陳太廚房－炸大腸、泰式豬頸肉、燒鯖魚、鯊魚骨猴頭菇湯@20090829

今晚Ｏ既新菜式賣相一般！

但個味ＯＫ嫁，只係爭上碟Ｏ個Ｏ下失色Ｏ左少少！

有泰式豬頸肉！

呢個真係ＧＯＯＤ嫁！

仲有自己整Ｏ既炸大腸！

未炸之前都ＯＫ，可能因為擦完蜜糖同醋之後風乾得未夠耐啦！

搞到一炸個皮就黑晒！

但都有出去食Ｏ既風味！

出面色比較橙黃色，係因為有橙黃色素！

我無落到呀，話晒呢Ｏ的都無益Ｏ麻！

仲有係老公整Ｏ既燒鯖魚呢！

媽媽要有Ｏ既指定菜式－炒菜！

仲有就係鯊魚骨猴頭菇湯！

今晚呢餐兩個新菜式，一個好成功，另一個就半成功！

下次再整時希望有進步啦！

夏之消費大獎賞

又係星期六喇，美女廚房陳太又係時候出動喇！

今日長週，１點ＳＨＡＲＰＬＹ即走，因為晏少少就東亞火炬傳遞，要封路呢！

如果唔係就要去唔知邊度先有得搭巴士返屋企喇！

返到藍田，先同老公去八喜飲下午茶！

跟住就去吉之島買Ｏ野喇！

點知俾我Ｏ地發現Ｏ左有以下呢樣Ｏ野！

就係每小時最高消費Ｏ既，就有＄５００稻香ＣＯＵＰＯＮ！

去服務台換埋張生日優惠（都係９５折咭１張），加上今日全店９５折，張生日優惠仲可以同埋全店９５折一齊用！

老公計過即係差唔多９折呢！

總結我Ｏ地今日平Ｏ左成百蚊呢！

仲係１６：００　Ｏ既最高消費！

拎Ｏ左＄５００稻香ＣＯＵＰＯＮ呢！

個經理話要影相，我死都唔肯影！

梗係啦，唔係俾住附近Ｏ既枝哥同馬大師姐見到，實俾人笑我師奶啦！

宜家準備緊時日晚餐！

唔知今晚兩個新菜式成唔成功呢？！

 

20090815-20090816 生日兩天遊Day2 – Part 3

上回講到，O係去三門仔之前，老公話要去新達廣場消費！

我O地10點1個字返到大埔墟！

老公真係帶我上去新達廣場！

老公話去食雪糕喎！

一上扶手電梯右手面係麥當當！

我以為老公真係帶我去麥當當食雪糕！

點知係轉左，去O左一間DA DOLCE O既雪糕店！

去到個SALES拎住個電話！

佢話打極都打唔到俾老公！

因為想CONFIRM 佢係咪去拎O野喎！(事關人O地收10點嫁！)

