Pre-Honeymoon(七) – 驚險刺激

我o地去o左河生酒樓食lunch！

終於都食到真正炸乳鴿喇！

黎到中山，當然要試o下啦！

不過又真係幾好味，但嫌炸得唔夠脆囉！

之後就開始落大雨喇！

本來諗住去埋孫中山故居，但由於太大雨喇，所以最終呢個行程取消！

只係影o左個中山三鄉o既牌咋！

我o地本來想搭的士返碼頭！

但等極都無的士喎！

而咁o岩又有架48號公車，所以就搭呢架返碼頭喇！

哈，又慳o左成百蚊lu！

我o地4點零去到碼頭，而我o地訂o左5點半班船飛，所以就o係碼頭度等喇！

因為附近真係無o野行嫁！

我所指o既驚險刺激，宜家先黎呢！

今日架船勁搖呀！

成船人有半船人係嘔嫁！

豬豬話有種俾人圍”嘔”o既感覺喎，哈！

好彩我見個天落雨，又咁大風，所以食定暈浪丸o姐！

今程船好刺激呀，有個十幾米o既浪打埋黎，o個o下震撼感覺，真係好好玩！

中途o的浪又大，搞到好似坐海盜船咁，有離心力！

我咁大個女搭船都未遇過呢o的情況呢！

連個船長都開咪話好耐無試過見到十幾米o既浪喇！

船程本來只係1個半鐘，但由於船長唔敢加速，所以要2個鐘先可以安全返到香港呢！

返到香港，我以為今次開心pre-honeymoon之旅完結啦，點知豬豬仲有驚喜俾我喎！