，但我叫飛飛唔好爆響口我結婚，我唔想佢呢個咁尖酸，講o野有骨o既朋友批評我搞結婚o既過程！

唔係唔想同佢講，而係唔想自己有說話聽！

不過，到時我會請佢飲o既，但佢黎唔黎就唔知喇，因為佢係一個飛機皇，約10次，有7次都甩底o既！

貝京歡迎妮

尋晚豬豬去o左個客o既cocktail！

佢好早就返到黎lu，因為我等佢買o野俾我食o麻！佢唔早o的返唔通想餓死老婆溫臭屋咩！

豬豬一入門口，就話買o左麥記開心樂園餐！

o下？我無話過想食喎，我只係想食新出o個兩隻包咋喎！

原來................

係豬豬去完 cocktail，個客每人派份紀念品！

就係...............2008北京奧運福娃一套喇！

即係之前o係報紙賣過o個o的呢！貝貝、京京、歡歡、迎迎、妮妮！

哈，原來開心樂園餐份禮物就係福娃一套！

真係俾佢激死！不過都好開心嫁喇！

成長片段歌

今朝同豬豬搭搭o下車返工，傾開成長片段歌！

原來大家都想用呢首歌喎！真係o岩！

估唔到我o地真係心有靈犀！

又搞掂一樣喇！

我自己就好鐘意呢首歌，除o左melody外，o的歌詞仲好o岩結婚用！

仲要係合唱歌黎添！正正符合晒我o地o既要求！

註冊致謝詞

尋晚睇到一個blog友o既blog，令我諗到我註冊時o既致謝詞可以點寫！

就係"給7年前的你"、"給現在的你"同"給10年後的你"！

註冊時會講前兩樣，到晚宴就會講最後一樣！

我今日寫時自己都有o的眼濕濕，因為諗番起當初我o地相識至開始，中間發生o左太多事！

寫完亦令我知道我未來老公原來真係好錫我、好愛我同好寵我！

唔知，到時豬豬聽到後會有咩感想呢？會唔會感動到喊呢？

但我到時讀唔讀到都成問題，我怕我自己都忍唔住喊呀！

 

計劃星期六之行程

今朝同豬豬搭車返工o個陣，由於我o地兩個呢個星期六都唔使返工，所以決定出去睇男禮同姐妹裙！

Plan o左先去尖沙咀睇男禮同百利睇姐妹裙！若可以就去埋阿奀講o個間租London Taxi公司度睇！

之後過金都再睇男禮同去Ice度睇o下o的姐妹裙幾多錢同o的款得唔得，順便可以睇埋媽咪衫！因為識o既，所以點都會計平o的掛！

若睇唔o岩就過聯合睇姐妹裙！

行程都好似幾豐富咁喎！不過，若尖沙咀o個間係睇得o岩o既，都會留返expo先join！唔會當日做決定！

希望到星期六男禮同姐妹裙會有o的眉目啦！

珠海現代經典 vs 以馬內利婚紗相大比併(一)

影o左兩輯婚紗相，雖然第二輯要過多4個月先拎到相，但先黎個小結大比併先：

Package價錢 (未bargain之前)

珠海現代經典(RMB5,880，約HK$6,100)

1.      80張相入相簿

2.      1張油畫、1張水晶美工相

3.      18”+12”相簿連美術設計及UV各1本 + 15”無縫相簿連美術設計及UV

4.      8”x10”相連檯架1個

5.      提名布

6.      男/女各5套衫

以馬內利 (HK$12,800)

1.      63張入相簿

2.      1張油畫

3.      16”雜誌無縫相簿 + 15” 美術設計無縫連UV相簿 + 12”無縫連UV相簿

4.      女5套衫、男3套衫

珠海現代經典勝！(1 vs 0)

服務

珠海現代經典

我o地07年6月join，join完後個sales仲打黎同我o地傾計，又提我o地佢o地幾時會擺展。

揀衫我o地無預約都一樣可以試，我未confirm衫前總共試o左兩次！

以馬內利

07年3月join，之後無打過電話黎做follow up！

我o地第一次無book時間試衫，唔可以俾我o地試！最後要過多2個星期先可以去揀衫！揀衫只可以揀一次！

珠海現代經典勝！(2 vs 0)

婚紗晚裝禮服

珠海現代經典

佢o地o的衫有分grade，o的衫比較新都款比較好o的要加$1,000 join VIP區！其他唔使加錢upgrade o既衫有好多選擇，我諗起碼有成300-400件衫係唔使upgrade揀！

o的衫款都ok靚！衫算乾淨！

以馬內利

o的衫全部無分grade，但for影外景o既衫係全店衫o既4份1倒！所以選擇唔多！

影外景o既衫款比較舊，唔係好吸引，但都算乾淨！

打和！(2 vs 1) 因為以馬內利o的衫無分grade！

化妝攝影

珠海現代經典 (全程1對1)

2日化妝都係同一個人，但攝影師兩日唔同，因為地點問題，珠海攝影師一個月只係可以過澳門兩次！

化妝師本身好專業，化得好快手，亦都好靚！但唯一美中不足係set頭麻麻！

攝影師兩個都好專業，肯訓身o係地幫你影相！其中一個比較執著，但就係因為咁，令到o的相出黎效果好好！

以馬內利  (全程1對1)

2日化妝同攝影師都係同一個人！

化妝師唔係好專業，個妝普通，但要讚係個頭set得我好滿意！

攝影師都唔係太專業，不過都肯訓身同你影！可能主張自然，令到o的相出黎效果無咁靚，加上有o的角度攞得唔太好！

珠海現代經典勝！(3 vs 1)

其他待續...............

