大昏迷

尋晚個紅酒申訴gathering成朝早4點先完！

好姐妹一走我就攤o左上床訓喇！

一訓就訓到做晚間新聞先醒！

媽媽好好咁買o左餸煮飯！

所以我o地一起身就有得食喇！

但唔知係咪飲得多定係咩！

我一起身已經係咁嘔！

食咩落去嘔，飲咩落去都嘔！

跟住好唔容易先等到唔再嘔去食必理痛！

食完8點零又再上床訓過！

今日真係大昏迷！

訓o左廿幾個鐘！

唔知係咪人老o左，所以身體機能要耐o的先可以回復呢？！

紅酒申訴gathering

繼8月初好姐妹上黎屋企食飯兼飲酒！

今次係今個月第二次喇！

今次係由於好姐妹情緒上有困擾呢！

尋晚聽到真係好擔心好姐妹嫁！

但今日見到佢又好似無咩事咁！

又係一路飲一路傾！

傾o下傾o下，唔覺唔覺就傾到半夜4點lu！

跟住好姐妹話要走喇！

希望好姐妹relax o下，唔好再亂諗o野喇！

陳太廚房@20100828

今日又係我陳太廚房出動o既時間！

今日多o左位座上客！

好姐妹上黎食飯兼傾計！

由於大家急住食飯，所以今日無影到相呢！

今日有5餸1湯！

先有好姐妹好鐘意食o既蟹！

今日係整薑葱炒奄仔蟹！

隻奄仔蟹勁多膏呢！

仲有花螺兩食！

一食係專係整俾唔食得辣o既好姐妹同媽媽！

第二食就係辣酒煮花螺！

辣酒煮花螺真係好好味！

跟住係豉油皇九節蝦！

仲有蘑菇炒芥蘭！

個湯就係猴頭菇鯊魚骨湯！

9點開飯食到10點幾！

跟住就開始飲紅酒傾計lu！

 

酒店2nd Round -- Confirmed

經過老公o既精心挑選，第二round o既酒店有結果喇！

老公尋晚仲上網book好晒添！

酒店呢個task全部搞掂！

宜家只係爭巴士飛未confirm呢！

希望下個星期可以完成埋呢個task啦！

憤怒 + 哀痛

今日下晝無端端俾媽媽點o左入大埔廠跟o野！

仲要個商號成6點先出現！

所以搞到成7點幾先走！

下晝搭火車入大埔時，睇有線新聞直播！

知道有康泰團俾人揸槍脅持住！

o個一刻先係好驚訝，跟住就開始擔心人質o既安全！

但期間見到有人質被放，咁都無咁咩！

下晝時成個氣氛係無咩嫁！

點知8點半返到屋企一睇電視！

個槍手已經開o左好多槍！

跟住隔o左一陣就話個槍手被殺喇！

當時見到o的菲律賓所謂o既特警o既處理手法，真係嬲！

又話要強攻，但又縮，真係越睇越興！

無理由未證實車上面係咪有人生還就用強硬手法去制服個槍手！

個槍手唔係有心殺人質都被激嬲而開槍啦！

仲要無工具，無裝備下就話去救人！

都唔知談判o左半日係談o左o的咩！

佢話想復職咪tum 住佢先囉！

梗係人質安全最緊要嫁啦！

一路都知菲律賓落後，但無理由連呢o的都唔知呀！

個總統仲要連影都無！

到晚間新聞，初時話4個遇難，跟住到6個！

個心真係好痛！

但願所有遇難者安息，生還o既能從悲痛中企返起身，盡快重過正常生活！

香港政府點都要幫死難者討回一個公道！

酒店1st Round -- Confirmed

經過老公個幾禮拜O既努力，終於都有成果喇！

老公已經揀好其中一間酒店喇！

無論價錢，地理上面都REASONABLE！

其實每次去旅行我對酒店O既要求都唔高！

求其有訓得同有得沖涼，唔太雜就得嫁喇！

因為都會早出晚歸，留O係酒店O既時間真係唔多呢！

加上呢個地方紙水咁高，當然係留返O的錢去玩好過啦！

唔知酒店2nd Round幾時會有結果呢，哈！

Flight Schedule Changed

大半年前訂O左O既機票，今晚老公上網再睇個SCHEDULE！

發現班機出發時DELAY O左1個鐘！

好彩睇多次咋！

唔係BOOK O左巴士飛都唔知點算喇！

宜家又要重新再PLAN過喇！

不過咁都好，唔使趕頭趕命！

 

海鮮生日餐@鯉魚門(Part 1)

今晚好準時6點放工！(從來都未試過呢！)

