6日5夜QE開刀之旅 – Day 6 @20110601

今朝產科醫生黎巡房！

再重提我可以出得院！

我夠知啦，我要等大小B O麻！

跟住話因為阿囡要兒科醫生睇完先知可唔可以出院！

所以今朝唔幫阿囝抽血驗黃疸指數！

跟住有個姑娘話如果陣間阿囡抽O左血而又合格，可以出院，咁阿囝咪唔知點好囉！

所以跟住醫生就寫埋紙要阿囝抽血驗埋黃疸喇！

個姑娘等醫生走O左仲同我講:”都係安全O的好O的！放心啦！”

之後兒科醫生黎到，話阿囡要抽血！(其實都預O左啦！)

大約12點O個時，姑娘埋黎同我講: “ 阿囝個指數合格，可以出院喇！”

O個刻真係好開心嫁！

阿囝囝真係好叻仔呢！

到O左大約2點倒，姑娘又埋黎同我報告！

但今次個消息唔係咁好！

阿囡個指數O岩O岩過O左！

所以要去兒科照燈！

3點零就推O左上去E9喇！

到O左4點我就上去探阿囡喇！

見到阿囡個頭用紗布包實晒，用O野遮住對眼，訓O係箱仔度照燈！

見到佢O地皮膚乾晒！

腳板底有好多個抽血O既針孔！

真係心痛死我喇！

當然又係忍唔住喊O左出黎！

一路同阿囡講要乖乖，指數唔好再升，要快O的回落！

到O左5點零，老公亦都黎到！

等我食埋飯，大約6點半就去睇阿囡喇！

一睇就睇到差唔多8點！

跟住就落返去E2度幫阿囝換衫喇！

搞到8點3，終於可以帶埋阿囝出院喇！

而阿囡就唔知要照幾耐，都係要等醫院電話！

希望阿囡快O的可以出院啦！

可以同阿哥一齊返屋企喇！

就係咁，就結束O左O係QE 6日5夜開刀之旅喇！

呢6日裡面，有喜亦有悲！

喜O既係終於見到大小B出世，可以陪BaBaBe同MaMaMe玩喇！

同埋見到大小B健康！

悲O既係大小B有G6PD！

雖然小心O的就唔會影響健康，但始終都係擔心呢！

不過喜係遠遠大於個悲呢！

大小B要乖乖，健健康康成長！

BaBaBe同MaMaMe會同你O地一齊努力嫁！