陳太廚房@20100627

尋晚阿妹留O係度訓！

仲要睇埋套戲先，搞到成3點半先訓！

咁當然訓到晏一晏先起身啦！

跟住同媽媽落街飲下午茶！

今次好好呀，唔等位就有得飲喇！

食飽飽之後就去買餸LU！

今晚都係4餸1湯！

仲加送西瓜盅一個添！

是晚餐單有胡椒蝦！

不過我覺得整得乾O的會好O的呢！

酒煮花甲！

呢個老公同阿妹都話GOOD！

夠晒酒香！

石燒牛扒！

呢個係由阿妹操刀嫁！

老公讚阿妹煎得唔錯呢！

翠玉瓜炒芥蘭！

猴頭菇鯊魚骨湯！

食飽仲有西瓜盅做甜品添！

原來阿妹係未食過嫁，仲問係咪即係好似冬瓜盅咁添！

咁又係喎，佢個年代唔同我喎，哈！

食完飯睇一陣電視阿妹就要出發返歸LU，因為路途遙遠呢！