為期10星期o既產假終於都完結喇!
我由5月23日放!
話就話前3後7!
但我5月27日開刀,所以其實係前1後9呢!
呢10個星期,過得話快唔快,話慢唔慢!
頭o個一個月,簡直係非人生活!
由於出世唔足磅!
所以第一個月o既半夜,就算俊俊同妍妍唔喊都叫醒佢
o地食奶!好彩頭o既一個月,我同老公o既努力無白費到!
令到佢o地可以一個月後變o左做中碼b!
呢個成績我同老公都好滿意呢!
到o左臨放完產假o既兩個星期!
開始feel到有o的唔捨得俊俊同妍妍!
返工一定心掛掛呢兩隻豬呢!
俊俊同妍妍尋晚開始唔知做咩!
平時兩個食完11零12點餐奶就會好乖去訓!
但尋晚就勁扭計!
扭到成2點幾先肯去訓!
今日放工返到屋企,媽咪話俊俊同妍妍係咁扭計!
唔知係咪聽唔到我把聲同聞唔到我陣味喎!
媽咪話平時都無咁扭喎!
今日返工以為會好掛住兩隻豬啦!
點知…………..係忙到無時間掛住囉!
返到去就開o左個幾鐘會!
跟住要check e-mail!
仲要跟ad-hoc o野!
真係忙到連廁所都唔得閒去呢!
朝早返到去就開會!
跟住無停過做、做、做!
所以跟本無時間俾我去掛住俊俊同妍妍呢!
雖然係咁,好彩都可以叫準時收到工!
放工返去第一時間同俊俊&妍妍傾計!
今日雖然好累,但返到屋企見到俊俊同妍妍,咩辛苦都唔記得lu!
我10月9日都返工啦,成日想快d放工,一返到屋企唔知係肚餓定係聽到我把聲,即時大哭.
回覆刪除出門口前都會望多兩眼真係好唔"些得"出門.