新居進度 – Day 12 – 舖地磚

拎o左抽氣扇，就搵車搭去新屋喇！

點知除o左地鐵，係無車去o既！

去官塘o的van都係去唔知咩街，一o的都唔近官塘地鐵站！

所以我o地決定搵返黃大仙van，o係鑽石山落，再轉地鐵去藍田！

本來由荃灣搭地鐵過藍田要成9個幾字，我o地宜家只係用o左唔使半個鐘就去到lu！

去到水泥師傅開緊工！

我今日見到我o地o的磚舖好大部份喇！

廳同走廊，門口玄關位都已經舖好！

係仲爭o的邊要用英泥封口！

師傅仲問我o地地磚係咪復古磚黎，個色好好喎，又唔易滑倒！

玄關位地磚仲勁，真係好靚呀！

房就仲未舖，師傅話聽日會開始舖喎！

舖完後覺得間屋好光猛，咁證明無揀錯色！

好開心見到舖好部份o既地磚呀！

好彩今日要拎o野上去咋，唔係就要到下個星期六或日先可以見到咁正o既效果喇！