Plan o左大半個月，終於都出發喇！
本來約o左飛小姐8點半o係上水火車站等，但由於我o地塔o左277x再去到華明轉70x，而等70x又等o左4個字，所以搞到成9點先去到！
去到上水已經多人到不得了！
但過關都算快，香港同羅湖關夾埋都只係用o左3個字度o姐！
跟住就走去買飛上廣州東喇！
我o地9點9去到火車站，點知都要買到成11點班車喇！
由於要等成個鐘o既關係，所以就去o左大快活食個早餐先喇！
食飽飽就去搭車lu！
搭o左差唔多1個鐘就去到廣州東喇！
跟據老公plan好o既行程，就係去轉地鐵去長隆站喇！
我o地4條茂利，人o地要去到某個站轉對面車，我o地唔識轉，搞到搭o左兩次！
去到長隆站都成12點3 lu，再搭的士去永成酒店！
呢間酒店係2008年開o既，都好新淨嫁！
間房都算大，每人人仔468一晚再加歡樂世界同大馬戲入場，同埋自助餐早餐都算係咁啦！
為o左爭取時間，所以擺低晒o的o野就出發去歡樂世界喇！
去到係1點零倒啦！
一去到，個感覺好似去o左廸廸尼咁！
老公同飛小姐先去玩十環過山車，我同林生唔敢玩呢！
跟住佢o地再去玩o個個要企住o係度玩o既過山車！
跟住經過遊戲攤位，老公用o左10蚊去玩！
老公入o左兩個波，呢個就係禮物喇！
係一支印住長隆歡樂世界o既復活兔筆！
玩完之後就去食lunch lu！
我同老公只係叫o左一個餐！因為實在太貴喇，要成30蚊！
沒有留言:
張貼留言