續前篇......
我O地搭出祐漢O既巴士出返澳門半島！
落車行O左2-3個字倒啦，就到O左墨山街喇！
去到只係見到強記！
跟住問O下老闆，原來阿伯蛋茶無開成半年嫁喇！
咁即係就算上次復活節黎都試唔到！
真係好想試O下O的人口中講得咁好味O既蛋茶添！
阿伯蛋茶食唔到，就行去下一站喇！
下一站就係 -- 澳門氹仔林記燒烤喇！
呢度都唔算難搵，只要識睇地圖就一定會搵到！
唔知係咪係平日，所以唔算太多人！
我O地叫O左3樣O野！
有冬陰公蝦湯！
呢煲湯好抵，裡面仲有4隻大蝦嫁！
我同老公每人有成4碗！
個味OK，只係爭少少泰國味，不過都已經好過香港所謂正宗冬陰公湯！
跟住叫O左個鹽燒牛脷！
呢個好好味，牛脷夠厚，好JUICY！
正呀！
仲有就係紅酒燴牛膝！
一上枱就已經好香！
配埋個特製香草黑椒汁，簡直一流呀！
啤酒仲要買二送一添！
一黎到澳門就食到餐咁好味，真係好滿足呀！
睇O下老公食到幾肉緊，哈！
食飽就去搵通宵車搭返屋企LU！
我O地先搭N1去永利，再轉N2過氹仔！
咁樣慳好多嫁，好過下下搭成50-60蚊的士！
50-60夠我O地食多餐嫁喇！
返到氹仔仲行O左去駿景摩卡玩兩手添！
玩到4點半就走人返酒店LU！
因為聽日仲有好多節目等緊我O地呢！
沒有留言:
張貼留言