Kinetics 打針之一

6月尾BOOK好O左今日打針！

2點半餵俊俊豬同妍妍豬！

3點零搞掂晒就出門口喇！

我O地去O左搭219X出佐敦！

落到平台見到座頭O既”實蕉”姨姨！

姨姨話原來你生O左孖呀，係咪龍鳳黎嫁！

知道後即時話”真係好呀，一次過搞掂，替你開心！”

嗲完一輪就出發去搭巴士LU！

本來約O左4點！

但由於塞車，所以搞到成4點半先去到！

入到去，O的姑娘首先係話原來係TWINS黎嫁！

跟住有姑娘就話，係龍鳳黎嫁！

呢個姑娘幾醒，一睇O的衣著同條揹帶就知！

跟住俾針咭同出世紙登記喇！

好彩臨出門口前都係拎O左張出世紙O姐！

MaMaMe真係醒，哈！

跟住等O左一陣就到我O地入去LU！

先係餵O左俊俊豬同妍妍豬食輪狀！

俊俊豬食得好快呀！

但妍妍豬就好似食到好慘咁！

俊俊豬食晒成個字佢先食晒！

姑娘話O的輪狀係水蜜桃味黎嫁喎！

食完輪狀，跟住就到去打六合一喇！

先係幫俊俊豬打針！

俊俊豬初初唔知發生咩事，仲周圍望！

跟住姑娘好快手咁打落去再拎返出黎！

俊俊豬反應係超快！

姑娘一吉落去O個O下就已經喊喇！

但喊O左幾聲就無喊LU！

但跟住諗諗O下又覺得好痛又再喊過！

不過都係喊多幾聲就停喇！

俊俊豬打完，就到妍妍豬喇！

妍妍豬好似知人幫佢打針咁，已經開始扁咀喇！

跟住姑娘就開始打針喇！

妍妍豬無哥哥反應咁快！

O係姑娘打完抽返出黎先開始喊！

但一喊就非同小可！

大聲到呢……..！

但都係喊O左兩聲就無喊LU！

從今次打針黎睇，哥哥係怕打針多過妹妹呢！

O係Kinetics打完呢次六合一同食輪狀！

下次再返去打係4個月大，即係9月LU！

但今個月尾都仲要返健康院打10價！

姑娘俾埋退燒藥，話有需要先食！

就算初初燒都唔好即刻食！

先同佢沖涼同用退熱貼降溫先，再唔得先食！

希望俊俊豬同妍妍豬反應唔好咁大啦！

真係好怕佢O地發燒呢！

今次係第一次我同老公帶俊俊豬同妍妍豬出去要搭車O既地方呢！

原來睇住佢O地打針真係會好似電視廣告咁嫁！

BaBaBe同MaMaMe都爭O的想叫埋出黎呀！

見到佢O地打完針喊到O個個樣，真係想喊埋出黎呀！

好彩打完呢次到9月先再打咋！

唔係實心痛死BaBaBe同MaMaMe呀！