唱K + 酒吧

原本約o左夜晩7點裝洗衣機！

但因為師傅有太多單，所以搞到成8點半先黎到！

搞掂晒都成9點lu！

即刻落去搭巴士出尖沙咀安達喇！

因為老公約o左班舊同學唱K呢！

架巴士超快，兩個半字已經出到尖東喇！

去到9點半，個buffet o岩o岩完！

但我o地又未食o野喎！

只係食o左o的之前佢o地拎落o既甜品！

唱到11點半就摧交房lu！

o係K房唔知大小B驚定係興奮呢！

起勢咁踢呢！

佢o地對o的聲音真係好敏感！

我o地入o左房2個鐘，居然佢o地係無計我o地人頭！

照計返佢o地原本8個人！

咁即係我同老公唔使錢喇！

今次係第一次帶大小B去唱K呢！

老公話要帶佢o地出去見o下世面呢！(其實係要話俾佢o的舊同學知有大小B存在呢！)

埋完單之後佢o地陪我o地去食o野！

但無理由叫佢o地睇住我o地食嫁o麻！

所以佢o地就過o左隔離酒吧飲住酒先！

我同老公食完o野再過去搵佢o地！

雖然我有去，但我無飲過呀！

我只係去o左7仔買o左2支CC Lemon飲咋！

佢o地6個人飲o左2 sets！

飲到1set多少少時，Samuel已經唔掂！

跟住仲訓o左大半個鐘！

其他人再繼續飲同叫小食！

食埋小食都成3點半lu！

飲晒o的酒就走喇！

點知臨走時Samuel突然嘔喎！

之後仲周圍叫人除件褸俾佢！

佢個樣好似好慘咁，好似好凍咁，又唔夠衫喎！

好彩阿Wing佢o地都係住荃灣可以送佢返屋企o姐！

我o地就同周伯伯同Yuki搭的士！

雖然第一次去酒吧無得飲酒，但都玩得好開心！

最重要係終於都有人陪老公飲喇！

有o左大小B以黎，無o左我陪老公飲酒，搞到老公都無癮自已一個人飲lu！

佢o地今日仲話4月初一齊去海洋公園喎！

如果係4月初就可以去，4月中打後都費事去lu！

返到屋企4點，即刻去沖涼上床大覺訓LU！