第一日坐新位

今日係我o係新位o既第一個工作天！

感覺好悶，o的人都唔識講笑o既！仲有呀，o的人講o野有骨嫁！

今日只係不停咁埋首做o野，都無咩點講o野！

好掛住Ringo 坐o係我隔離，因為有時可以寸o下佢，同佢講o下笑咁，o的時間易過好多！

今日我都成日行返過non-food o個邊，同o的人吹o下水，真係好開心嫁！

今晚Pippo捉o左我o地system team去開會！

佢同Iris Shum以退為進，叫Patsy做呢team o既leader，因為我將會轉組，所以我只係參予聽o下，俾o下意見咋！

開完會，得返我、Pippo同Iris Shum，阿Pippo就話，呢度係自己人，有咩都可以講！真係笑死我！

跟住就係Iris Shum一輪咀咁話邊有咁多o野做丫Patsy，佢有幾多o野做我知丫，如果真係做唔晒，就唔可以日日6點準時收工啦！

咁又講得o岩喎！若真係好似Patsy講咁多o野做，就唔可以日日準時收工啦！

呢招好高呀，以退為進，特登俾個leader位佢做，睇o下佢工作attitude有無改到！真係好厲害！

今晚Iris Tang返黎探我o地，我o地先黎一個擁抱先，跟住帶佢參觀我個新位，之後我仲同佢一齊走添！

佢話今日係佢結婚紀念日！

o下！係喎，係121喎！上年今日我做佢姐妹嫁，亦都係因為咁，就開始o左我籌備結婚o既o野！

唔經唔覺一年lu，話長唔長，話短唔短！

唔知，到我結婚一週年個感覺會係點o既呢？！

揀相日

影o左成三個幾禮拜，揀相日期改o左一次，今日終於可以去揀相！

原本約o左2點，我o地1點半就上到去，一個客都未有！

佢o地仲話做咩我o地咁早上到去喎！梗係啦，知道揀相要用好耐時間！當然要早o的上去啦！

上到去佢仲執緊我o地o的相，好似唔知加咩特別效果喎！

原來我o地total影o左成7百幾8百張相，經佢揀過之後，仲剩578張相要睇！

我o地影完都知多嫁喇，同我o地預期個數係一樣！

一開始就先睇578張一次，跟住先開始揀相！

第一輪揀o左162張！你可想而知輯相影得幾咩丫，我o地可以o係無唔捨得下o係578張揀剩162張！

跟住就第二輪，剩返117張！我o地都係覺得多，因為本身個package係包88張相！

再黎第三輪，剩返100張！本來豬豬想第四輪，不過因為原來個package係63張入相簿，25張只係cd file，而3本相簿加埋可以擺到70張相，咁即係最少都要加7張相先3本相簿o的相唔重覆！

