今日係大除夕，我放4點，而老公仲放3點添呢！
跟住老公過黎接我放工！
仲去o左大家樂食o左個tea 添！
食完TEA就去冒險樂園玩一陣喇！
好快就中O左大富翁LU！
今日成本效益好高呢！
玩到7點倒，就去行吉之島喇！
因為31-/12 – 3/1 吉之島有新年初賣呢！
而今日有o的BB衫仲做大特價，$50/兩件，但只限一日呢！
所以就買多o左4件蛤蜊衣同2件棉背心喇！
呢次係第二次買衫俾大小B喇！
但全部都係for o係屋企著o既！
出街o個o的等confirm o左係囝囝定囡囡先買lu！
之後本來諗住去行埋超級市場！
但老公個肚唔舒服，所以都係返屋企lu！
等聽日先再去Mega Box o個間再買其他BB仔o野lu！
今晚約o左好姐妹食dinner！
因為好姐妹買o左份聖誕禮物俾大小B呢！
加上聽日係好姐妹生日，可以順道慶祝埋！
由於大家都就我呢個大肚婆，所以揀返觀塘食！
最後揀o左APM o既御泰坊！
Book o左6點半，但因為公司有少少o野搞，所以晏o左少少先收工！
6點4收工，先去Teresa Festival買o左個Tiramisu 蛋糕！
上網睇過o的評語唔錯嫁！
跟住就搭地鐵喇！
放工時間真係多人到呢………！
仲爭o的俾人撞到添！
好彩我用隻手遮住o左個肚同動作慢咋！
所以放工搭小巴返屋企係正確o既選擇！
6點9去到，好姐妹兩公婆已經到o左lu！
原來好姐妹份聖誕禮物就係俾大小B玩O既布o既健身架！
我之前都已經想買嫁喇！
但貴所以無買到呢！
估唔到好姐妹真知我心意呢！
好姐妹話個Tiramisu 蛋糕o的cream 唔錯！
我都覺得個蛋糕幾好食！
希望好姐妹滿意呢餐dinner啦！
預祝好姐妹生日快樂！
最緊要係每一日都要開開心心！
今日要過去MegaBox o個頭，因為要去換另外兩支我送俾老公o既紅酒！
今個christmas已經送o左4支紅酒俾老公喇！
但有兩支要1月先去拎呢！
有時團購真係幾抵嫁！
唔使$50可以有支法國AOC o既酒！
今次呢兩支係2001年o既！
老公話等出年大小B出o左世先同我一齊飲喎，哈！
去拎酒前先去MegaBox御苑皇宴度飲茶！
兩個人食o左9個點心都要差唔多成$200，都真係幾貴o下！
下次都係唔過黎呢頭飲茶lu！
食飽行陣諗住去吉之島買牛柳粒！
點知原來呢間吉之島個超市係無o野買嫁！
仲少過屋企附件o個間！
所以最後都係去返藍田o個間買！
買o左鐵板燒牛肉，豉油雞同迷你獅子頭！
仲買o左個炒飯聽日帶返工食添！
而今晚就食蕃茄火腿粒長通粉！
老公原本話佢煮喎！
但最後咪又係我出手整！
好快又放晒三日假喇，聽日又要返工lu！
今日老公應承我同我去工展會！
我o地去o左天后食泰國o野！
呢間o的o野都ok抵食！
味道亦唔差嫁！
個生蝦刺身仲超級抵添！
出年等大小B出o左世之後我就可以食喇！
食飽老公又例牌要搵一搵廁所開大啦！
本來諗住去中央圖書館！
但原來係無開到！
但好彩有個展覽廳有廁所o姐！
我o地去排隊買飛都成2點幾lu！
今日都算多人，但無想像之中咁多o既！
我o地對o的咩o野麵呀、醬油呀o個o的無咩興趣！
而每年都會買o既湯包因為唔知我飲唔飲得所以都無買到！
但今日都使o左成皮o野呀！
我o地買o左三包花膠同2張地毯呢！
仲有今次入黎最主要目的就係 – 卡士蘭喇！
