男禮Confirm o左喇

今日最終都無去剪乖乖Miao頭，起身都成點lu，所以o係屋屋食o野lunch就出街喇！

我o地今日終於都confirm o左租男禮喇！

o係"君悅禮服"！

上網都睇過o的comments，都唔差，起碼唔係黑店先！個sales都幾老實，感覺幾好咁！

豬豬租o左1黑1白，我本人認為件黑禮服好得，著得豬豬好型仔咁！豬豬都好鐘意呢件，普通得黎又唔係浮誇！

件白色就一般，普通得黎有o的款咁！用黎襯我件婚紗就絕配喇！哈！

我o地都有順便去睇埋o的姐妹裙！其實驚佢會過年後加價，但終於都未帶o的姐妹去睇，我唔敢落訂住！

萬一佢o地唔鐘意o的款咁點算呀！唔得！都係初六等佢o地再開市先帶伴娘放工去睇好喇！

好o野，又搞掂一樣！

我同豬豬o的衫都搞掂晒，宜家爭o的姐妹裙o姐！

離project target又邁進一大步喇！