戰車

講O左好耐喇，BaBaBe同MaMaMe終於都買O左架戰車俾我O地喇！

一早已經睇中O左Combi O既TS-3孖車！

但因為BaBaBe同MaMaMe話我O地O岩O岩出世唔使用住，所以無O係我O地出世前買！

因為就黎滿月，可以帶我O地出街，所以就ACTION去買喇！

點知俾MaMaMe發現到Combi O係2011年出O左新款O既孖車！

個款同TS-3差唔多！

但車身O的線條位靚O的！

MaMaMe 搵到O係香港得兩間有得買呢部TS-5！

平O個間同貴O個間相差成$400呢！

問過代理，話SEAT 位O的布料靚O的，同埋O的轆靚O的呢！

所以就決定買呢部TS-5喇！

上星期一已經訂O左！

星期二BaBaBe去過數，星期四11點半就收到喇！

係經快遞送黎O既！

呢架就係我O地戰車送黎O既包裝喇！

佢有綠色同紅色揀，BaBaBe幫我O地揀O左紅色！

遲O的BaBaBe同MaMaMe就可以出動我O地架戰車帶我O地出街喇！

拎出世紙

老公見橫掂今日都請O左假去健康院！

所以約埋今日下晝去拎出世紙喇！

因為O係QE出世，所以要返油麻地拎出世紙！

本來諗住同老公一齊去拎嫁！

但又唔太放心放低大小B俾媽咪湊！

加上今日又落大雨喎！

所以最終都係老公自己一個出去拎！

我吩咐O左老公俾多$140，拎多張出世紙！

因為第時報幼稚園呀，整PASSPORT...........都要用！

費事得一張拎黎拎去，摺黎摺去好快就爛呢！

呢張就係大小B O既出世紙喇！

大小B終於都有名有姓喇！

佢O地叫俊俊豬同妍妍豬呢！

健康院覆診

繼上次7號去完健康院，今日又要返健康院喇！

本來今次返去係打一個月針！

但星期日O個日同老公決定O左出去私家打六合一同口服輪狀，所以今日唔使打針！

我O地約O左11點半！

先係磅重同度頭圍！

由於已經滿O左月，所以唔使除晒所有衫！

只係除剩一件薄衫O姐！

我同老公之前估囝囝豬同囡囡豬大約有7磅幾！

點知一上磅真係嚇O左一嚇！

囝囝豬有成4.39KG，囡囡豬都有4.11KG！

即係9.65磅同9.04磅！

唔怪之得餵奶托住佢O地個頭咁重呢！

至於頭圍，囝囝就36.6，囡囡就36.1！

兩個都附合標準！

磅完重等O左一陣就入去見姑娘喇！

都係問O下食奶，便便咁！

姑娘仲話我O地湊得好！

兩個都咁重呢！

跟住就畫生長線喇！

囝囝豬同囡囡豬都係O係生長線O既中間！

即係屬於中碼B呢！

見完姑娘，由於上次醫生寫O左話今日要再CHECK黃，所以要見醫生！

等O左唔夠1個字就到我O地喇！

入到去醫生話要睇大B先！

CHECK機度無問題！

醫生無講度數係幾多，因為醫生話滿O左月之後部機對BB黎講已經唔係咁準！

因為O的皮膚厚O左！

CHECK完機就再睇埋眼白！

囝囝豬好好訓！

醫生點掃佢都唔醒喎！

所以醫生話睇O左囡囡豬先！

叫老公試O下整醒囝囝豬！

到囡囡豬喇！

CHECK機都係無問題！

到睇眼白時，囡囡豬唔知係咪知定係八卦！

即刻開眼俾醫生睇！

連醫生都話下次要俾個星星貼紙囡囡豬呢，哈！

囡囡豬真係古惑，呢方面囝囝豬真係不及阿妹呢！

睇完阿囡，囝囝豬O係經過老公鬧之後開O左少少眼！

最後醫生都睇到，一樣PASS！

跟住就出去約下次返去打針個期喇！

雖然O係出面打六合一同口服輪狀！

但都要返健康院打10價！

約O左7月28下晝返去打針！

到時老公唔使特登請假去呢！

今日覆診真係好開心！

因為大小B O的黃退得七七八八！

同埋大小B體重進展好理想！

大小B 真係好叻叻，BaBaBe同MaMaMe錫晒你O地！

疫苗注射計劃

出世時O係醫院已經打O左卡介苗同乙型肝炎第一針！

本來今日要返健康院打乙型肝炎第二針！

但星期六O個日同老公傾開！

因為我O地點都會出去打HIB同口服輪狀！(因為宜家O的菌實在太勁喇，太多小朋友中招喇！)