其實老公想買黎食好耐嫁喇！
但由於太貴喇，所以個心十五十六！
o係工展會有9折discount，買12盒送4盒！
即係平均$175.5一盒！
老公計過都抵過平時o係屈記買！
咁當然第一次經過只係入去聽o下，飲o下佢支藍莓精華啦！
跟住就走喇！
到最後行晒買完o野先再返去！
本來只係諗住買兩set 12盒裝肝美健！
但後黎佢有隻DHA 80 魚油！
對腦部發展好好！
加上孕婦都食得！
為o左大小B好，所以BaBaBe買o左10盒俾我食呢！
一路食食到生完都仲可以食！
希望大小B出世時醒目o的，精靈o的！
就係咁就買o左成皮o野喇！
有20支藍莓精華同20支有機舞茸精華送！
仲額外送多o左支藍莓同4合1俾我o地添！
最後唔知係個sales寫錯定係個sales無講啦！
買12送4，咁買24即係送8啦！
唔知點解埋單係送11嫁喎！
咁當然唔出聲啦！
佢搞錯又好，佢無講都好啦，最後計返真係抵o左好多呢！
今次買o既份量可以足夠食一年，即係等出年工展會先要再入貨呢！
但今日唔使拎貨，佢有得免費送貨呢！
咁呢個service又唔錯喎！
我o地2011年就可以開始保健大計喇！
而工展會裡面亦都見到有化糖貼！
其實想買黎俾媽媽！
但都係問過媽媽，睇o下佢想唔想試先！
我同老公當然想媽媽試啦，因為應該真係對佢o既糖尿有幫助o麻！
o係2011年最緊要係我o地一家五口都要健健康康呢！
今日我o地過o左樂富買餸！
買餸前當然係去醫肚啦！
樂富真係無咩o野食！
食o左個唔好味o既酸辣米線！
仲要話係中辣，我真係少少辣都食唔出喎！
跟住老公個憫米仲衰，無味o既！
總括即係可以唔使有下次喇！
之後再去o左uny個food court度睇o下有咩好食！
叫o左個日式煎餃子同炸雞球！
但都係一樣唔掂o既！
之後就去uny超級市場行喇！
買o左花膠、東星班、火雞胸片！
去之前老公打俾叔仔叫佢過黎食飯！
好彩早一步打俾佢咋，唔係佢就落街買杯麵食喎！
跟住我o地先去埋鑽石山！
本來諗住去換兩支團購買o既酒！
點知我呢個傻婆無睇到個換領日期，係由12月30先開始！
所以係白行一趟！
但老公都借o左個廁所開大o既，都叫做有o的o野做過，哈！
跟住就返藍田再買埋少少餸喇！
o係吉之島買o左牛扒、串燒雞脾肉！
跟住再去埋百佳買安記網鮑，就可以返去整大餐lu！
同往年一樣，9餸1湯！
有燒牛肉併火腿片！
火雞胸肉併煙肉！
黑椒東星班！
煎牛扒！
美點雙輝 – 辣辣大蝦！(不過我係有得睇，無得食！)
XO醬生蠔！
烤雞脾肉串！
紅燒汁憫海參花膠！
鮑汁網鮑！
香腸雜菜湯！
仲有有汽o既無酒精果汁！
今日大小B同我都好滿足呢！
多謝BaBaBe o既聖誕大餐呢！
今年平安夜夜晚無得出街，唯有乖乖咁o係屋企啦！
12點半開始公司就有party喇！
有大食會同抽獎！
因為出面拎o野食太多人，所以伍生以佢o既尊貴身份吩咐人拎o左o野入黎我位俾我食呢！
今年因為係搬完新office第一次o既平安夜，所以係幾百人一齊開party！
o的人多到呢！
好彩我呢個大肚婆有特權唔使出去同人迫有得食o姐，哈！
跟住到o左1點倒就出去睇抽獎lu！
我o地team有師兄同細佬抽到獎呢！
而我就收到好多聖誕禮物！
但全部都係食o既呢！
仲要係朱古力，咁即係益晒老公啦！
食完玩完都成2點lu，執埋o的手尾就收工返屋企喇！
