歷史第一金

行完工展會返到屋企，播緊香港對日本東亞運決賽！

身為香港人，當然想香港贏啦！

法定90分鐘1比1，要加打時！

我同老公都認為，因為體力大家都不相伯仲，所以都係守住唔好俾人入波就得！

其實加時有幾個位係好有機會，但可能O的球員體力真係透支喇！

終於黎到射十二碼！

上場香港都係射十二碼棄走北韓！

但今次射十二碼第一球就射失！

當時真係好擔心就係咁樣就無O左個冠軍！

成場我覺得表現得最好係個龍門！

佢反應好快，其實第一球日本個十二碼，佢係捉到嫁！

但可惜個波撞內柱流入網！

好彩有驚無險，香港連射入4球！

香港隊每個球員都表現得好好，尤其係個龍門啦！

香港足球隊係有史以黎，第一次拎大賽冠軍！

仲要今次係O係亞洲強隊日本手上拎冠軍！

有O左呢第一金，我相信香港足球一定會做得更好！

我O係屋企睇電視都叫到宜家聲到沙晒呢！

香港隊好波！