哈利波特死神的聖物2

我同老公對哈利波特o既情意結唔使多講啦！

所以大結局一定要睇啦！

但由於之前坐月！

加上俊俊同妍妍剛剛出世無耐！

所以唔捨得掉低佢o地自已出去睇戲！

老公之前講過話我生日帶我去睇！

點知老公好似不了了之咁！

而我亦無再提過！

原來老公仲記得應承過我！

早幾日check晒全香港仲有邊間戲院仲上緊畫！

星期五o個日仲買埋飛今日去睇！

朝早搞完俊俊同妍妍，10點幾就出門口喇！

過到APM去o左Super Sandwiches食早餐！

食完o岩o岩好11點3，夠鐘入場喇！

全套戲都好好睇！

老公仲話2個鐘好似好快過咁！

某o的地方應該交代得明確少少喎！

因為老公都有o的唔係好明呢，哈！

10年前同仲係朋友身份o既老公睇第一套哈利波特！

到今年o既大結局已經變o左為老公！

仲有埋對可愛o既小寶貝！

唔知，下一套令我o地有情意結o既戲會係咩呢？！

百日宴準備 – 衫

呢兩個星期六日都出動幫俊俊同妍妍睇衫！

真係幾難搞！

睇中o個o的又貴到無倫！

之前諗住上淘寶買！

但老公又擔心質量問題！

所以最後都無搞到！

唯有o係香港買啦！

今日都打定輸數唔係點買到嫁喇！

點知去到MegaBox o既Disney store睇中o左！

佢全店做緊2折呢！

我o地o係度總共買o左8件衫褲！

其中有一套係兄妹裝黎嫁！

套兄妹裝諗住9月4日入屯門o既百日宴先著！

而9月3日著邊件都仲諗緊中！

我諗俊俊同妍妍著起上黎都應該會幾靚呢！

仲去o左ChickeeDuck買o左兩頂帽仔！

因為怕去酒樓吹親呢！

俊俊同妍妍o既飲衫準備好lu！

窩心

估唔到老公仲記得！

由於坐月同照顧大小B！

所以哈利波特大結局都唔得閒去睇！

呢套係我同老公必睇o既戲！

當呢套戲上畫時老公應承我，我生日同我去睇！

我以為老公已經唔記得，而我亦都無再提過！

但原來老公呢兩日上網睇仲有邊間戲院仲未落畫！

而今日亦都去買埋飛喇！

係3D版，星期日去睇！

我好榮幸有個咁體貼、咁錫自己o既老公！

多謝老公！

百日宴準備 – 蛋糕&回禮

今個星期落實晒喇！

雖然今次百日宴唔係咩大搞！

只係分兩日，男家/女家各自一家人食飯！

雖然係蚊型，但始終俊俊同妍妍都係得一個百日o姐！

但只要係o係能力範圍之內做到都會做！

訂o左兩個3D蛋糕，9月3同9月4各一個！

仲訂o左份小小o既回禮黎多謝大家對俊俊同妍妍O既祝福！

呢o的都係MaMaMe同BaBaBe 對俊俊同妍妍o既小小心意！

識飲識食 -- Express Teppanyaki

尋日無過太古城！

今日過返補數！

行o左好耐都睇唔o岩買咩衫俾俊俊同妍妍百日宴著！

最後o係Apita終於都睇中o左一件喇！

但仲要每人買多件先夠分兩日著！

買完之後就去大食代搵o野食喇！

今次食台式燒烤！

我o地叫o左兩個sets！

一set 海陸空二人套餐！

一set海鮮套餐！

唔算太好食，但唔係難食o既！

個肥師傅應該唔係香港人！

佢見個waiter有少少激興o左老公！

跟住唔使燒o野時過黎問o下我o地o的o野得唔得！

因為我o地食o既sets係佢主理燒o既！

個肥師傅都ok好玩嫁！

如果無咩要求的話，呢個都係一個不錯o既選擇！

識飲識食 – 板長壽司

本來今日話過太古城幫俊俊同妍妍睇衫！

但因為搞完晒o野都有o的晏喇！

所以就只係去o左APM喇！

今日揀o左去食板長！

等o左一陣就有位lu！

不過有o的唔得！

就係叫咩無咩喇！

仲有埋單等找錢好耐！(不過唔係我o地！)