咁宜家即係揀多o左12張入落15"相簿，盛為$1800！

本來都唔多想加嫁喇，佢1張相入15"相簿要成$150喎，我o係珠海o個輯加o個50張入埋相簿，仲送埋9"相簿，都唔使$1700呀！

不過為免o的相重覆，先致揀呢12張咋！要第四輪我都得嫁！

跟住就揀大相做油畫喇！o個條友仔都唔知係咪路o既，我只係問佢可唔可以張呢張相o既background做到好似另一幅咁，佢玩o左成半個鐘，最後我都係揀返原來咁樣！

再跟住就係揀美工相架，佢一開始話無張單寫個尺吋，死都話無！

我o地當然唔會就範啦，既然你張單寫得，咁就要俾我o地嫁啦，無理由剩係俾o個18"x24"o既美工架嫁！

最後玩o左半個鐘，咪又係俾我！我都讓步剩係要22"x36"咋！

揀提名布都一肚氣，又話只係得一隻size，無show過18"x48"喎！我話我o係expo見過有嫁喎！到最後咪又係拎到張18"x45"提名布出黎俾我睇！

對住呢間o野，真係唔同佢嘈都唔得o既！

終於都開始講價錢啦！一黎話改個油畫框同做UV面要成$1800喎，我當然唔會加啦！

跟住我就開始分o的相入4本相簿，當中有一本5"x7"係重覆o既！

其實我都唔多願揀，sign我時間，上次珠海現代經典我都無揀過，我話我信得過你，佢o地又唔肯喎！

咁我o地又用o左半個鐘張o的相決定擺入邊本相簿度！

入完晒之後阿蓮娜姐又再講返幅油畫，又話用個幼框好少家，又話唔加UV幅畫唔襟擺！

之後又話平俾我，都要$1200，我當然都仲係不為所動啦！我上去廣州買個框都唔使$200，加UV我自己都可以做到！

跟住佢就話再平俾我，係一半價錢，$947，我都仲係覺得好貴喎！咁其實呢個價錢都ok o既，因為仲有人工費o麻！

我話你不如quote埋16"同5"x7"相簿加埋UV個價，我先決定要唔要喇！

佢一開始計個相簿加UV價係$5440，仲話28折俾我，都要收我$1520！

咁豬豬就即刻計咁即係加12張相入相簿，改油晝框同加UV，兩本相簿加UV要成$4200啦！

我o地當然唔會咁易俾啦！當初話只係加相簿UV嫁o麻！

死叫阿蓮娜姐減$200，齊頭$4000都唔肯！

咁我咪話只係加改油畫框同加UV囉，佢又話要蝕錢呀！咁我話我好老實咁講，若我當初一張相都無加，我幫你加晒兩樣o野都唔係問題！

之後阿蓮娜姐就發老脾喇，話咁樣不如咩都唔加！

佢無發第二次老脾咋，唔係我真係連o個12張我都可以唔加嫁！

跟住同佢玩o左好耐，因為我知佢o地o係係o的客加相度賺錢，咁我當然無咁順攤俾佢啦！

最後佢咪又係減o個$200俾我，齊頭$4000！

你要玩我咪同你玩囉，宜家係你要賺我錢，我覺得我條氣唔順我就唔會俾！

咁$4000都acceptable o既！但要我俾多$200我打死都唔制，呢o的係原則問題，唔係因為我俾唔俾得起o既問題！

最後埋單加多$4000，即係成輯相用o左$16800，有以下東西：

1. 75個file連入相簿+25張file不入相簿，total 100個file！

2. 26"x32" 油畫加UV連粗油畫框

3. 22"x36" 美工水晶架

4. 16" 雜誌相簿連UV

5. 15"美工設計無縫相簿連UV

6. 12"無縫相簿連UV

7. 5"x7"良家相簿連UV

8. 18"x45"提名布

只係8樣o野咋，錢用多過珠海現代經典$6800，但拎o既o野就少o左好多囉！

總括今輯婚紗相，無驚喜，完全同我o地o既想像之中一樣，輯相無第一輯咁靚！

不過，o係香港黎講，只係加4k落樓已經好好！

一早都知o係香港影會係咁嫁喇，無諗過佢會咁狠囉！

好彩我同豬豬都唔弱o姐！梗係啦，一個做sales，一個做buyer，當然唔可以俾人話咩就咩嫁啦！

價係要講o既！

呢輯收相日期暫定係5月21號，要成4個月呀！

不過我又唔心急喎，因為第一輯已經夠我睇喇！呢輯係配菜黎o姐！

不過，呢輯我o地都用o左成8個鐘先搞掂！其中有起碼個半鐘係同佢講價﹗

Anyway，見到阿蓮娜姐o個個咁激氣o既樣，就覺得今日我o地係大贏家！哈哈！

做苦力

今日終於都輪到我搬位喇！

今朝9點半返到去，就先開始幫兩條妹妹搞掂個位先！

又要搬機，又要幫佢o地執檯！

執完佢兩個，等佢兩個settle down晒，我先同Pippo開始執個柜，因為要交返俾乾貨組！

嘩，o的file多到丫，我同Pippo仲掉o左o的十幾年前o既o野，唔係實搬死！

執完個柜都成12點幾，我先再我自己一早pack o左箱o既物品移師過去新位！

搬完自己o的o野過去，仲要執返o的舊file上架！

得我同Pippo兩個執咋！其他food o的人都無幫過手！

搞到1點半，我先開始擺返我自己個陣，星期一返去做o野！

今日執到成2點半，即係話我執o左成5個鐘o野，連toilet都唔得閒去！

好唔捨得，好唔開心，未正式坐呢邊，都已經feel到food呢邊o的人係自己顧自己，我好想快o的返過去non food呀！

等多兩個月，我就可以回歸non food o既大家庭！(若然真係請到人而o個個人又做得長o既話！)