等老公4點放工之後去黃醫生度䏲o下大小B呢！
去到診所4點9倒，等o左半個鐘就有得睇喇！
今次大小B兩個都扒o左o係度！
兩隻o野仲要隻腳係夾住o左，睇唔到係仔定女呢！
或者大小B唔想咁快俾BaBaBe同MaMaMe知道呢，哈！
睇完都成6點lu，本來想去飲食男女介紹o既生煎飽店食！
但旺角實在人太多喇，所以都係唔去lu！
我o地去o左吉之島買牛仔骨！
加埋火腿，變o左平安夜餐 – 牛仔骨火腿炒麵喇！
而老公知我想飲酒但又唔飲得，所以去o左百佳買o左支無酒精果汁俾我解o下癮呢！
聽日聖誕節，老公話整中式聖誕大餐呢！
今日本來約o左好姐妹一齊lunch！
但因為Jacob B病o左，佢怕會傳染到我，所以cancel o左！
但都有過黎搵我拎臘腸同年糕卷呢！
成半年無見Jacob B喇！
佢又大個仔o左好多喇！
仲成日好似想講o野咁添！
同好姐妹o係公司樓下大堂坐低傾o左一陣！
好姐妹仲話遲o的有人俾Jacob B蝦喎！
我怕到時係大小B一齊蝦返佢轉頭咋，哈！
遲老公12月初有一晚放工返屋企突然俾o左個surprise我！
就係買o左今朝飛去睇Harry Porter 喇！
我同老公對呢套戲有情意結！
因為9年前識老公時，睇o既第一套戲就係Harry Porter喇！
第一年以朋友身份一齊去睇，之後就以情侶/夫妻身份去睇喇！
所以呢套戲對我同老公係好有意義呢！
老公預早買o左早場飛，睇8點50分！
仲有個file送添嫁！
我o地7點9出門口，先去肯德基食個早餐！
食飽飽8點半倒，就行去入場lu！
點知老公突然話肚痛喎！
咁我就入場先，老公去廁所！
老公o岩o岩好o係開場前1分鐘返黎，真係”準”時囉！
我覺得今集真係扼錢囉！
唔可以話唔好睇，但睇得出等登要拆開兩集黎搵錢囉！
睇完都成11點lu，先去周圍行o下，再去食個lunch！
我o地去o左food court食韓國o野呢！
跟住就行返屋企lu，因為實在太早起身，大小B要返去訓晏覺呢，哈！
同老公一齊由3點幾訓到7點，真係好滿足呢！
尋日我o地自己非食做節，今日到成個部門做節喇！
今次係之前月餅獎金o的錢拎出黎食o既！
今日地點係太古城美心皇宮！
我o地都開o左成6圍嫁！
但只係食lunch咋喎！
好似去飲o既菜式！
但我o地都覺得尋日北京樓好食o的呢！
不過除o左中秋、團年/開年或春茗都好少咁齊人成個部門一齊食呢！
但對於我呢個大肚婆黎講，連續兩日都要行咁遠去食lunch就辛苦o左少少！
但成班人一齊開心就得lu！
最重要係今日有得早放2個鐘呢！今日係我o地非食品組冬至做節！
揀o左太古城北京樓食lunch！
我o地成team 13人再加lydia！
係無PW份！
因為媽媽話之前問過o下PW，佢話PW好似唔係想咁喎！(可能要佢俾錢掛！)
今餐食得好飽飽！
不過無片皮鴨食，因為伍生話呢度無星北o的咁好味喎！
成team人開開心心做節，真係開心呢！早前o係BK 個forum見到有2011年5月份媽咪搞團購！
夾埋一齊join 4D Baby Icon plan！
一齊join好似係多1張4D相同有隻DVD！
咁就即管同老公講o下啦！
點知老公一口就話好喎！
跟住當然係問照twins個價錢係咪唔同啦！
原來係一樣嫁！
原本同老公傾好話3月12號星期六照！