如果去健康院打晒所有針再加埋私家O既呢5針同埋2劑口服，即係囝囝豬同囡囡豬每人要打16支針同2劑口服！

仲要O係6個月O個個月要打成4支針咁多喎！

計過同衡量過後，決定放棄健康院O既四合一！

去私家度改打六合一！

咁囝囝豬同囡囡豬每人只需打10針加2劑口服！

因為怕囝囝豬同囡囡豬發燒呢！

每打多一支針O既機會就會高O的！

同埋唔想囝囝豬同囡囡豬人仔咁細就要打咁多支針呢！

我O地決定JOIN Kinetics O既倍全面計劃！

約O左7月中去打！

到時大小B就7個星期大！

雖然係貴O左少少！

但打O左起碼我O地個心安樂O的！

同埋真係可以有抗體保護到大小B！

做人父母最擔心莫過於小明友病呢！

所以呢O的錢真係唔慳得！

大小B滿月喇

今日係農曆五月廿五，婆婆話係大小B滿月！

但我同老公都係計新曆，所以覺得應該係聽日先至滿月！

但ANYWAY今日定係聽日都好啦，都係慶祝大小B滿月O姐！

唔經唔覺，做O左人MaMa已經一個月喇！

頭O個兩個星期大小B都算乖！

夜晚無咩扭計！

但到O左第三個星期就慘喇！

由半夜1點幾扭計扭到4-5點！

連最唔想出動O既DD (即係奶咀)都要出動埋！

阿囝用奶咀就可以搞得掂！

但阿囡唔係好識食奶咀，食食O下就跌返出黎！

跟住又喊過！

要抱住先肯訓！

而阿囝又細膽喎！

發惡夢又會喊，係嚇到成個震晒！

要抱住先搞得掂！

雖然係咁，但有時見到佢O地O的古靈精怪樣，就咩辛苦都唔記得LU！

今日大小B女麻女麻同耀叔黎探佢O地！

不過耀叔唔敢抱我！

耀叔話阿囝個樣好呆！

跟住女麻女麻即刻話”你先呆呀！佢都不知幾醒呀”