大家要等我呀！我有時間會返過黎探o下你o地嫁！

倒數310日

今日係倒數310日！

好多之前未落實o既o野，依然未落實，因為要等2月個expo先去book！宜家可以做o既就係去walk in睇o下先！

尋晚阿奀話我知佢見到尖沙咀有間有london taxi 租，佢仲拎o左張leaflet添，話遲o的俾我睇！等我搵日放工同豬豬去睇o下先！

不過，我都confirm晒我姐妹團名單lu！雖然阿芹佢驚佢當時要考試，怕幫唔到我咩手，但佢都好樂意做我姐妹！

男禮就鎖定o左兩間，呢個月內就會同豬豬去睇o下！等expo時落訂！

因為近排公司太忙，無時間去design o下張invitation card點整好，俾唔到idea Brenda 幫我搞！

仲有就梗係收到第一份結婚禮物啦！

代替切結婚蛋糕用的物品

今日豬豬返大陸見客同埋下晝同深圳辦同事開sales meeting！

咁我就叫豬豬入錢俾個Vendor，買用黎代替進場後切結婚蛋糕用o既物品！

其實都幾貴嫁，不過我想特別o的o麻！話晒婚禮係一生人一次，我唔想咁普通！

之前o係香港搵o左好耐，都搵唔到！

上網都搵到o既，不過個價錢比宜家貴好幾百囉！

咁o岩做小禮物個vendor朋友係做呢o的，咁咪可以朋友價買囉！

雖然要快遞落黎，但計計埋埋都比網上買平成幾百蚊嫁！

因為我同小禮物個vendor講想過年前搞掂，咁佢就話今個月內快遞俾我！因為大陸過年前1-2個week就開始放假，到過o左年15先陸續開工，若唔宜家搞掂，就要3月先收到嫁喇！

其實最主要個原因係因為人仔升值，宜家買定好過到8-9月先買，同一樣個價錢，但因為升值，越遲買，咁變相就要俾多o的嫁喇！

好o野，由搞掂多一樣o野lu！

至於係咩，為保持神秘感，所以未可以公開住！

不過，我諗好多人都會估到囉！因為唔係得我一個會咁諗！

第一份結婚禮物

今次加人工，Pippo話當係我份結婚禮物！

我知佢幫我爭取o左好多，仲成日remind Maria我想轉team，因為Maria 係一個absent minded o既人，要成日提住佢先會記得！

今晚食飯佢話佢同公司bargain得好o岩，佢話呢份係一份好好o既結婚禮物！

籌備o左結婚咁耐，估唔到第一份結婚禮物，就係呢份咁大o既禮！

呢份禮物，大過一切實實在在可以見到o既禮物！

真係唔知點多謝Pippo好！

真係好開心，我唔識形容，只係知道呢度每位同事都好錫我！

亦都多謝Judy、Pippo、Minda(媽媽)、伍生同枝哥！因為除o左Pippo幫我爭取，佢o地每一位都幫我o係Maria 面前講o左好多好說話！佢o地幫我o既o野，雖然佢o地口無講，但我心照嫁！