但跟住個職員今晚打黎同我confirm時間時，我問twins 26週照O唔OK！
個職員就話最好24週照，因為驚26週到時大小B都太大會照得無咁清楚！
所以就改o左做2月26號去照喇！
其實初時諗住照唔照都無所謂！
但又想俾大小B留個紀念！
咁見又唔係太貴，所以就join o左lu！
希望到時大小B乖o的，有多o的動作同表情啦！
BaBaBe同MaMaMe都好期待呢！12月2日照完OSCAR之後，政府排到去1月13先有得再睇！
老公話成6個星期先有得見大小B唔得喎！
所以今日就打去黃醫生度book期喇！
都係膽粗粗咁試o下12月24號診所開唔開！
點知姑娘反問返我o個日係咪公眾假期，如果唔係就會照開喎！
咁當然就book 12月24下晝啦！
因為我公司一定放半day呢！
老公o個日亦都放4點！
今次去主要係想知大小B 係咪健康成長！
同埋如果可以的話，想知係仔定女呢！
因為要去入定o的貨呢！(襯聖誕有大減價o麻！)
希望到時大小B唔好夾實唔俾我o地睇啦！今日本來約o左去探Jacob B！
但Jacob媽尋日通知話Jacob B懷疑出疹！
咁當然我係唔可以去見佢啦！
就係咁亦都話o左俾好姐妹聽我有大小B o既消息！
佢話Jacob B遲o的有人俾佢蝦喇喎，哈！
見今日下晝gathering cancel o左，而老公女麻女麻又o係12月頭由荔景搬o左入去屯門！
加上22號冬至飯要入屯門食！
但老公話食完太夜第日又要返工，對於我黎講太辛苦，所以就唔入屯門食冬至飯！
就襯今日先同女麻女麻食o左飯補數先！
我o地5點幾入到去！
女麻女麻一見到老公都不知幾開心呢！
仲話老公白o左靚仔o左添，哈！
我o地今晚去o左建生O個頭食dinner！
叫到成枱都係餸，連女麻女麻都話做咩要叫咁多呢！
今晚女麻女麻食o左好多o野呀！
但睇得出女麻女麻係有少少唔開心！
話晒o係荔景都住o左十幾年，一下子離開去一個新環境，係要時間適應o既！
老公話我o地以後要多o的入去探女麻女麻呢！
宜家真係唔太搭得長途車，今日一來一回屯門搞到條腰骨好痛呢！
但只要能令女麻女麻開心就得啦！
今朝返工，下晝放SL去QE覆診！
本來係叫好姐妹陪我去，因為老公俾老細捉o左返大陸見客！
點知12點幾老公打黎話唔使返，可以陪我去睇喎！
大小B果然都想BaBaBe見o下佢o地喎，哈！
由於係twins o既關係，所以每次去QE覆診都會係去B3！
我o地先去o左急症室登記，再拎住o的label上去B3！
跟住姑娘就幫我戴條好似人o地入院o既手帶！
之後就等lu！
約o左3點，等到4點半先有得睇呢！
我同老公計過，每個睇o左成半個鐘嫁！
今次去係做OSCAR test！
開始照超聲波時，老公話原來佢o地訓緊碌架床喎，哈！
由於小B就手o的，醫生就度o左小B頸皮先喇！
初初o個10分鐘小B好乖嫁，醫生都度到2次！
但5分鐘後，小B突然一個彈起！
我跟住即刻話”佢郁呀！”
醫生答”係呀，佢o地o係度浮o下浮o下！”
之後小B就起勢咁打拳喇！
老公話佢似我之前打wii fit plus個打拳咁o既姿勢喎！
跟住我答”佢話我o地阻住佢訓覺喎！”
搞多o左成5分鐘，醫生先再等到小B有一刻唔郁可以度第三次！
小B搞o左成差唔多20分鐘，終於都到大B喇！
大B同小B好唔同，好文靜！
就係因為大B唔肯郁，搞到醫生又係度唔到！