女麻女麻仲俾利是大小B添！

仲買O左西餅呢！

婆婆都買O左個MINI 天使蛋糕俾大小B做滿月禮物呢！

我就加O左錢O係個MINI蛋糕度整個滿月快樂O既朱古力牌！

呢個就係大小B O既第一個蛋糕喇！

雖然暫時未食得住，但出年生日個蛋糕就可以一齊品嘗LU！

BaBaBe同MaMaMe祝大小B快高長大，健健康康！

BaBaBe中學同學……...到訪

上星期日BaBaBe去O左其中一個中學同學O既婚宴！

當晚仲約O左今日上黎探我O地添！

但由於O的哥哥姐姐要返工！

所以夜晚8點倒先黎呢！

先到O既有Wendy姐姐、劉冠哥哥同Sophie姐姐！

過O左半個鐘倒，跟住Benny哥哥同Amanda姐姐都黎到LU！

今晚BaBaBe佢O地叫O左Pizza Hut外賣做晚餐！

可憐MaMaMe坐緊月，唔可以食煎炸熱氣O野呢！

今晚Wendy姐姐係咁搞我！

係咁唧我﹐原本訓著都俾佢搞醒O左呢！

仲搞到我痾O左屎添！

而阿妹就繼續好好訓！

係間唔中打開對眼望O下！

不過O的哥哥姐姐唔敢抱我O地呢！

怕整親我O地喎！

今日收到好多禮物呀！

有Benny哥哥同Amanda姐姐送O既衫仔！

我同妹妹每人有兩件！

仲有Wendy姐姐同劉冠哥哥O既公仔、衫仔同利是！

Wendy姐姐同劉冠哥哥真係客氣呢！

又買禮物又俾利是！

真係多謝晒咁多住哥哥姐姐呢！

改名

由於我同老公都無咩特別喜好想用咩字！

所以就將改名呢個重任交俾師傅改喇！

但咁多個，搵邊個好呢！

最後搵O左幫我O地擇日結婚O既馬師傅！

大小B夾埋三千六！

各包5個名同埋講性格、要點樣教！

其實上星期六馬師傅已經上O左我O地屋企講解！

但由於我O地唔記得講俾師傅聽唔用得老爺個"沛"字！

所以師傅話再提供額外多三個名俾我O地揀！

今日終於都收到額外O既名喇！

囡囡豬個名已經揀好O左！

而囝囝豬就二揀一！

等呢兩日再問O下師傅有咩COMMENTS就可以決定喇！

好快大小B就有名有姓喇！

FACE大肚相成品

4月頭O係FACE影O既成品，今日終於去拎喇！

其實5月頭已經打O左電話黎話可以去拎！

但因為當時個肚已經鑼咁大！

所以無同老公出去拎！

咁今晚老公約O左周生出去銅鑼灣有重要任務要搞！(希望周生快O的成事啦！)