呢份係一份好好o既結婚禮物！

落實o左喇！

今日下晝4點零5點倒，執執o下o野Pippo叫我入去Maria間房！

我以為咩事啦，原來係講加人工o既o野！

之前Pippo無呃我，我今次加幅係18%！

我真係無諗過真係會加咁多囉！真係好、好、好Surprise！

Maria 仲同我講，無論係Judy、Pippo定係Peggy，佢o地個個都讚我做o野好負責任，好盡力，仲話我幫o左Pippo好多添！

佢話你轉team，我o地係知o既，不過你轉team，最唔捨得係Pippo，因為我幫o左Pippo o係每日o既daily operation 度，幫o左好大忙！

Pippo話，無我幫佢睇住，佢諗佢會頂唔住喎！

聽到真係幾開心嫁，亦都證明我做o野係得o既！而Pippo都係一個非常之好o既阿頭！我o地成team人都叫佢做爸爸嫁！

Maria仲話若等到大圍先4月加人工，佢怕做唔到咩(即係未必可以加到18%)，所以我o地部份人就1月開始加！

真係估唔到，唔知豬豬知道後會有咩反應呢？

我諗...........佢會話佢要即刻轉工，因為留o係宜家間公司，就算加都唔會加到人工同我一樣！

都係等佢打完牌，聽日先同佢講好喇！

執o野

今個星期超tired，因為要o係公司執o野！

點解？！因為food同non-food合併o左，坐位亦都要重新執過！

因為未請到人，所以我仲未可以轉team，我唯有調過去food度坐住先！

不過，今日我o地non-food真係好齊心囉，成7點幾仲成department o的人o係公司，一齊執o野！

講真，我真係好唔想調過去food o個邊坐，因為o係呢邊o的同事對o左咁耐，有感情o麻！而且food o的人係自己顧自己，唔似呢邊咁，大家好似一家人咁！

加上佢o地成班都係勁玩得之人，每日都有好多搞笑o野，尤其係袋仔、"米""通"、同ming ming，仲有好錫我o既枝哥、媽媽、伍生佢o地！

雖然，我知過多2個月倒我就會調返黎，但呢2個月話長唔長，話短唔短嫁o麻！

好彩，仲有Pippo o姐！佢仲調我坐佢隔離！伍生仲叫佢好好睇住我，唔好我返過去時少條頭髮喎！

佢o地個個都好唔想我調過去，梗係啦，佢o地日日都要叫過 Mil Mil先得，由下星期開始佢o地唔可以成日開口埋口叫住我lu！

最唔想我調過去坐係伍生，因為伍生當我係契女咁！

今日執到6點零鐘，Joe 哥就落去買燒賣、煎饟三寶同腸粉俾我o地食，今次係佢萬歲嫁！

真係超開心，不過，由下星期開始，有food o既乾貨組進註，我o地購置部就多o左o的外人lu！佢o地應該唔可以咁放肆lu！

執到7點半，我就同袋仔、Pippo 去諾仕佛台食飯飲o野，之係Ming Ming做完Facial join埋我o地！

我o地傾o左好耐，好開心，好多搞笑o野！

我諗，我真係要多o的同佢o地出去玩o下傾o下！

佢o地問我點解之前兩次唱K都唔去，我話係因為唔想我bf自己一個o係屋企，佢今晚去o左打牌我先可以偷雞出去咋！不過，佢都知嫁！

今日真係好開心，雖然聽日long week要返去執o野，下個星期開始坐過去，但感受到o的同事真係好好玩囉！有太多笑料喇！

朋友籌備結婚之感想

近日來，有越黎越多朋友開始籌備結婚！

佢o地都問我意見！

我首先叫佢o地唔好急住落訂(酒席除外，因為地點俾人book o左就無！所以唔可以等！)！

點解我咁講，係因為有朋友一開始就出師不利！

佢去睇結婚o野之前，我同佢傾o左成3個鐘電話，俾o左好多advise佢！

佢話因為佢宜家一o的concept都無，想walk in去睇o下，等下個月婚紗展先book！

我就話，你可以去行，但要把持得住，唔好俾人tum兩句就join，唔係因為價錢，係因為未睇過其他，無比較，都唔知係咪自己最鐘意！

咁o岩o岩個星期佢去影婚紗相公司度walk in睇o下overseas影婚紗相，到最後就俾o左訂喇！

到join完返黎佢打俾我，同我傾話好後悔，因為over budget好多！

佢o地兩個都係一o的無咩自制o既人！加上佢男朋友係好錫佢，知佢鐘意就一定會俾錢，唔會諗抵唔抵！

咁我話唔join都join o左，若你唔想o既話，咁咪唔好再俾第二次deposit，或者睇o下可唔可以轉其他o野囉！

我個fd話呢個月黎，只係佢不斷咁搵o野，佢bf好似咩都唔上心，咩都唔想理咁！又咩都唔知，又唔去做功課！

我當初又何嘗唔係呢！

o岩o岩開始搞結婚，咪又係得我一個自己上網search資料！

因為兩個初初咩都唔識，唔係有其中一個人做功課，咁點得喎！

個個返工都忙，咁你忙時，bf都忙嫁o麻！咁我情願bf忙o的，努力o的，咁可以搵得多錢o的養我o麻！

我開始都無咩頭緒，咪用o左成兩個week上網search資料！收集完資料，咪再收集其他人o既comments囉！

最後就sort out 2-3個choose俾豬豬揀，所以我o地每個task都可以好快做到決定！點解要俾豬豬揀？！因為結婚始終都係兩個人o既事，唔可以我話咩就咩嫁o麻！咁都要個新郎哥agreed先得嫁o麻！

其實行第一個婚紗展，我同豬豬都無join任何o野，因為去到實花多眼亂，仲有o的sales不斷tum你落單！

行完第一個，扲晒資料同價錢，仲有上網睇人o地對間公司o既comments，到第二次先去join！咁樣起碼知道自己可以同人bargain到o的咩！

我呢個fd就衰在太心急，我都叫睇o岩婚紗展先去join，無謂急於o個一個月，況且又唔係過兩個月就結婚！

希望佢吸收呢次經驗，下次join之前會睇清楚o的，唔會再一次後悔啦！

小禮物更進

早前因為有50個有質量問題，所以向供應商投訴！

供應商話補返俾我！

今晚收到msn，佢話50個已造好，但整錯顪色喎！

真係唔可以接受囉！咁唔一致，點送俾客呀！

所以，唯有叫佢重造啦！

我知佢今次單生意無咩錢賺，仲可能要蝕錢添！

不過，呢個供應商都真係好好，起碼會主動補返俾我！

我應承過佢，我bd之後就會講我份禮物係咩，refer佢俾大家！

希望佢蝕呢單，以後會有更多姐妹會搵佢做小禮物啦！

第一輯婚紗相comments

經過連月黎俾婚紗相o的姐妹同豬豬親戚睇，得出有以下結論：

1. 好似名星，但個個人都係話唔同名星嫁喎！

2. 你o地好有夫妻相，好似樣！

3. 你未來老公肥o左喎！

4. 你件婚紗好靚，好襯你！

5. 你o地o係沙灘o個o的相好浪漫！

6. 好抵呀你o地影得！

7. 唔似你個樣o既，靚o左好多！

8. 係咪都係o個個黎嫁，你男友都唔似o既！

聽到真係幾開心嫁，起碼有人讚輯相o麻！不枉我o地山長水遠去影！

黎緊仲有第二輯，唔知幾時先可以俾o的fd睇呢？

呢輯應該會比第一輯活潑o的，開心o的！因為呢輯係以自然為主！

親戚結婚

舊年我媽媽幫我o係新年拜年時宣佈o左我08年9月結婚(o個日想9月27日，因為係6週年紀念，但後來揀日後發現o個日係破日，所以就決定11月23日喇！)，跟住舊年9月就到我大表哥話今年3或4月結婚！

