雀局

今日約o左1點去飛飛屋企！

去到先去百佳買o野for今晚打邊爐！我o地今日買o左好多o野食呀！

之後就去飛飛屋企開檯lu！

食飯前先打8圈，打完我都輸成二百幾！

不過豬豬贏二百幾，咁都算打個和！

之後就開始打邊爐lu！

食完再打8圈，呢8圈真係旺到你唔信！由混對可以摸到清對仲要自摸！由混一式做到混對，由開牌443摸到清一式！

我自己都唔敢相信自己咁旺！舖舖都6番起糊，仲要多數都係自摸！

所以最尾埋單贏$550，豬豬贏$320，加埋贏$870！

其實最搞笑係有一舖我食豬豬隻發財十三么，之後跟住o個舖豬豬食返我隻9萬十三么，睇到佢o地嘩一聲！

最嬲係一舖我做緊混對，我自己之前打過4索，豬豬最尾摸4索唔打，跟住我最尾又係摸4索，咁我梗係打4索啦，點知佢條死仔包話食喎！

頂丫，我真係嬲到震囉！我自己打過4索佢夠膽死話驚我4索喎！

我話一定寫blog寫衰豬豬嫁，仲要話俾媽媽知添！

不過..........

咁樣令到飛飛嬲o左我，仲sms我話以後唔同我打牌！

係因為佢輸o左成$700！

唉.............咁我都唔想嫁！我都以為我呢次輸梗添，無諗過會之後會咁旺嫁o麻！

真係要諗o下計tum o下佢至得！

發到新年財都唔開心o既，咁我情願唔發呢個新年財喇！