因為佢個後尾貼住個胎邊，度唔清楚！
醫生拍o下又按o下我個肚想大B郁o下！
但大B就非常之好訓！
係有一刻大B彈o左一彈！
醫生就capture o左呢個畫面！
終於都度到喇！
大B又搞o左20分鐘，但大B搞到醫生手都軟埋呢，哈！
大B頸皮係0.097mm，小B就係0.095mm！
兩個都pass呢！
但我唔使抽血，因為醫生話就算驗到都唔知會係邊個B喎！
跟住就約期下次返去做結構喇！
一約就約到2011年1月喇！
經過今日，我同老公發覺大B似我，小B似老公呢！
大B似我咁懶訓，小B似老公咁百厭呢！
因為政府醫生就算佢照到係仔定女都唔會同你講，而我o地亦都無問！
況且過年前就會知，所以我同老公唔係太心急想知o既！
因為要成6個星期之後先有得覆診，所以都係決定12月尾去黃醫生度見o下大小B！
睇完醫生就過o左Mega Box，因為吉之島吉日今日開始呢！
我o地行o左一圈嬰兒部！
老公話5號買有10倍積分喎，所以星期日先再黎入貨！
但我今日都買o左條托腹帶呢！
8折o左，平o左成$70呢！
等我今個星期六日試o下用先！
今日我同老公超開心，因為見到大小B都好活潑呢！
BaBaBe 同 MaMaMe好心急想再見到你o地呢！
10月26號去私家做第一次產檢時，順道去埋QE做登記！
點知都要排到去今日先係有得睇！
仲要只係見助產士咋喎，都唔係見醫生呢！
今日照last period計係11W1D！
今日老公都拎埋假陪我一齊去呢！
我o地8點8去到，先俾預約紙，跟住度高磅重！
之後就o係大堂睇個關於oscar test o既電視！
再等O左一陣就入去聽個講座，個講座大約5-10分鐘倒！
主要係講今日要做o的咩，入院要帶o的咩咁！
聽完就就出大堂等叫名，入去見助產士問症喇！
我問症都問o左成9個字呢！
醫院system真係好厲害！
我6年前去過明愛睇生理水泡都俾佢check到呢！
仲有當然係上星期去過聯合急症o既資料啦！
我傾o左成3個字先話俾姑娘知係twins，搞到老公話我蓄意隱瞞呢，哈！
原本應該俾期下次見醫生同照oscar，但因為我係twins，所以姑娘要特登打去另一部門拎個快期！
原本要成12月23先有得見醫生，宜家就12月2號有得見醫生！
我問姑娘咁幾時會照oscar同結構，姑娘話到時醫生會講埋俾我聽喎！
最後就係去抽血喇！
原先用右手抽，點知出o左兩支就出唔到！
所以要轉左手抽喇！
總共抽o左5支！
搞掂晒10點鬆o的就走得lu！
跟住老公仲同我去澳洲牛奶公司食第二次早餐呢，哈！
個炒蛋真係好好味呢！
之後仲去O左海港城睇BB O野！
仲發現星光行有BB用品開倉！
但因為未知係男定女，老公話等下個星期去照完睇O下點先下個星期再去入少少貨喎！
O個度O的BB 用品真係幾平嫁，O係屋企當俾BB粗著都抵呀！
最重要係宜家咩都要打孖上，所以慳得就慳呢！
行完都成2點幾LU，跟住就搭巴士返去食下午茶喇！
唔知點解今日胃口特別好呢！
老公話我食極唔飽，仲食得多過佢喎！
梗係啦，我宜家1個人食3個人O既O野喎！
不過其實係呢兩日先開始有返胃口，之前係根本食唔到O野！
所以我本身係瘦O左，但個肚就大O左囉！
下個星期返QE係下晝，老公唔使特登請假都可以陪我去呢！
我就只係請下晝SICK LEAVE去睇算LU，留返剩餘2日大假遲O的先用！