不過都食o左唔少o既！

但唔算食得好飽！

下次可以唔使再揀板長食lu！

Surprise的生日禮物

一路都無諗住今日有生日禮物收！

因為我份生日禮物由於技術上O既問題，要9月先可以有！

今晚食完飯，老公話過APM！

話帶我去食甜品喎！

原本以為係蛋糕！

但老公應該知我唔多好蛋糕嫁！

去到APM，原來係去GODIVA呢！

原來老公靜雞雞去買O左！

仲要為O左保持新鮮，夜晚先帶我去拎！

呢份就係禮物喇！

係原粒士多啤梨朱古力！

仲有點點金箔呢！

拎完朱古力就行返屋企喇！

到O左夜晚O既11點59分！

老公仲拎O左呢O的出黎送俾我呢！

其中一款仲係2011中秋LIMITED EDITION版呢！

呢度夾埋仲貴過餐生日飯！

多謝老公O既Surprise安排！

好期待下個月老公一早話送俾我O既生日禮物呢！

第一年以MaMaMe身份O既生日

今年有俊俊同妍妍，仲有BaBaBe陪MaMaMe過生日！

因為今日媽咪要去覆診！

所以我請O左一日假！

下晝O係屋企睇住俊俊同妍妍！

到O左4點倒老公都返到黎喇！

媽咪就大約6點半倒返到黎！

媽咪返黎老公就同我出發去慶祝LU！

本來想帶埋俊俊同妍妍！

但諗諗O下咪即係我O地成餐都唔使旨意有得食！

所以最後放棄O左LU！

等出年佢O地大個O的，唔使成日食奶先一齊出去慶祝！

一路我都唔知老公會帶我去邊食飯！

之前年年都會去食海鮮餐！

今年老公話搞搞新意思喎！

原來係去北角海逸酒店O既海逸軒呢！

老公之前一早BOOK好晒食咩！

今日係食個海皇至尊套餐！

先黎黃金焗釀蟹蓋！

個炸漿焗得O岩O岩好，好脆！

連裝個蟹醋O既容器都好特別！

係用青瓜整成嫁，真係好骨子呢！

跟住仲有上湯焗龍蝦！

原來BOOK位時老公加O左錢！

所以呢碟上湯焗龍蝦係全隻上！

本身個餐係得半隻！

黎緊有紅燒竹笙雞絲翅！

再黎花膠遼參扣鮑魚！

老公又係加O左錢！

所以有2隻鮑魚呢！

上湯浸時蔬！

瑤柱帶子蛋白炒飯！

上湯水餃！

甜品有燕窩海底椰燴紅酒秋梨！

同埋燕窩海底椰燉原隻秋梨！

呢餐好好味！

以呢個價錢都真係OK抵食嫁！

食完生日飯老公仲帶我去拎禮物呢！

再戰Food Expo@20110813

今日下晝放工再同老公去FOOD EXPO！

因為老公話尋日無行到，想睇O下有咩平靚正O野買喎！

放工大約2點過到灣仔！

老公已經到O左喇！

由於今朝個早餐太FULL，所以我無食到LUNCH！

叫O左老公自己食埋先過灣仔！

老公今日拎O左個細喼去！

今日明顯比尋日多人好多！

今日買到連拎個細喼去都唔夠裝！

仲要手拎3袋呢！

急凍O野買O左急冰生蠔、青口、和牛、紫雲貝、四海新出O既手打牛筋丸同墨丸！

仲去安記買O左蟲草花、花菇同鮑魚！

之後又O係綠之聖買O左猴頭菇、舞茸、湯包，送O左包花菇同1包湯包！

仲買O左唔少乾貨嫁！

有大辣XO醬、罐頭、韓國辣汁！

最重要係買O左5支紅酒呢！

老公仲係咁試人O地O的酒呢！

經過尋日賣百歲酒O既BOOTH！

個SALES認得我！

尋日我都見唔到有施務露酒！

今日佢有就買O左兩支喇！

仲送O左支糯米酒同人蔘雞湯！

老闆見我O地咁嘗面！

就送多支百歲酒同韓國燒酒俾我O地喇！

今日真係大豐收呢！

不過就拎餐死！

下次都係拎個大O的O既喼去喇！

識飲識食 – 焱川

老公過黎join我食lunch！

上openrice度搵o左呢間！

呢間係食爐端燒o既！

我o地首先叫o左兩個set lunch！

一個係串燒雜錦定食！

另一個叫o左網燒牛扒定食！

個串燒雜錦定食包o左十串串燒！

4串為蔬菜類，4串肉類同2串海鮮！

呢10串串燒都唔錯！

至於個網燒牛扒呢………..！

呢個好好味！

生熟度o岩o岩好！

我o地仲另外叫o左牛舌、燒鱔同燒螺！

3樣都好好味，尤其係個燒螺！

但略兼燒鱔有o的貴囉！

$36得一串，仲要唔係好大串呢！

總括黎講呢間係ok o既！

經開灣仔o既可以一試！

但店內都算迫，坐得唔太舒服呢！