點知過完關老公係唔記得換返張電話咭！

所以個SALES打唔到俾佢呢！

老公之後話好彩，唔係就穿煲喎！

跟住老公拎張單出黎！

唔怪之後老公話要去新達廣場消費啦！

原來老公訂O左個雪糕生日蛋糕俾我！

咁多年生日老公都無送O左生日蛋糕！

所以我真係估唔到會有蛋糕嫁！

仲要係意大利雪糕呢！

HONEYMOON O既回憶返晒黎LU！

搭車時老公話我係唔會咁普通，呢個蛋糕味道我一定好鐘意！

我就話一定係開心果雪糕！

因為O係意大利時我食過開心果雪糕，話好好味呢！

老公話好彩佢之前唔係一早講晒佢O既安排俾我知！

因為有少少TIPS我就會估到呢，哈！

老公仲O係個牌上面寫O左好多字呢！

返到屋企睇埋超級巨聲，等到12點，老公就整個生日蛋糕出黎！

老公仲唱生日歌添！

我仲有許願呢！

真係好開心，好欣賞同好感動老公今次O既安排！

老公話因為係婚後第一個生日，所以要俾O的心機喎！

今年生日真係好開心呢！

20090815-20090816 生日兩天遊Day2 – Part 2

睇完咁靚O既日落，老公就帶我去食O野喇！

呢度就係出名O既三門仔漁港喇！

老公原來已經BOOK O左位呢！

真係有O的估佢唔到添！

我O地拎O左枱之後，就去揀海鮮喇！

今晚好豐富呢！

年年生日都食龍蝦，今年特別O的，就係唔食龍蝦喇！

改食象鼻蚌刺身！

我O地叫O左5個餸，係全海鮮餐！

有避風塘大瀨尿蝦！

象鼻蚌刺身兩食！

豉椒炒花甲配煎米粉底！

每人兩隻機燒南非鮑魚！

五味麻辣蟹！

仲開埋O岩O岩買O既芝華士添！

除O左鮑魚同瀨尿蝦，其餘都係生日第一次有O既菜式！

呢度都好味，但因為要加一，計落都係南丫島抵食O的呢！

食到9點，老公叫埋單！

老公好少咁趕要埋單嫁喎！

老公話要趕返去睇超級巨聲喎！

原來睇電視係一個藉口，好戲在後頭呢！

20090815-20090816 生日兩天遊Day2 – Part 1

今朝O係水上明珠食埋個早餐先走！

走人時都成下晝2點LU！

之後老公帶我去O左東門行街！

但唔知係咪尋晚O的香薰勁得濟！

我同老公兩個都好似無咩力行咁呢！

行O左一陣，大約5點半就起程返香港LU！

我O地又係經落馬洲過關！

因為我O地要去DUTY FREE買芝華士呢！

買兩支送一個旅行袋！

跟住我問老公帶我去邊度食晚飯！

老公神神秘秘咁話帶我去比華利山睇豪宅喎！

我問比華利山O係邊嫁，老公係都唔肯講我聽！

老公話只要跟住佢就得，唔好問咁多喎！

搭火車去到大埔墟，老公話落車LU！

途經新達廣場，話陣間我O地去呢度消費埋先返屋企！

當時真係唔知佢講咩嫁！

跟住老公帶我去搭小巴！

架小巴又真係寫住去比華利山嫁喎！

上O左小巴，老公終於都講佢會帶我去邊！

原來係去三門仔食海鮮！

因為我之前講過，話年年都去南丫島，開始有少少悶！

所以老公今年特登帶我去一個全新地方食海鮮！

入到去，老公話時間O岩O岩好！

可以睇到咸蛋黃！

原來老公有計過時間想帶我去睇日落嫁！

好鐘意睇日落，尤其係同老公一齊睇！

老公話南面睇到馬鞍山，北面就有八仙嶺呢！

老公仲話帶我去馬屎洲！

佢傻嫁，要我行山！

當然知老公係講笑啦！

大家睇O下日落O既景色幾靚！

20090815-20090816 生日兩天遊Day1 – Part 2

由賽車場行返出去，去到一個好似廸士尼O既地方！

呢度就係老公安排今晚晚餐O既地方喇！

呢度係個美食城！

佢有好多食肆嫁！

老公就係帶我去O左呢間木屋燒烤喇！

老公之前上網CHECK過，呢間O野來頭都唔少嫁！

原來係美國總統奧巴馬同父異母細佬O係中國投資開嫁！

呢度好多人黎，未夠6點半就已經坐滿晒！

所以老公6點就帶O左我黎坐低呢！

呢度就食燒烤食物！

係全部都即場燒嫁！

以下就係我O地今晚O既晚餐喇！

食得非常飽，兩個人都只係人仔160，真係好抵！

食飽同老公O係附近散一陣間步，就搭的士去今晚借宿O既地方！

就係去水上明珠按摩喇！

呢度人仔88雙鐘，仲送大堂項目一款！

但因為今日星期六，所以要滿4個鐘先可以過夜！

我O地O係大堂仲睇埋烈火雄心大結局先上房呢！

由11點開始按，先黎個中式雙鐘！

之後加鐘加O左兩個鐘日式按摩！

O係按日式時真係訓著O左呢！

真係好舒服！

按完晒就同老公大覺訓，因為聽日老公仲要帶我去玩喎！

呢度最好就係佢可以俾港幣！

我O地由夜晚8點到第日2點，埋單應該人仔550！

若俾港幣都只係580 ，咁當然俾港幣啦，抵好多呢！

咁大個女都係第一次O係按摩O個度過夜！

老公都話係第一次呢！

老公O既第一次又俾O左我呢！