尋日去完急症，O係我打死都唔肯留院之下，今日要返去覆診！
今次係去婦產專科做檢查！
今日得好姐妹晨咁早黎護送我呢個大肚婆去覆診添！
我諗好姐妹成個月都無試過要咁早起身呢，哈！
搞到好姐妹要一路搭小巴，一路食佢個麥當當早餐！
我O地10點3去到！
交完預約紙，等O左半個鐘倒就有得入去見醫生喇！
呢個係女醫生黎嫁！
一入去問O左幾個問題，跟住就上床喇！
做O左鴨咀拑檢查，一切正常！
跟住到做陰超喇！
都唔明點解仲要用陰超O既，唔係用肚照就得嫁喇？！
不過用陰超又真係清楚O的喎！
尋日去急症部機太弱，只係見到有心跳咋！
今日可以見到大小B O既手手腳腳形狀喇！
仲見到個頭仔添！
大B有2.38CM，小B就有2.09CM！
都係好似上星期咁，大B心照得勁O的，小B無咁勁，但都唔弱！
醫生話流啡十個有3-4個都係咁，但成因係不明！
佢話宜家見到大小B有心跳，大小都正常，所以都唔需要太擔心！
聽到醫生咁講都無咁驚！
但政府醫院唔俾拎超聲波相返去，所以老公未可以見到大小B住呢！
老公話要下個星期再去黃醫生度睇喎，話又要見大小B O的手腳喎！
檢查過所有O野，咩事都無，放心晒！
大小B，你O地要聽聽話話，快高長大，唔好再嚇爹O地媽咪喇！
今朝又係10點自動醒o左！
見無咩做，所以就襯老公未起身就落o左去剪髮喇！
剪完髮12點半，跟住就買麥當當返去俾老公當早餐食喇！
點知返到去原來老公已經起o左身lu！
跟住睇埋李小龍就落去樓下行街街lu！
我o地去o左上網有唔少媽咪講過o既珊珊！
去到時佢有一個客！
跟住我o地轉個頭先再返去！
我試o左3條褲，有legging、有牛仔褲同西褲呢！
跟住仲買o左日同夜bar bar！
個sales仲幫我check o左個胸同教o左我點樣護理添！
佢check過話我喂人奶應該無問題喎！
仲話我個胸如果護理得好，有機會增大到去42吋喎！
我心諗，唔係呀！
老公仲特登買o左個側睡枕俾我添！
因為我訓覺鐘意打側訓！
佢怕我壓到大小b喎！(講到尾咪又係大小b行先，哼！)
就係咁樣，就買o左好多錢喇！
即係今個月o既月餅同介紹費bonus o岩o岩好用晒lu！
今個月o既quota已經o係呢兩個星期用晒lu！
黎緊呢半個月都唔可以再去shopping買o野喇！
但大小b o既用品例外呢，哈！
今日短週，但訓到10點幾就起o左身lu！
因為尋晚太早訓喇，訓o左成12個鐘！
等到12點叫老公起身，跟住就諗去邊度食lunch好喇！
今日突然好想食韓燒呢！
所以就同老公過o左將軍澳新都城食喇！
任飲任食$78一個人！
我o地1點去到，燒到成3點半呢！
跟住就開始我o既shopping行動喇！
我o地去o左千色店！
佢由9-27號做discount！
見到有o的bb衫都ok抵！
但老公話想平安夜去完黃醫生度覆診，睇o下照唔照到係仔定女先買喎！
但今日都買o左兩對手套仔俾大小b！
跟住我仲買o左3件衫添！
3件埋單都唔使$300呢，老公都話好抵呢！
仲買o左件大褸！
由原價$800減到$269！
件褸係老公幫我揀呢，話遲o的就算個肚再大o的都可以著到呢！
今日真係大豐收呢！
尋晚老公去O左舊同學O既婚宴！
而媽媽就買O左PIZZA返黎俾我食！
因為我係咁話要食PIZZA呢！
食完都無事，到O左夜晚11點就開始黎料！
個肚搞住痛！