所以就順便去拎埋返黎喇！

我O地個PLAN係30張相，加10”X10”相架！

最終係無加到錢，只係要PACKAGE入面O既30張相！

我O地就係揀O左呢張做相架喇！

FACE仲幫我執走O左O的肚紋！

佢將會擺O係C字柜！

等O的親戚朋友黎到一眼就望到呢！

周生生之友禮物

3年前搞結婚時，O係周生生度買O左對龍鳳扼！

呢對龍鳳扼係媽咪俾我O既嫁妝！

之後JOIN埋做會員！

周生生會不定時寄信黎去換禮物！

今次O既禮品係 – 骨瓷餐具！

呢套餐具可以俾我用黎帶飯返工時用！

今次O既禮品都幾實用呢！

Pauline姐姐….......到訪

今日係MaMaMe中學同學黎探我O地！

係Pauline姐姐呀！               

同MaMaMe好fd O既朋友呢！

Pauline姐姐3點半就上到黎喇！

一黎到就摸我O地頭仔！

話我O地好似貓仔呢！

睇見Pauline姐姐見到我O地個樣好SWEET咁呢！

Pauline姐姐話我個樣標緻O的！

哥哥個樣就穩重O的呢！

到O左5點零，我O地要食奶LU！

食完奶我個睜大對眼黎望Pauline姐姐添！

TUM得姐姐幾開心呀！

阿哥哥全程都係眯埋眼！

就算睜眼都只係打開一條線咁咋！

所以Pauline姐姐睇得唔係好清楚哥哥究竟係咩樣呢！

坐到6點半倒，Pauline姐姐就走LU！

因為要去學佢好想學好耐O既芭蕾舞呢！

多謝姐姐O既利是！

MaMaMe話遲O的我O地大個O的再約過出去HIGH TEA呢！

定驚恩物 – 米袋

MaMaMe話我成日訓覺都嚇一嚇，跟住自己醒O左同喊！

因為我O地有G6PD，所以唔可以食保嬰丹/珍珠末之類O既定驚O野！

所以MaMaMe就叫婆婆整O左米袋俾我喇！

咁整俾我，當然整埋俾妹妹啦！

有公仔O個個係我O既，紅色O個個就係妹妹O既！

米袋裡面O既米婆婆炒過黎嫁！

因為MaMaMe話怕未炒過會有谷牛喎！

MaMaMe話個米袋都真係有用！

我無失驚無神咁嚇一嚇呢！

估唔到最傳統O既O野係最有效呢！

舅父舅母….....到訪

今日到MaMaMe舅父舅母，即係我O地舅公舅婆黎探我O地！

舅婆等埋舅父放工一齊過黎！

大約4點倒就到O左LU！

不過表姨同表叔都無黎到呢！

舅婆仲抱哥哥添！

而我因為訓O左覺，所以無抱到我呢！

多謝舅父舅母O既利是！

BaBaBe朋友…….到訪

今日到BaBaBe 朋友黎探我O地喇！

BaBaBe同MaMaMe今日6點半就開飯LU！

BaBaBe 朋友大約8點半上到黎！

今日黎探我O地有紫茵姐姐、叉燒哥哥、阿WING姐姐、阿嶠哥哥、阿芹姐姐、科叔叔同埋YUKI姐姐！

O的哥哥姐姐上到黎時我O地食緊奶呢！

多謝紫茵姐姐、叉燒哥哥、阿WING姐姐、阿嶠哥哥同阿芹姐姐O既禮券！

仲有科叔叔同未來科姨姨O既YUKI姐姐O既大、大、大利是！

BaBaBe同MaMaMe話俾我O地認科叔叔做契爺喎，哈！

下次等我O地大個O的，科叔叔就可以抱O下我O地LU！

MaMaMe公司同事…….到訪

今日輪到MaMaMe公司同事探我O地喇！

小明姐姐星期一已經約好媽咪今晚放工會過黎！

下晝小明姐姐打俾媽咪！

話一下子不留神，溜O左口風俾媽咪公司媽媽聽今晚會上黎探我O地！

跟住哎呀婆婆就話一齊上黎喇！

但小明姐姐佢O地諗辨法唔同佢一齊上黎呢，哈！

大約7點倒，哥哥姐姐就到喇！

今日有小明姐姐、師兄哥哥、Karen姐姐、Carmen姐姐、Iris姐姐、Billy哥哥！

媽咪公司同事送O左呢份禮物俾我O地！

係相片打印機連相紙套裝呢！

BaBaBe同MaMaMe好鐘意呢！

其實BaBaBe同MaMaMe都想買，但呢O的唔係必需品，所以無買到！

小明姐姐仲話第時可以自己整學生相添呢！

又可以印出黎貼O係手機背！

等BaBaBe同MaMaMe可以成日見住我O地呢！

呢份禮物真係有心思呢！

差唔多8點O個時，哎呀婆婆打黎！

話宜家搭的士過黎呢！

仲買O左東海堂新出O既ROLL CAKE呢！

但哎呀婆婆坐O左陣就走LU！

不過都有同我O地影相嫁！

哎呀婆婆走O左之後，我O地就黎影大合照呢！

不過我同阿妹食飽飽，所以掛住訓覺豬呢！

下次等我O地大個O的，BaBaBe同MaMaMe會帶我O地去媽咪公司再見埋其他同事呢！

今日我O地、BaBaBe同MaMaMe都好開心呢！

多謝晒MaMaMe O既同事呢！

表姨…...到訪

今日下晝MaMaMe表妹，即係我O地細表姨黎探我O地！

細表姨4點倒黎到！

MaMaMe好奇怪點解細表姨企到咁遠睇我O地！

跟住細表姨就講話因為佢屋企放O左臭丸！

件衫有味，所以唔敢行近！

BaBaBe 一聽到就好緊張！

因為三姨婆十二朝時抱過我！

咁三姨婆同細表姨一齊住，咁衫都會有臭丸味呢！

好彩三姨婆之前O個日係返O左大陸！

所以O的臭丸味係隔O左一日，散O左！

以後BaBaBe同MaMaMe都會問清楚晒O的朋友有無放臭丸/樟腦丸先！

咁樣真係會嚇死BaBaBe同MaMaMe嫁！

細表姨送O左支除疤膏俾MaMaMe！

細表姨話係醫院用嫁喎！

而MaMaMe表弟，即係我B表叔就送O左兩套衫仔俾我O地！

係O係台灣買返黎呢！(應該係B表嬸買呢！)

多謝晒B表叔同B表嬸呢！

今晚BaBaBe同我O地傾計呢！

睇O下幾咁溫馨！