咁都無咩問題丫，大表哥結婚我都好開心，因為佢終於都搵到個人可以睇實佢！

跟住舊年12月，我三表哥又話要o係今年4月擺酒喎！

O下？有無搞錯呀，明知4姨娶新抱，好心姨媽就唔好要一齊做奶奶啦！咁大家都唔去得對方度嫁o麻！咁大家兩姐妹黎嫁o麻！

我當時知道之後，我覺得好嬲囉！可能係我有偏見掛！

事緣係由細到大，我姨媽就睇我同媽媽唔起，又話我無老豆錫喎！咁老豆過身都無人想嫁o麻，又話媽媽呢樣o個樣！所以我由細到大都好憎我姨媽！

我好記得媽媽同我講過，我以前考幼稚園o個時，佢話若果聖母派紙，佢識人o係聖母幼稚園度做，幫你拎啦！

但係佢指住我個頭話”睇你咁蠢，一定考唔到聖母啦！”

我媽媽o個時好嬲！到派紙都無叫過姨媽幫手拎，自己一手一腳搞掂，而我姨媽都無通知過我媽媽幼稚園派紙！

媽媽到我真係考到就通知姨媽，o個時媽媽話激到姨媽死喎！

媽媽話好彩由細到大我都好生性，讀書又讀到，宜家又搵到份大公司工做，職位同人工都唔錯！佢話我幫佢威俾姨媽睇！

所以，我好憎我姨媽，我仲話若果佢第時娶新抱，唔好搵我幫手買餅咭呀，我一定唔幫！你話我衰都係咁話啦！橫掂人o地都話員工都係得73折咋，我o係出面買都係75折啦，咩員工都係咁cheap嫁咋！

咁你咁叻，咁咪到時你要先買囉！睇o下去邊度俾個75折你囉！你識得人多丫o麻！

點解我今日會打篇咁o既日記，係因為尋晚有人打俾媽媽問我關於婚紗相、造婚紗、擺酒o的資料！

媽媽又係o既，一句話唔知咪算囉，使咩話俾佢知我o係邊度影相o姐！你話若果係四姨問咁又唔同講法喎！四姨由細到大都好錫我，當我係半個女咁o既！

又話4月1號先o係澳州返香港，4月20日擺酒，要一影完第二日就要揀相，仲問有無公司係1個禮拜可以收貨！

哈！如果你咁叻搵到o既，咁你自己去搵喇！我真係幫你唔到喎！

咁叻咪o係澳州影埋返黎囉！

佢仲問媽媽我擺酒諗住點搞，好彩媽媽識做，佢答咩都唔知喎，全部佢o地自己搞掂晒，唔使佢擔心！

我叫媽媽千祈千祈唔可以講半句關於我o地婚禮o既事俾姨媽知，因為我知若姨媽知道我點搞，佢會跟住我照做囉！

我唔想我個idea俾人抄o左當自己o既囉！

你話我自私都係咁話啦！

愛心蕃薯

今日好開心呀！

因為豬豬下晝過尖沙咀見客，佢仲o係碼頭買o左蕃薯俾我食添！

o的人見到我食，就問我做咩會有蕃薯食！

我話係我男朋友買俾我嫁！

佢o地仲話送外賣送到黎呢度，你男朋友對你都好好喎！

咁呢個我唔否認喎！佢真係咩都以我為先嫁！

哈！聽到真係好開心嫁！

我有個好錫我o既男朋友，未來老公！

靚靚姐妹團名單出爐喇！

靚靚姐妹團名單出爐喇！1月1日send e-mail，由於Chloe妹之前俾錯e-mail我，所以到

宜家先可以正式出！

姐妹團有8位，佢o地係：(排名不分先後)

1.      Brenda   -- 伴娘兼阿四

Brenda 係我o係IVE識o既同學仔，大大話話都識o左成8年喇！我唔使講o野，佢都知道我想要咩！加上同佢經歷o左太多o野，呢8年裡面睇住佢成長，好開心可以識到一個知己！佢仲係我同我未來老公間接o既媒人添！

2.      魚魚   -- 統籌兼司儀

阿魚都係我IVE o既同學仔，魚魚唱歌好得嫁，加上魚魚心思比較細密，同埋口才了得，呢個任務佢當之無愧！

3.      Chloe妹   -- 康樂遊戲組+迎賓組

Chloe妹係我o係宜家公司識o既同事，唔好睇佢細個呀，佢好玩得，仲有好多鬼主意添！我同佢情同姐妹，佢會同我傾心事！不過佢宜家去o左另一間公司lu，不過，佢依然都係我o既好妹妹！