跟住搭地鐵返藍田會合老公，上啟田搭小巴！

今晚老公帶我去鯉魚門慶祝生日呢！

呢8年裡面，年年生日老公都會同我去食海鮮！

老公話今年一定要帶我去食海鮮喎！

因為老公話食埋今年有好幾年唔準我食我最愛O既海鮮呢！

幾大都食盡佢啦！

搭O左3個字小巴就到O左鯉魚門喇！

黎過鯉魚門3次，次次都影唔到個牌坊O既！

今次亦都唔例外，又係有修茸工程！

跟住就開始入去海鮮街搵食喇！

沿路係咁俾人捉住SELL！

感覺有O的似賣樓黨呢！

好唔容易先叫做行晒所有檔！

最後我O地揀O左呢檔買海鮮呢！

全部海鮮都好新鮮呢！

揀好海鮮後，就入去隔離間酒家喇！

我O地今晚就揀O左呢間 -- 鉅記海鮮酒家喇！

一入門口就有發財樹喇！

唔係豪華裝修，但感覺舒服！

加工費例明晒呢！(仲收平O左我O地添！)

呢張就係我O地點O左O既海鮮單喇！

估O下我O地 4 味海鮮整O左幾多樣餸出黎呢？！

等食前，當然黎張生日合照先啦！

待續........

 

海鮮生日餐@鯉魚門(Part 2)

續前篇......

等O左1-2個字就有O野食喇！

先黎龍蝦二食之第一食 -- 龍蝦刺身！

我同老公都係第一次食龍蝦刺身呢！(係咪好鄉里呢，哈！)

不時只係食上湯或芝士焗多！

上枱時仲擺返隻龍蝦出黎嫁！

仲要係O的鬚仲郁緊嫁！

龍蝦肉好鮮，入口個口感好正呢！

真係好好味！

個龍蝦頭同尾陣間會用黎第二食呢！

跟住仲有象鼻蚌刺身！

兩個人可以食晒成條，唔使同其他人分，真係好爽呢！

象鼻蚌勁爽口，好鮮，口感一流！

個象鼻蚌頭仲會要黎第二食呢！

第三味係蒜蓉粉絲蒸貴妃蚌！

貴妃蚌好大隻，入口淡淡肉，好吃！

第四味係椒鹽象鼻蚌頭！

第一次咁食，原來都唔錯喎！

老公激讚呢！

仲有油泡大响螺！

大响螺又係超爽口，配埋韮黃，個鮮味出晒黎呢！

第五味就係龍蝦二食第二食 -- 龍蝦+大响螺頭粥！

講真，O的粥O麻O麻！

但O的龍蝦頭同尾加埋大响螺經過煲粥呢個過程！

全部鮮味出晒黎呢！

酒家仲送O左海鮮湯(即係魚湯！)添！

仲有蕃薯湯丸糖水！

加埋生果盤！

見到我O地叫O左咁多O野，當然要打包啦！

老公話要拎返個"鉅記"膠袋喎，哈！

食到10點就走LU！

老公埋單時仲話計平O左百幾蚊添！

老公話唔通O的海鮮有9折？！(佢真係傻佬黎嫁！)

出黎全部海鮮檔都關晒門LU！

呢餐海鮮餐好好味，好滿足！

多謝晒老公帶我去食餐咁好味O既生日飯呢！

雖然無鮮花禮物，但幾日對我黎講已經係一份好好O既生日禮物呢！

老公，I Love You ！

 

Pre-Birthday澳門之旅Day 3@20100815 (Part 4)

續前篇.......

去酒店拎行李之前，當然要參觀O下酒店啦！(住O左兩日都未正式參觀過！)

原來有個類似RESORT O既地方！

一入到呢度，有O的似泰國渡假FEEL！

參觀完酒店，就出發返官也街O個頭LU！

先去晃記拎肉切酥！

一條自己食，一條拎返公司請人食！

由於5點先去食完雅馨，所以先行返去BOOK O左位O既餐廳改時間！

由6點改為8點半！

仲放低O左O的手信添！

老闆娘好好人，仲幫我O地雪埋O的魚皮角添！

跟住就過去隔離O既格蘭裡面O既摩卡玩兩手LU！

由6點半玩到8點半，贏多少少咁啦！

跟住就返去今晚最後一站 -- 紅屋喇！

因為已經落O左單，所以坐低1個字就有得食喇！

我O地叫O左燒雞釀飯！

一上枱香到呢.......！

個雞皮好脆，O的飯好香！

總字一個字 -- 掂呀！

跟住仲有血鴨！

O的鴨軟腍腍，味道帶有葡國風味，好好味！

呢度坐得好舒服！

佢唔會好似O的出名店咁趕你走！

你想坐幾耐就幾耐，又唔會俾人搭枱，空間感好好！

我同老公都覺得好有上次去羅馬O個間食鬼佬牛雜O既餐廳感覺！

呢度真係可以再次黎呢！

食飽飽都只係9點9，就決定行去新濠天地搭免費車去碼頭！

點知去到話要等成半個鐘先有車，咁當然放棄啦！

轉搭的士！

去到碼頭差唔多10點半！

勁多人等緊候補位囉！

等到10點7就放人入閘LU！

10點10就俾人開始上船喇！

今次Pre-Birthday兩日半之旅就結束喇！

呢兩日半玩得食得好開心，好滿足！

多謝老公呢份生日禮物！