復活節之旅 – 計劃篇之酒店&船飛

尋晚豬豬返黎，俾o左個好消息我！

我尋朝上網睇君悅來個public holiday價係RMB450！

咁豬豬打去君悅來問21-23號，住兩晚，每晚幾多錢！

個服務員答佢係 – RMB280！

吓！RMB280！咁抵？！

因為事前我話o左俾豬豬知呢間大約幾錢，所以佢諗都唔諗就book o左喇！

過o左1分鐘倒，有人打電話俾佢喎！

係君悅來個服務員，佢話頭先報錯價，因為唔記得係復活節假，應該係RMB380先o岩！

咁豬豬當然唔放過佢啦，仲要一加加成100咁多！

最搞笑豬豬同我講返係 ”咁算喇，唔同你”咬”喇，就RMB300啦！”

不過呢句係豬豬講而唔係個服務員講喎！哈！

個服務員話要問o下上頭批唔批，過o左5分鐘倒就再打過黎喇！

個服務員話”今次係我o地錯，所以可以做到呢個價俾你！我o地周未價都要RMB350嫁！”

好o野，又抵o左！豬豬真係抵錫！

步步高豬豬最後講完價都要RMB318，仲要係2星級咋喎！

至於我想再去o既珠海賓館，要成RMB5XX呀！所以最後要放棄喇！

凱迪克之前住過兩次，都係免費，今次問個價原來要成RMB5XX嫁！又唔使諗！

咁當然係book 君悅來啦，一來最平，二來話晒都叫4星同之前住過o麻！

搞掂o左酒店，跟住就到船飛喇！

由於豬豬尋日返o左大陸，所以無問到佢班fd決定點！

不過，豬豬話唔好理佢o地，叫我今日食lunch或放工去買o左我o地o既船飛先！

原本諗住由澳門入，珠海返，每人都係HKD306！比起由珠海入，澳門夜船返，兩個人平成差唔多HKD100嫁！

不過，我今日食完lunch去中港城諗住買飛，點知新渡輪9點半只係得返豪華位，仲要係得返一係朝早7點或下晝2點半先有普通位賣！

唉………之前個如意算盤打唔響添！

咁我就即刻走去珠江客運啦，好彩都仲有飛，我買時係第28、29張！

各位如果真係要去珠海玩o既話，真係好早o的買飛喇！

估唔到今個復活節，咁多人會去澳門玩！我諗應該係俾o的旅行團包晒！

好彩豬豬話唔等佢班朋友咋，唔係下個星期可能連珠海9點半船都無呀！

回程豬豬話去到先買喎，因為宜家咁樣，未知o係珠海走定澳門走好！

酒店同船飛告一段落喇！