4.      飛飛    -- 康樂遊戲組

飛飛呢個唔使講啦，由F.5識佢到宜家，好難得中學時代識o既同學到宜家都仲keep住聯絡，仲係1個月最少都見一次o既添！佢份人比較大頭蝦，但勝在佢主意多多，個人又識搞氣氛，有佢o係度真係多好多歡樂嫁！

5.      阿茵    -- 換衫組

阿奀係因為飛飛而識o既，識o左都有8-9年lu！我o地成日約埋開枱嫁！阿奀識得扮靚，又無飛飛咁大頭蝦，由佢幫我換衫係最好o既人選！阿奀仲打算09年頭結婚添，到時我可能要做返佢姐妹添！

6.      阿芹    -- 收銀組

阿芹係我同我未來老公識o既朋友，阿芹係一個好細心o既人，有佢幫我做收銀，我梗放心啦！阿芹亦都係見證住我同我未來老公由拍拖到結婚o既朋友！

7.      Maria   -- 收銀組

飛鳳係我由F.1到宜家o既朋友，我每年生日佢都會記得，仲記得send sms俾我！我真係好慶幸我o係一生人之中，可以識到個咁有心o既朋友仔！飛鳳佢無咩機心，思想好單純，可能係因為佢係天主教徒掛！佢負責收銀，我覺得好放心！

8.      阿妹    -- 行行企企組+迎賓組

呢個係我表妹，佢一出世就o係我屋企住，佢當o左我係佢親家姐咁！但阿妹仲細，同埋佢份人比較怕醜，所以都諗唔到有咩 可以俾佢做，我暫時諗到o既係做迎賓！

以上o既工作只係初步構思，要同班好姐妹開會先再final各人o既任務！

我呢世人裡面，識到呢8位金蘭姐妹，真係我今世o既榮幸！

我會好好珍惜我o地之間o既友誼！

我好相信，我bd o個日有你o地，會令到個婚宴更加完美！

笑鬼死

話說尋晚我將第一輯婚紗相做o左手機wallpaper，我返工就俾o左Ringo睇！

Ringo 話我似楊怡喎！有一張仲係楊怡同舒淇o既混合添！

哈，真係笑到我丫！

先有豬豬大表姐o既陳瑋、跟住係Lyna o既林憶蓮，再有阿奀o既葉璇，宜家仲有埋楊怡同舒淇！

哈哈！聽到都唔知俾咩反應好！真係覺得好搞笑！

不過最搞笑o既係臨收工前俾Ringo睇web o的相，Pippo行o左埋黎，我收唔切，俾佢見到添！

佢就問我幾時呀！我好隨口咁答佢"無呀，我貪得意玩o下影o下之o麻，未有耐啦！"

跟住佢就答我"o下！呢o的o野無得玩o下嫁喎！要好認真嫁喎！"

o個刻我真係俾佢笑死，我無諗過佢會俾個咁o既反應我囉！哈！

佢仲話俾我快過佢添！不過佢同Ringo都讚我唔似我平日返工個樣，靚o左好多呢！

Ringo今日仲話我，你真係好有Planning，識得將籌備o既時間拉到咁長，咁樣每隔一排就會開心一下，咁樣成年都可以好開心！

佢講得幾o岩嫁，我自從舊年2月開始籌備，成年都係咁開心o既！

今朝同豬豬講起幾時同班朋友宣佈喜訊，我就話我生日o個時，因為又唔算太早，但離bd 仲有成3個幾月喎！係一個好o既timing！

今日真係好、好、好開心呀！

唱K

今日同豬豬去o左唱K！

我o地好耐都無兩個人去唱 k 喇，豬豬話要開始練返歌喎！

豬豬以前唱歌好得嫁，仲拎過學校歌唱比賽冠軍添！

不過，宜家就.............

只可以想當年囉！哈！

因為近幾年豬豬條氣管有事，唔係咁夠氣唱歌！

不過宜家開始食緊靈芝孢子同冬蟲夏草，豬豬話食完條氣管真係鬆o左o的！希望食多一排會再好o的啦！

豬豬話如果到bd都仲練唔好，就唔會唱歌俾我聽喎！

我話當日我要點歌，就係阿牛o既"大肚腩"喇！

我好鐘意呢首歌！特別係最後一句歌詞添！

每次聽到豬豬唱我就覺得好開心嫁喇！

不過，豬豬話無得點歌喎，因為佢會為我準備一首我仲鐘意o既歌喎！

好消息

今日Pippo返到公司，就傾o左一陣！

佢話尋晚開會開o左好耐，傾你單o野都傾o左好耐！

咁我個case係麻煩o的嫁o麻！

跟住佢就話俾我知，我o地成team人會由1月開始加人工，唔使等到3月先知加幾多錢！

佢仲話o左俾我知我加薪o既幅度添！

真係有少少surprise，無諗過升幅會高過上年咁多囉！

我原本係諗住都係公價5%咋！

不過，都要等今個月尾出糧先可以確實個升幅%，因為Pippo話佢actual唔係好記得個數喎！

哈！聽到真係好開心嫁，因為有人認同我o既工作能力！

超開心的一天

今日著o左件早前o係廣州買o既粉紅色外套返工！

返到公司首先同Pippo傾公事時，佢講講o下，無端端同我講："你今日做咩著到咁靚呀！"

o下，我只不過同平時一樣，只係轉o左件外套o姐！

下晝食完飯Ming Ming 同阿Cliff就同我講："Mil Mil，你今日去登台呀！著到咁靚o既！"