由尋晚11點到今朝瀉O左4次，其間仲有少少流啡！
我當然好驚同擔心啦！
所以老公今朝返公司同老細交低幾句就拎O左1日假陪我喇！
老公同我去O左聯合急症！
去到見到咁多人，心諗唔知要等幾耐啦！
點知分流完，等都唔使等就有得睇喇！
醫生幫我照O左超聲波，見到大小B有心跳！
醫生叫我放心，佢O地無事！
醫生話係腸胃炎同作小產！
仲俾我揀留唔留院！
我當然揀唔留啦，最多聽日返黎覆診O姐！
但唔留院都要去觀察病房觀察一陣！
由12點半去到急症，2點半可以走得！
不過聽朝要返黎覆診呢！今朝起身，比平時唔同！
一起身已經覺得好想嘔！
但當然又係無得嘔啦！
朝早仲要每月一次o既例會！
成個會係咁ee ee ur ur！
係勁辛苦囉！
Lunch連自己個飯盒都食唔落！
只係可以飲湯咋！
夜晚都係無胃口！
究竟幾時先會無咁辛苦呢？
上個星期開始有作嘔o既感覺！
有時明明好肚餓，但聞到o的o野食味就會反胃食唔到！
尤其對o的肉類，真係唔想點食！
宜家只係對o的菜有興趣！
尋日媽媽滾o左魚湯，我覺得好好味！
但以前我係唔鐘意飲魚湯嫁！
今晚放工返屋企，又聞到媽媽滾魚湯味，即時開胃晒！
今晚係我作嘔咁耐食得最full o既一晚！
原來有o左bb食o野口味真係唔同o的嫁！
希望大小b乖o的，我可以食到多o的o野！
咁佢o地先會快高長大嫁o麻！本來約o左聽日去做第一次產檢！
但因為老公聽日要同老細上去大陸見客，所以改o左今日！
好彩咁o岩有人cancel booking 咋，唔係都約唔到今日！
因為老公朝早要返公司，要等佢老細走o左先可以出黎陪我去睇醫生！
所以去到遲o左2個字！
黃醫生係我一路都睇開o既婦科醫生！
我2個阿姨都係睇佢嫁！
雖然有booking，但都要等o左成個鐘先有得睇！
入到去，醫生問o左幾個問題，之後就叫我上床喇！
因為要照超聲波呢！
支棒棒一按落個肚度，醫生就話好似係………….喎！
我同老公即時話”唔係呀？！”
搞o左陣，見到bb心跳喇！
但只係見到大b個心跳！
細b個心跳好難搵呢！
所以醫生叫我去第度照個高清版超聲波，confirm究竟係咪twins！
因為樓下化驗所要等，所以叫我o地去食lunch先！
老公同我去o左食雲南米線！
不過我都無咩胃口，只係覺得杯熱檸水好好味！(我以前唔飲檸水嫁！)
2點半倒，化驗所打黎話可以上去照喇！
用呢個高清版睇心跳睇得清楚好多呢！
大小b都見到有心跳喇！
但周數就只係5w6d，比正常計算周數係小o左一周！
呢度個醫生話都係o岩o岩見到有心跳！
如果早o的黎照都未必照到呢！
可能大小b都想快o的俾我o地知道佢o地o係度成長緊呢！
黎到呢度，知道係twins，其實個心係好開心！
因為我同老公兩邊都無人試過有twins o既！
但另一樣煩惱又黎！
就係老公話床位只係得一個喎，哈！
o係化驗所拎埋報告都未夠鐘再去見黃醫生！
所以就先去QE 登記先喇！
前後用o左15分鐘就完成！
1st去醫院check係11月24日！
登記完就再返去黃醫生度喇！
黃醫生開o左每日4粒葉酸俾我！
兩個星期之後返黎去覆診！
仲俾o左o的資料我o地返去睇呢！
醫生話下次應該可以知道係同卵定係異卵雙生！
化驗所醫生照高清時話可能係異卵雙生呢！
如果係o既話，咪即係有一半機會係龍鳳囉？！
其實係仔係女都無所謂，佢o地都係自己生嫁o麻！