跟住臨放工前伍生過黎傾計，無端端又講："Mil Mil，你今日成個感覺唔同晒，好靚女！"

哈，估唔到著件新衫o的同事會有咁大反應喎！聽到人讚自己梗係開心啦！

另一樣o野就係，事緣今日要打份report，我係負責先打個format，o的字就Carman修改！

Carman改完send出黎，Peggy就笑住咁行過黎！原來打錯字！

Carman打錯"沒有發現老婆出現"，其實應該係打"沒有發現老鼠出現"！

我真係笑到流眼水，唔怪得Peggy咁好笑咁走過黎啦！

真係笑死我！

放工o係地鐵出o左閘之後，收到Chloe 電話！

佢話約o左Pippo同阿Cliff 打邊爐，佢o地無話我知，所以佢打登打黎問我去唔去！

我今日分別同Pippo & 阿Cliff傾計，佢o地都無講過話同Chloe食飯！

咁我差唔多返到屋企咁梗係唔再出返尖沙咀啦！

我聽日一定屈Pippo同阿Cliff一餐飯呀，累我無得見我o既Chloe妹！

原來Chloe 之前俾錯e-mail我，唔怪之得佢唔覆e-mail啦！佢今晚會再send過俾我，我等埋佢覆就可以出我個姐妹團名單喇！

 

揀相日期有變數

本來約好今個星期六去揀第二輯婚紗相，但今晚收到蓮娜姐o既電話！

佢話佢o地部電腦有問題喎，趕唔切o係今個星期六整返好喎，要我改期！

當然有o的唔開心啦，不過佢最快有期係20號，即係等多1個星期！

o個日仲要係星期日，咁揀相要揀好耐嫁o麻，第日又要返工，不過算，星期日就星期日！

又要等多1個星期喇，因為都有少少期望，所以有o的緊張，因為係我o地最喜愛o既全外景婚紗相！

我問蓮娜姐咁幾耐可以收到相嫁，佢個答案我覺得好搞笑！

佢答我係"你o地係影廣東省，o的相簿會同要靚o的，所以都要3-4個月！"

哈，聽完之後真係爆笑！香港o的婚紗相公司一般都係3-4個月嫁啦，佢只不過係美化o左先講出黎！

 

倒數320日

今日係踏入08年第1個倒數日，我o地仲有320日就bd喇！

o係呢10日裡面，做o左兩様o野，其中一樣就係完成晒o的小禮物包裝！

好震撼，包完352份好重，都唔知到時點拎去酒樓好！

我o地包裝盒有6種色，分別係：紅色、金啡色、紫色、銀色、粉紅色同粉藍色！

每個顏色以12為單位，暫時只係決定o左紅色放主家席，粉紅色同粉藍色就放o係我同豬豬o既朋友同埋同事！

我o地仲諗o左以咩形式送份小禮物，係點？！到時咪知囉！

我諗到時o的人都會幾surprise用呢個方式送，不過就要同有關方面夾好的囉！

第二樣就係confirm埋第三輯婚紗相o既日期喇！

另外呢兩個月target要做o既，就係book花車、印帖公司同男禮！

打算2月中個婚紗展去book，但因為花車想要London Taxi，我諗唔係間間租車公司都有offer，我諗都要做一輪research先得！

印帖公司就已經決定用邊間嫁喇！不過仲未落訂！諗住黎緊個婚紗展去落訂！而帖o既款色都已經決定好！

男禮就已經有idea，不過要去睇過先決定用邊間！

我已經叫我伴娘幫我睇o下邊度有囍字打孔機，而上年10月亦都已經用我o地個logo 整o左個印，打算印落個封度！

而invitation card就伴娘開始幫我design緊！

佢都算有心嫁喇！幫我做晒research，仲quote埋價添！

其實我除o左以上，仲爭o的咩要俾錢而未有idea o既呢？！

姐妹衫 – 真係唔知道，去過百利睇，但大多都無我想要o個隻色！遲o的會約埋伴娘去金都同聯合睇！或者，到時可能叫佢o地一齊上深圳買掛！

花球 – 完全未睇過，一o的idea都無！但target想有兩個絲花花球囉！

會場佈置 – 已決定用Loretta，但未落訂，未開始傾點佈置！不過係朋友黎，佢點都會搞得好好睇睇o既！

結婚戒指 – 之前睇o左Regalo，但由於粒石太細，所以最後都係決定放棄！又要重新再睇過lu！

我仲有無漏呢？